而家呢個年代重有咩吸引到巴士迷？

十幾廿年前，巴士種類百花齊放，有新款車出，有舊款車退役，某條路線換入唔同車款等都係巴士迷共同話題。嗰個年代有熱狗、白板、金巴，邊條線加冷加金都已經可以引起一大串討論話巴士公司係唔係重視嗰啲路線，去到熱狗最後幾年，邊條線有熱狗，有無熱狗特見係大家共同關心嘅事；只要有咩唔正常嘅派車就已經可以引起全城熱話。

去到而家，除咗有用車限制嘅路線之外，基本上已經無乜所謂嘅特見，因為無論咩線都係用Enviro500或者B9TL，真係唔正常嘅頂多係禁行12米嘅線出12米，但係越來越多短車線已經放寬咗限制可以出12米，或者單層行大線。

至於巴士路線方面，當有新基建落成，大家都會期待有咩巴士服務，但係近年呢啲基建買少見少，近年最hit嘅就係港珠澳、高鐵、香園圍口岸等，而且有新路落成亦都唔會好似以前咁一夜間大量路線改行。當年開西隧嗰陣一夜間多N條巴士線，重要一開就全日，105可以無視灣仔去深水埗嘅客變成905，960更加可以話係震撼全港；開欖隧嗰陣一夜間就全天水圍元朗變天，無視哂洪水橋到藍地嘅服務倒退；但係近年開青沙竟然頭幾年都無巴士行，開昂船洲亦都無帶來大量新服務，去到開中環灣仔繞道更加係無任何服務改善，960X 968X繼續死攬中環至會展嗰幾嗰站，18X為咗死攬住灣仔兩嗰站重要食多N支燈。

而啲RDP就不斷loop，ban，loop，有建設性嘅改動越來越少，掠水成分越來越高，cut人全日線班次只係換到繁忙時間得幾班嘅新服務，之後不斷收車，減完班再收車，而家成個討論版都係講緊啲巴士公司有幾垃圾。相反，條鐵就年年加價但係非繁不斷加班，週末班次由以往閒閒地市區線5分鐘一班變成同繁忙時間無分別，係巴士迷都唔會有心機等啲收車線遊車河啦，以前就15-18收到20，而家就30收到40！

不過香港班交通迷普遍極唔爭氣的確係事實。

例如日本有個別交通迷已經例如挑戰到大跨市大巴線/高鐵線全程接近12個鐘既足本行車影片upload上youtube威震全世界：
https://www.hkitalk.net/HKiTalk2/thread-1124261-1-1.html

祖國亦有唔少相若甚至更長時間既大跨市大巴線/高鐵線但其全程行車影片想有人挑戰影下似乎都仲未有。

祖國亦有部分城市係過千條巴士線既大王國例如深圳市，
但睇見例如我地既B4版近年死場得很緊要亦係很悲哀https://www.hkitalk.net/HKiTalk2/forum.php?mod=forumdisplay&fid=117

paul2357paul 發表於 2019-5-30 18:52
不過香港班交通迷普遍極唔爭氣的確係事實。

例如日本有個別交通迷已經例如挑戰到大跨市大巴線/高鐵線全程 ...

香港同大陸始終之間有邊界，同埋大陸嘅資訊流通程度，根本無得同日本相比。我感覺大陸其實同一個黑洞無乜分別，連想搵旅遊資訊都難，重衰過去俄羅斯。