俾女仔話悶係咪等於無機?

如題

同埋想問下大家覺得一個女仔對你有戒心ge話
可以點樣睇得出?
(雖則呢條問題ge答案小弟都大概知道少少)

呢兩條問題我都知問得有D灰
當中background唔打算公開打出黎
想知ge話或者PM問我啦

[ref=126430]kychung[/ref]  在 2005-2-8 01:02 AM 發表:

如題

同埋想問下大家覺得一個女仔對你有戒心ge話
可以點樣睇得出?
(雖則呢條問題ge答案小弟都大概知道少少)

呢兩條問題我都知問得有D灰
當中background唔打算公開打出黎
想知ge話或者PM問我啦

唔係無機ge, 不過梗係要改喇, 佢言下之意即係要你active d...
只要係 active, 攪笑下, 佢對你改觀就 ok ga la~

戒心就留意下佢對你同佢對其他人有咩唔同....
同其他人作比較很容易看出~

唉
我還是將我ge經歷post上黎
睇下有無名醫可以診斷下
我就快煩到死啦

話說小弟響大學識左位莊友,當初我對佢無乜感覺,
但係佢係我上左莊以黎第一個主動同我ICQ ge莊友.
我自問平時唸野頗灰,加埋呢幾年面對得逆境多,
心境都開始蒼老,同埋成日剩係識約埋班麻甩佬借酒消愁.
佢除左經常不厭其煩勸我唔好唔開心之外,
仲鬧我唔好飲咁多酒,同埋話"我唔鐘意有frd好似個阿伯咁唸野法呀".
個一刻我真係好感動,
竟然有個我覺得唔係咁起眼ge女仔肯關心我呢pat爛泥
(所以我好想會有一日有機會唱爛泥俾佢聽),
真係好感動,所以咁就鐘意左佢.
之後我俾佢知道左好多以前唔會同女仔講ge野,
包括我個D一匹布咁長ge崎嶇情史.
亦都因為佢,我下定決心戒左酒.
不過逐漸開始,因為我同佢ge功課都唔少,我同佢少左聯絡,
同佢一齊做莊務ge機會都唔多,但係我都仲會不時主動搵佢.

今日同佢一齊出街做莊務,本來我打算同佢表白.
我千叮萬囑唔好遲到,不過我完全打唔到俾佢,
我已經feel到唔對路,佢無理由咁無交帶放我飛機,
後來到我做妥莊務返歸個時先,發現到佢響約定ge地方踱左好耐,
原來佢唔見左個電話,本來都響約定ge地方撞我,不過撞唔到,
一路就踱到我出現為止(唉....呢件事搞到我覺得好似同佢無乜緣份咁).
佢全日心神恍惚,好明顯係唔開心,我好盡力氶佢,不過都好似無補於事.
今日我同佢坐響國金二期starbucks,本來以為一齊嘆住咖啡,
靜靜地望住個海會好浪漫,點知我見佢D小動作有D唔自然,
咁我就問佢係咪有咩唔妥,咁佢就話我有少少悶,
不過佢後來又話佢識D人大部份都好悶.
我見咁ge情形,當然無同佢表白,不過都有問佢2月14有無人約,
佢就話要留響campus做project.
2月14都係其中一件我同佢一齊做ge莊務ge起貨日子,
所以如無意外可以見到佢,表白ge事不如拖到個日再算.

不過有幾個不解之謎
實在連我識ge"專家團"都俾唔到答案我:

1.大家覺得個女仔對我有無好感?
(話有ge就會話:佢咁關心你,今日仲響街度呆等左成粒鐘等你出現,梗係有啦.)
(話無ge就會話:佢見親你個時D小動作都顯得周身唔自在,有就奇囉.)

2.如無好感,咁對我係咪起左戒心?
因為話說今日我請佢飲野
(今日其實仲有另一個老死在場,為免個女仔起疑,我請埋個老死飲.)
但係佢直到走為止都無飲到
成日話"唔飲啦,你飲番啦."
呢D係咪即係佢已經請左我食檸檬?

3.有"專家"認為我應該趁機不惜工本買部新手機俾佢當情人節禮物
亦都有"專家"覺得咁做太冒險
錢個方面暫時黎講係可以afford到咁做
不過大家覺得我好唔好真係咁做呢?

4.而家佢又無左部手機
除左ICQ之外真係無途徑搵到佢r
2月14隨時連見佢ge機會都無埋
機會一過就唔知幾時再黎
大家覺得我將表白一事拖到個日呢個決定係咪明智呢?
(話係明智ge話話:佢今日明心情唔好,今日表白肯定失敗.)
(話係唔明智ge話:佢今日心情唔好更加係你表現關心ge時候,但係無把握到.)

5.大家認為我ge機會率有幾成?

如果大家仲需要知道D乜野information黎診斷ge話
隨便問小弟

小弟今日心情 super 靚，雖然勁眼訓，不過都等我講兩句啦....
希望你心情可以同我一樣變得 super 靚！

但係佢係我上左莊以黎第一個主動同我ICQ ge莊友.

