咩原因令九巴咁唔願意喺屯門區開新全日線/特別線全日化

屯門巴閉極咪起咗個欣田邨、雙寓同御半山囉，都冇一個新區域，我真係唔準你話九巴恰屯門，明明九巴最著緊屯門，新車多班次又密。人地沙田咪又係左收右收用嚟開新線，屯門最多咪架61X有時收啲，果然人係貪心的。屯門車密又多都唔知你嫌棄啲乜

Breadd18 發表於 2019-5-26 16:18
屯門巴閉極咪起咗個欣田邨、雙寓同御半山囉，都冇一個新區域，我真係唔準你話九巴恰屯門，明明九巴最著緊屯 ...

全日線代價永遠都係收車，資源永遠都唔會無中生有，樓主要識感恩九巴冇改善屯門巴士服務 #直完又曲 #自行理解

唔好咁膚淺, 只係用開線數量來決定係唔係恰

屯門區人口變化都唔多
欣田得五座樓, 未駛講到要開條新線服待
果堆微型樓, 入晒伙你估住到好多人?
(有冇人長住都係問題)

眼紅人地區有新線, 最簡單咪走去人地區住咯

屯門有個近乎萬能嘅屯轉，同市區距離又無咁近，自然係轉乘多，班次都算做得唔差呀

但係沙田脫班率奇高，而且近市區、又多隧道，無一個好似屯轉咁嘅轉乘站，自然就係開多啲唔同路線
但代價就係新舊線齊齊脫班

首先,74D與北區無關。

另外重點樓上已經講,
車款都事少,講班次屯門
完勝其他17區吖嘛? 尤其
新東嗰邊20分鐘或以上仍
收車,西鐵可以話對屯門幫助
有限,我諗就算東鐵停晒本地
服務(即保留直通車,邊境來往
上水至紅磡,但放棄上水至紅磡
之間嘅非邊境乘客)

新東都唔會有屯門嘅巴士待遇。

cky 發表於 2019-5-26 16:27
唔好咁膚淺, 只係用開線數量來決定係唔係恰

屯門區人口變化都唔多

其實屯門自從有轉車站之後，由於大量乘客也會用轉車站轉車，加上原有利用M線出荃灣轉車的模式，的確是無須大量開新線的，只須加密原有路線的班次便可。

但沙田出九龍，前往不同區份便要走不同的隧道，便需要不斷加開新線吧！但運載能力便會被打散，以致班次較疏落。

又據了解，「大巴哥」的新聘車長，大多乃居於屯門廠轄區範圍，變成其他廠的路線也會容易出現無人揸車的情況。