早鳥優惠優惠額加大至六五折

hong28828 發表於 2019-5-26 21:26
荃灣線荃灣方向頭班車客量係拍得住繁忙時間, 都係沙甸魚級數

仲有觀塘線黃埔開去調景嶺都係，共通點係頭班開出時間比其他線特別遲，荃灣線頭班0628先到荔景，~0636到荃灣，
觀塘線黃埔頭班0630先到九龍灣，~0640到調景嶺，
頭班已經算遲不特止，下一班仲要隔成8-10分鐘，如果喺荃葵青/大嶼山/觀塘區/將軍澳返早更，miss咗頭班都幾大機會遲到，咪搞到頭班好似迫到似繁忙時間一樣。

Toz 發表於 2019-5-26 23:53
繁時有幾多兩蚊客, 真係返工既又會唔知...

取消左不過係魚蛋論上腦, 幫助不大, 用下腦就諗到, 人地唔係必 ...

1. 地鐵徵收繁忙時間附加費，同時响繁忙時段取消長者小童等優惠，並非新事物。講緊係連黃子華都未做棟篤笑己經發生緊。
略有資歷0既板友，或者肯睇下地鐵歷史應該會知




2. 繁忙時間搭車，有邊個唔係“唔係必要會同你逼”？
唔係個個人可以揀返工時間，但總可以揀返工前後0既安排掛？

早鳥優惠，同以前0既繁忙時間附加費，不就是提供誘因，叫乘客更改乘車習慣？

3. 對系統運作略有認識0既，都知道任何系統一過optimum，效率會不升反降。
一過設計容量0既影響，係呈幾何級數咁上，甚至係去到爆鑊。
去到呢個階段，吉番幾廿個位唔係要塞另一D客，而係確保番系統運作暢順咋

s3n370 發表於 2019-5-27 23:06
1. 地鐵徵收繁忙時間附加費，同時响繁忙時段取消長者小童等優惠，並非新事物。講緊係連黃子華都未做棟篤 ...

係咪取消優惠就會唔搭?

唔好講廿個, 成抽車因為無優惠而唔搭既, 真係兩個都未必有。
效果極細反彈極大,諗過第二個方法好過。
以前做過既野宜家唔再做, 絕對係有原因。

再講魚蛋論上腦真係火滾
淨係講頭班車即有早鳥優惠
已經有#27所言驚多咗人受惠

全民兩蚊搭車無涉及魚蛋論
但總有人明明一同upgrade都
會指由無到有嗰啲係無資格攞。

s3n370 發表於 2019-5-27 23:06
1. 地鐵徵收繁忙時間附加費，同時响繁忙時段取消長者小童等優惠，並非新事物。講緊係連黃子華都未做棟篤 ...

首先當時地鐵公司實行繁時附加費並非全個系統,只限非核心區去港九心臟地帶;
先收附加費並取消小童/學生/長者半票優惠;但同時設早鳥出閘優惠(頭車至7:45)俾用成人儲值票乘客.

btw,如果港鐵要學當年兩鐵重設繁忙時間附加費應該有D難度,因為現時香港人返工的核心CBD區
由港島東至中部和南部和九龍東部至西部都有,如何劃位繁忙區呢?
(唔通地鐵市區五線連東西兩線和機鐵市區段都要劃為核心區);
若然真係想分流乘客搭鐵倒不如重辦20年前已取消的頭車至7:45
俾都會票,成人八仔非核心區去繁忙區的早鳥優惠仲好.