屯門南延線估算料增至160億 上蓋建2萬單位

巴士的膠 發表於 2019-5-29 14:12
我覺得新站會設喺巴士廠，然後上蓋起私樓（有河/海景，港鐵個商場又可以拉返新屯中果邊嘅客。近屯門泳池 ...

將車站起係河度先可以極大化商住面積，我都係諗私樓係南面政府樓係北面，不過我既睇法係私樓樓下會係大型商場，好似V-City咁。如果塊地要起車站，因為西鐵係高架橋仲要跨過數條行車天橋，樓底會好高，加上樓宇高度限制，變相可以用黎做商場既空間就少左，例如元朗站上面基本上就冇預留商場既空間。講賣地收益，可以起商場既價值又會高左，元朗站可以用元朗東巴士站起商場整體賣地價係93億，屯門站2006年都賣左38億…

053h4 發表於 2019-5-29 15:30
用賣地收期衡量鐵路項目即係高地價的幫凶。0.6％的居屋白表中簽率反映咩？ ...

香港現實係，地價高絕大部份香港人都開心，層樓又升值。2003年香港最大既怨氣係層樓眨值，做左負資產，連特區政府個八萬五都要終止。對冧個市香港過百萬業主都反對。係呢個情況下，唔用盡個土地價值先係傻。唔通車站上蓋起公屋咩…

Hopuco 發表於 2019-5-29 14:31
將車站起係河度先可以極大化商住面積，我都係諗私樓係南面政府樓係北面，不過我既睇法係私樓樓下會係大型 ...

或者可以考慮將走線東移到海皇路，霸埋輕鐵軌上空設站，東大嶼綫就同海華路平行。

屯門河最大問題係果段河道係彎左，好難唔騎上地面，轉乘輕鐵又唔方便。

整體結構維持T字或者十字換乘之餘，亦預東大嶼線經三聖廟、海榮路、湖山遊樂場橫穿屯門市區。

屯門碼頭方面，放兆禧對美樂果邊不太就腳，旆湖景路一嚟較近市中心，二嚟條尾長少少，入站車速都唔會太慢。

如果起多一個站叫乜站名好？屯門泳池？友安站？皇珠站？

ryumew 發表於 2019-5-29 19:00
如果起多一個站叫乜站名好？屯門泳池？友安站？皇珠站？

當然係由將來中標地產商命名，無樓何來有呢個站？

屯門泳池肯定會拆亦唔夠將來新樓盤觸目

海怡半島（鴨脷洲），康城（將軍澳南），杏花村（白沙灣），第一城（圓洲角），彩虹（牛池灣），兆康（屯門北）

不論新起定舊有，公屋居屋私樓用樓盤名命名棄用原有地方名皆有例子。

以地標則有大學（馬料水），香港大學（薄扶林），海洋公園（黃竹坑），迪士尼（竹篙灣），機場＋博覽館（赤立角）


用以上邏輯，總站叫屯門碼頭/海翠 （青山灣填海區） 都會比 屯門南機會高。

ryumew 發表於 2019-5-29 19:00
如果起多一個站叫乜站名好？屯門泳池？友安站？皇珠站？

定加站叫屯門南站 (現在是屯門南巴士廠), 原本的屯門南站叫蝴蝶灣 / 湖景站?

ryumew 發表於 2019-5-29 19:00
如果起多一個站叫乜站名好？屯門泳池？友安站？皇珠站？

個站名應該唔會同其他輕鐵站撞啦
反而屯門泳池輕鐵站應該會同新西鐵站一齊改名
就如新發輕鐵站改做屯門輕鐵站
青山灣站應該比屯門泳池站合適做重鐵站個名

所以呢個又係兩鐵合併帶來既惡果
以後起親新線龜鐵一定R你上蓋物業發展
沙中線係咪就因為冇所以特登搞到成pat屎咁呢我唔知喇