香港雙層新車係唔係只會有Enviro400、Enviro500 MMC同B9TL？

以前喺路面上見到嘅雙層巴士有幾廿種款式，去到而家除咗即將退役嘅舊Trident、初代Enviro500同埋Super Olympian之外，基本上我已經見唔到Enviro500 MMC同埋B9TL以外嘅車款，係啲短車路線會有Enviro400。

喺以前，我會為咗某啲特別車款走去遊車河，但係而家，無論搭咩線都係一律Enviro500 MMC，間中有少量B9TL，除非嗰條線有用車限制；當中雙層嘅短車線就一味Enviro400。

咁以後嘅新雙層巴士係唔係只會有呢三款車？呢三款車，尤其係Enviro500 MMC，有咩絕對優勢令到巴士公司大量入貨，唔再考慮其它廠商嘅巴士？

咩年代，仲B9TL？(轉咗B8L好耐)

仲有MAN A95去咗邊？

君不見B8L、Streetdeck、MAN A95、雙層雞乸

hellomato 發表於 2019-5-21 09:56
君不見B8L、Streetdeck、MAN A95、雙層雞乸

我好似見過有B8L（係唔係行59X嗰啲）同MAN A95（嶼巴嗰啲），不過無乜存在感，基本周街都係清一色Enviro500 MMC。

以前唔同嘅路線有唔同嘅代表，例如258D主力用12米龍、960主要用都躉、58M主要用12米龍同Centroliner（早期啲就用康豪）、58X就用Enviro500躉，但係到而家，全部無論乜路線，除非係嶼巴路線或者有用車限制，否則都係只會諗起用Enviro500 MMC行。

另外，話時話點解置富花園嘅路線，用得11米又唔用Enviro500 MMC行，只會用B9TL？呢方面Enviro500 MMC有咩問題？

以後嘅事好難講
巴士公司買幾種車型都唔太難理解，其中一個原因係公司可以減少維修嘅成本
例如佢哋只需要keep同款車型嘅零件就可以，甚至乎無後備零件嘅時候可以响其他同款車拆零件出嚟頂著先，就可以出車。
當然，單一車型有利有弊，假如個種車型係出現嚴重問題(例如設計出現問題等等)需要部分或全部停駛的話可能會出現唔夠車的情況。
其實呢種嘅運作模式响其他公共交通工具都有，例如部分航空公司只會單一機種作為主力就係呢個原因
當然有其他原因例如司機嘅培訓、公司管理等等所導致(其實最主要都係成本問題)

買咁多款車做乜，買一款車能行走絕大部分路線，對車務調動也方便
這好似以前德國車咁，只有屯廠識整，變左將來不能轉去其他廠
條條線都用同一款車咪幾好，以後搭車唔駛睇車型，有車就上，不用再做專登為了等某一部車浪費時間，可做更多其他有意義的事

WHYB630 發表於 2019-5-21 09:55
咩年代，仲B9TL？(轉咗B8L好耐)

仲有MAN A95去咗邊？

其實仲有51架StreetDeck呀（1架樣辦車 + 50架量產版）…

B-LAI 發表於 2019-5-21 10:15
以後嘅事好難講
巴士公司買幾種車型都唔太難理解，其中一個原因係公司可以減少維修嘅成本
例如佢哋只需要ke ...

除非出了非常重大的事件，舉例，部巴士中途起火，全車人走唔到被活活燒死，否則不見得會忽然成批同款車被要求停駛

hellomato 發表於 2019-5-21 09:56
君不見B8L、Streetdeck、MAN A95、雙層雞乸

對於樓主呢啲磚家嚟講，佢無見過姐係唔存在，所以香港雙層專利巴士只係得返三個型號，不容挑戰磚家權威