幾時開始, 專利巴士"調整班次"唔使再出通告提醒乘客?

384047x 發表於 2019-5-1 00:27
你諗下厹司連冷氣都想慳，遲啲連停站、班次都係QR Code，咁又可以唔洗轉站牌，又慳埋張豬紙，唉！ ...

不如站牌都唔洗要當係紅色小巴咁截車

環保嘛
其實下下出通告印完又要過膠都好浪費
加上而家d通告成日錯漏百出,改完又改
電子化係有佢好處

唔好話九巴，龍運都係，E31, E32A, E42P加班都只係apps出（網頁應該都有）出通告，不過出hardcopy 掛站頭都未必有人睇，改左班次改左路線頭幾日又係又人嘈點解改左，要睇既上網或手機睇，唔睇既永遠都唔睇，又難怪佢唔出hardcopy 掛站頭。

N38 發表於 2019-5-1 04:22
唔好話九巴，龍運都係，E31, E32A, E42P加班都只係apps出（網頁應該都有）出通告，不過出hardcopy 掛站頭都 ...

其實除了龍運,九巴外,近期連新巴,城巴呢D鬼鼠調整班次通告都係求其貼張紙叫人去App睇.

搭單講講，九巴37,43B快將調整班次

樓主問幾時, 我就答番幾時啦.

九巴來說, 大約由2005年開始除了改頭尾車和加密班次外都無再出通告,

直至2012年把通告放上網, 調整班次先再有通告出現,
(但唔記得幾時開始在車站掛番通告),
2018年有少量路線調整班次無通告,
2019年開始全面不再有調整班次通告了

ricky619 發表於 2019-5-1 12:34
樓主問幾時, 我就答番幾時啦.

九巴來說, 大約由2005年開始除了改頭尾車和加密班次外都無再出通告,

仲係黑白通告嗰時都有唔係因為呢幾樣改動而有出通告，例如呢度，但係都係佔好少。

其實一直都有啲路線有改到但係無通告(可能無人留意)，但係上年開始係多咗無通告，例如上年12月改嘅48X(豬紙寫嘅更新日期)，對比起之前連681由個最密2分鐘改做3分鐘都有出通告，真係差咗啲。

今年2月同3月改嘅仲有通告，但係呢個月真係多咗好多改班次但係無出通告，特別係部份改動都幾多，希望遲啲肯出返通告。最少好似隔離42咁出下通告話俾人知改班次都好吖。

至於龍運就...