部份原定續牌超富不獲續牌

1005 發表於 2019-5-11 12:45
側聞有人貼出部份車廠相片，相片公開後有地區人士向運輸署投訴，因此令車輛續命拉倒喎，唔知會唔會陸續有來 ...

我又唔係咁睇喎，利申唔係幫站務/樓主講野。

若果投訴人士係區議員，有幾多個會真係走入嚟睇廠內相？除非有忠誠巴迷放水，就算知道九巴唔夠車，選舉年又有幾多個區議員會忍住唔同運吉投訴呢？我相信XX報踢爆九巴批龍運atr，e500之後，佢都會好執著九巴呢批舊豬。

九巴自己決定唔續嘅話，佢自己都少左短車用，咁佢會唔會小家到，因為有人放相上網，就寧願唔夠車用都要挫下某放料人士嘅銳氣呢？九廠廠務部同理。

而運輸署本身都要批左批短車續牌先有得行，唔存在九巴隱瞞運吉偷偷地拖一兩個月先話唔夠短車，逼運吉續短車嘅情況。

當然啦，咁多情況底下，單係沙中線遲開，已經夠理由要運吉批准續牌。另外，一批全新嘅 Streetdeck，若然來貨期係代 ATS嘅話，其實依家應該要到，始終新車型要慢慢執。呢批車可以七八月嚟得哂又出得哂嘅，我會好佩服威廠(尤其佢自己都有唔少英國訂單)。

JH_LE4612 發表於 2019-5-13 06:41
九巴自己決定唔續嘅話，佢自己都少左短車用，咁佢會唔會小家到，因為有人放相上網，就寧願唔夠車用都要挫下某放料人士嘅銳氣呢？九廠廠務部同理。

要捉內鬼出嚟甚至解僱
涉事者都好過故意拉倒?

話就話「行車班次或會因應
道路交通情況調整，並不會
先行通告。」咁九巴可控制
範圍都故意拉疏班次,例如可
常規用12米雙嘅路線走去用
短雙,或者運吉唔放寬部份路段
嘅限制,責任喺邊個身上好清楚。

．KD．8283． 發表於 2019-5-13 03:12
KL牌打後個批係歐三但唔係第二批吧
而且ATS101-150呢50部都未到18年大限

其實ATS101-150距離18大限都係爭一年半載到只有歐三豬仔先有三二年命(尤其係2004-05年出街ASV75-100).


btw,九巴當時(2017年)應該要將所有ATS,ASV裝SCR做下ATSE後備,

可以百搭用下(又應付細車線兼可以照顧下低排線(如:45,46,103)需求);
唔係現在當StreetDeck/歐六十米車未有著落(出街)又要應該細車需求先黎叫救命(太遲),
所以今次紅公司真係抵死啵.
如果,當時應該係2015年金巴仔要跟對家(橙汁巴)買返十部八部E400Facelift應付住先,
起碼唔駛搞到唔湯唔水的局面.

AtrHenu 發表於 2019-5-13 09:34
其實ATS101-150距離18大限都係爭一年半載到只有歐三豬仔先有三二年命(尤其係2004-05年出街ASV75-100).:lo ...

雙軸車載客量比三軸短車低一截，始終覺得唔係理想代替品
而家d短車掛牌線應該好多都行到11米，西貢線，103，276本身已經用得
34,64K,76K,269M用到機會都幾大
呢d線用得的話短期內都唔駛買短車，不過用11米車係咪如某d版友話會增加營運成本就不得而知

11m 車增加營運成本多啲，定係91M 呢啲唔夠載倒客俾小巴影響大啲呢？

其實夾硬改12米，我個人認為都係要為直梯車搵出路

Phoenix 發表於 2019-5-11 15:19
希望全部K牌短車的續命計劃都被拉倒！
近來新清舊清安秀道交界有工程進行，願西貢三寶在不久的將來能成功轉 ...

清水灣道三寶行唔到12米主因係舊清德望段(指新舊清交界至德望學校之間)有對頭車就會危險當年91M改派11米嗰陣其實已經會踩過界

只係運吉改一改上山燈號去盡量避免兩車喺轉彎位交匯
但架車再長多1米就唔同講法
所以大家一路都係話點解政府唔肯削一削轉彎位路邊草地去就位
(除非問題主因唔喺呢個轉彎位)

fokck 發表於 2019-5-12 17:24
91M、92 問題係：
1. 德望個站d 客死都唔肯放手(事實又真係好多站友都話過頭車至尾車都會有人打鐘德望落 ...

德望客除咗德望人會用之外
唔少順利人都會用
(因為唔太可能喺舊清安達臣道, 或者彩雲邨行番去順利)
但係改行新清的話, 順利宿舍或者匯基對開都冇合適位置設站

之前印象中有板友貼過新利街/ 新清交界會有道路改善工程
當中涉及會set巴士站
若果呢個工程可以令到新清(落山方向)可以令到清水灣道三寶set到站的話
相信會令到區議會易d過
(因為新站比舊站仲方便咗, 而且沿路保安情況亦較好)

其實我覺得穗禾苑的短車問題係咪應該
最易解決,
而家80M,81K,280X成日有12米丹記車做替車/特見,
甚至少量做埋掛牌(280X),加上最近食左唔少前U廠綠蛋做spare,
會否可將堆綠蛋上牌一些有丹記車又有蛋/富豪做掛牌的線如81C,80K,87K
統一車型再甩走呢堆線的12米丹記車上牌80M,81K,280X代哂批短車應該OK啦!

Eddie 發表於 2019-5-13 10:31
雙軸車載客量比三軸短車低一截，始終覺得唔係理想代替品
而家d短車掛牌線應該好多都行到11米，西貢線，10 ...

76K一早用緊12米，洗鬼要短車