恕我直言，呢樣可以睇得出你真係幾悶蛋(甚至不受歡迎).......
我諗無論你係咪追女仔都好，你都應該改善下。
不過咁亦突顯個女仔有意破冰~

佢除左經常不厭其煩勸我唔好唔開心之外,
仲鬧我唔好飲咁多酒,同埋話"我唔鐘意有frd好似個阿伯咁唸野法呀".
個一刻我真係好感動,

首先已經肯定佢唔係十分抗拒你，因為佢真係當你係 friend....
不過咁亦唔代表佢會接受你....

不過逐漸開始,因為我同佢ge功課都唔少,我同佢少左聯絡,
同佢一齊做莊務ge機會都唔多,但係我都仲會不時主動搵佢.

有無搞錯呀，莊友都少聯絡........... 功課多絕對唔係藉口，
除非佢係讀書至上啦.....

一路就踱到我出現為止(唉....呢件事搞到我覺得好似同佢無乜緣份咁).

你兩個做左莊友已經係緣份啦！

今日我同佢坐響國金二期starbucks,本來以為一齊嘆住咖啡,
靜靜地望住個海會好浪漫,點知我見佢D小動作有D唔自然,

浪漫唔一定係氣氛營造出黎既.... 其實兩個人靜靜地就最好....
唔自然既小動作可能係佢都緊張....

咁我就問佢係咪有咩唔妥,咁佢就話我有少少悶,
不過佢後來又話佢識D人大部份都好悶.

後面果句就係唔想你唔開心既....
我覺得佢想你無咁悶，但係就唔係十分介意你悶....

我見咁ge情形,當然無同佢表白,不過都有問佢2月14有無人約,
佢就話要留響campus做project.
2月14都係其中一件我同佢一齊做ge莊務ge起貨日子,
所以如無意外可以見到佢,表白ge事不如拖到個日再算.

你問得佢呢條問題，基本上已經表白左一半~
你可以留意下呢幾日佢有乜反應...

1.大家覺得個女仔對我有無好感?
(話有ge就會話:佢咁關心你,今日仲響街度呆等左成粒鐘等你出現,梗係有啦.)
(話無ge就會話:佢見親你個時D小動作都顯得周身唔自在,有就奇囉.)

我覺得有好感.... 不過我又未睇得出佢鍾意你....
有 d 比較「好人」既女仔可以對任何朋友都好好....
(詳情可參考本板另一文章:  《點樣知道一個女仔係咪鍾意咗自己?》)

2.如無好感,咁對我係咪起左戒心?
因為話說今日我請佢飲野
(今日其實仲有另一個老死在場,為免個女仔起疑,我請埋個老死飲.)
但係佢直到走為止都無飲到
成日話"唔飲啦,你飲番啦."
呢D係咪即係佢已經請左我食檸檬?

呢個好難 interpret...
會唔會係有其他原因？我諗要等多 d 觀察~[/quote]

3.有"專家"認為我應該趁機不惜工本買部新手機俾佢當情人節禮物
亦都有"專家"覺得咁做太冒險
錢個方面暫時黎講係可以afford到咁做
不過大家覺得我好唔好真係咁做呢?

千祈唔好.... 你咁樣會嚇親佢，
同埋會覺得你洗錢好隨便.....
不過我覺得你可以借部手機俾佢 (唔好係你自己果部)...
等佢可以有電話用住先~

4.而家佢又無左部手機
除左ICQ之外真係無途徑搵到佢r
2月14隨時連見佢ge機會都無埋
機會一過就唔知幾時再黎
大家覺得我將表白一事拖到個日呢個決定係咪明智呢?
(話係明智ge話話:佢今日明心情唔好,今日表白肯定失敗.)
(話係唔明智ge話:佢今日心情唔好更加係你表現關心ge時候,但係無把握到.)

我都唔明.... 點解作為莊友，連人地屋企電話都搵唔到..........
我唔敢話你 214 表白好唔好.... 不過對於「佢今日心情唔好
更加係你表現關心ge時候」，就好視乎你知唔知人地點解心情唔好....

5.大家認為我ge機會率有幾成?

我抱「觀望至樂觀」既態度啦....
不過我覺得你有好多空間可以做得更好，
例如改善性格，多 d 了解對方等....

如果大家仲需要知道D乜野information黎診斷ge話
隨便問小弟

我比較想知個女仔係咩性格、對其他朋友態度係點，
同埋之前有無拍過拖....

[ Last edited by da54 on 2005-2-8 at 04:28 ]

Background部份，
我只會想知多幾樣野先。

第一，到底個女仔的性格係點樣?
第二，個女仔同你有幾熟?
第三，你同個女仔係唔係同系?個系算唔算係人多?
第四，請觀察一下個女仔對其他人的態度是否同樣?
希望你觀察一段短時間後才回答第四。

至於問題方面，
因為你俾出來的背景資料好少，
而且交代得唔清楚。
你成個情景係點樣，
如果你只係掛住將個焦點方響個女仔身上，
當然件事的解讀就會扭曲了。

故此，我不會在這個階段下任何判斷，
希望你可以在答到第四的時候，
我再俾一個詳盡的答案你。

呢個都唔係代表冇機既
但係機會唔大囉

不過我確係識得一d 悶蛋朋友
佢地直係俾所有人都公認為悶蛋
但係佢地一樣有女朋友

有時都要睇下你好唔好彩既......

一次過答晒大家啦:

恕我直言，呢樣可以睇得出你真係幾悶蛋(甚至不受歡迎).......

首先呢,原來我打錯字,佢係第一個主動同我ICQ ge女莊友
悶呢樣野....真係性格上ge老問題....咁多年都改唔到
又或者咁講啦,小弟讀左齋校太耐,同人ge話題離唔開淫賤野,
咁呢D野無理由同女仔講架嘛....所以不嬲同女仔都好難有偈傾
女仔frd亦更加從來係無咁滯#:-/

首先已經肯定佢唔係十分抗拒你，因為佢真係當你係 friend....
不過咁亦唔代表佢會接受你....

我都明呀....我成日都係一廂情願咁唸野....頗易鐘意人

有無搞錯呀，莊友都少聯絡........... 功課多絕對唔係藉口，

從佢ge老死口中得知,佢係幾睇重讀書,因為佢讀緊asso,
佢個program D paper同project都勁多.
其實佢都忙到極少掂莊務,支莊裡面差唔多無人記得有呢個莊員,
仲因為咁試過俾工頭閙佢"你咁唔得閒就不如咪學人上莊".

唔自然既小動作可能係佢都緊張....

咁唔知佢緊張係咪因為我令到佢覺得好唔舒服?

千祈唔好.... 你咁樣會嚇親佢，....

我打算由佢屋企開始沿路去搵下佢部電話

我唔敢話你 214 表白好唔好.... 不過對於「佢今日心情唔好
更加係你表現關心ge時候」，就好視乎你知唔知人地點解心情唔好....

唔見左電話....囉囉孿梗會有D ge

我比較想知個女仔係咩性格、對其他朋友態度係點，
同埋之前有無拍過拖....

性格呀....據小弟觀察....都幾被動同埋怕羞
唔計返學ge話都極少出街
佢ge frd....小弟都係見過一兩次左右,
因為次次搵佢佢都係單拖黎見我,
同埋佢睇黎都唔似係多frd ge人,
要觀察佢對他朋友ge態度係點都幾困難.
據小弟估,佢讀中學個時應該拍過拖,
不過我D"專家"一致認為佢而家無拍拖,叫小弟放膽去云云....

第二，個女仔同你有幾熟?
第三，你同個女仔係唔係同系?個系算唔算係人多?

同我熟唔熟呀....睇下點比較啦
如果以我平時同麻甩佬個種friendship ge程度呢....我唸就唔算好熟啦
不過支莊裡面呢....
就得我同埋一個當初拉佢上支莊ge中學同學(女仔黎ge)識得佢r
其他莊員就算仲記得有呢個人都已經連佢個樣都唔記得
見到佢都唔知佢係莊員

我同個女仔唔係同系
我讀engine佢讀social studies

[ Last edited by kychung on 2005-2-8 at 14:14 ]

[ref=126793]Ketsu[/ref]  在 8/2/2005 13:00 發表:
不過我確係識得一d 悶蛋朋友
佢地直係俾所有人都公認為悶蛋

我又未至於係全世界公認ge悶蛋
不過我係女仔公認ge悶蛋
我響麻甩佬面前勁多野講
(不過都係一味剩係講淫賤野)
D麻甩佬會覺得我勁嘈
D女仔就會覺得我靜
同埋越多人ge場合我就越嘈
越少人ge場合就越靜
所以我通常都唔會單獨見佢r
都會搵我個老死(都係莊友)一齊充撐下場面

[ref=126857]kychung[/ref]  在 8-2-2005 14:12 發表:



我又未至於係全世界公認ge悶蛋
不過我係女仔公認ge悶蛋
我響麻甩佬面前勁多野講
(不過都係一味剩係講淫賤野)
D麻甩佬會覺得我勁嘈
D女仔就會覺得我靜
同埋越多人ge場合我就越嘈
越少人ge場合就越靜
...

成日淨係講D 咸野淫賤野只畀人感覺低俗
你D女性朋友知唔知你成日講呢D野?

想女仔覺得你唔悶, 平時就搵D唔同話題同
人傾, 仲有多D埋人堆知道下人地有咩話題
唔好一味得你講冇人講..仲之平時多D講野
都會對自己溝通能力有幫助..當然你的CASE
唔多唔少都係你性格上問題, 你自己都要
改善一下囉

睇多d書或報紙都可以的。
不過好奇怪，我睇d乜，
我d friend都話無興趣的。
係太土還是太深呢？