運輸署建議新界 113 在非繁忙時間駛經坑口站 PTI

https://www.districtcouncils.gov.hk/sk/doc/2016_2019/tc/committee_meetings_doc/ttc/17204/Proposal_for_Re_routeing_of_New_Territories_Green_Minibus_Route_No_113.pdf
運輸署建議新界 113 在非繁忙時間 (1000-1600) 駛經坑口站公共運輸交匯處

乜年代啊？
做乜事重無得以電子形式反映意見？
講返正題，
噉行好兜喎！
都係搭返298E算把啦！

噉繁忙時間就無轉鐵嘅客喇？

吳宗錡 發表於 2019-6-4 17:27
噉繁忙時間就無轉鐵嘅客喇？

估計係因為坑口站PTI繁忙時間都比較多車，運輸署未必想在增加車流入PTI
但個人覺得全日入坑口站PTI會方便居民唔少

就算非繁忙時間，坑口站 PTI內現有小巴線時常都有車在站內停車等候上客和有收工車停泊，成個PTI小巴範圍使用率已滿，
除非用巴士範圍上落客，不如停出面名成街彎位更好
現在非繁忙時間101M小巴條等客車龍隨時排到PTI入口，阻塞入口，小巴站管理人員愛理不理，坐滿/半滿才肯放車，經常阻礙巴士駛入

運吉今次真係唔知「好心做壞事」定係「有心害人」，根本成件事對所有持分者都無好處...........

本身唔理繁唔繁時，坑口站外面一定塞一塞，兜一兜仲要食多幾枝燈，而入一入去搞5分鐘出黎其實唔難，
分分鐘98D式行法(培成路)可以快得過(唔計停車上落時間)91M式行法(坑口站)。
坑口站本身已經泊爆晒，102/101M d車久唔久都見成個總站無位泊，
搞到要泊出街(重華路燈位前果個"//////"位)，或者踢111車去寶琳泊............
街市就仲大獲，本來就已經多車到難埋站(仲要加上有時有街市車上落)，
11號已經慣性飛街市個站，113再咁搞法就慢慢塞。
唔好唔記得坑口站cut入街市個站，係要連cut 3條行車線，險象橫生。
而入一入去唔見得方便幾多(街市行入坑口站其實好近)，但車程就兜多5分鐘唔出奇，
本來都已經唔係好夠載，變相班次會被拉疏，真係多謝晒。
而坑口站地鐵雖然比康城站密，但都唔見得吸引到要特登搬個站入去等人轉小巴，
如果咁轉真係咁好，咁不如廢咗個康城站佢啦？
而依家非繁都好多時113載唔晒，d客要留後，咁樣入一入坑口站，一出黎街市仲上到？Full住出黎都飛站都有可能。
而人唔會咁笨，明知街市上唔到，就會排去「往坑口站個方向」，咁結果係點？
成架車爆住咁入坑口站，然後全架車陪兜，坑口站繼續無得上，陣間趕客去咗298E就好笑啦。
而假設坑口站上落需求真係咁大，都唔應該兜2次街市啦.......
至少都學109M咁坑口站之後去富寧/坑口北啦.......... 佢目標係增加服務範圍，定其實想增加行車時間啊............
只不過會同109M直接競爭咁解，所以一句講晒改黎無謂。

坑口本身咁兜就只會塞爆佢d「黃金路段」，擺明無益處。
至於康城？本來直入康城變陪兜，搭唔慣果d又去坑口站果度中伏。
小巴公司？司機就係咁多個，車又係咁多部，車程長咗，行少幾轉，日日賺少幾皮。
定係其實運吉想比康城居民喺坑口站等吓車、中吓伏，以後乖乖搭翻地鐵入康城站？係咪佢「用心良苦」我睇唔出咋？

10598C 發表於 2019-6-4 22:24
估計係因為坑口站PTI繁忙時間都比較多車，運輸署未必想在增加車流入PTI
但個人覺得全日入坑口站PTI會方便 ...

我眼見113 ge使用者喺街市出黎ge係多過地鐵站果邊黎ge，同埋113去地鐵站其實唔係好遠路程，但班次因為咁而拉疏係更加唔值，車程因為咁樣拉長更唔值。

再加上如果真係咁想入坑口站，係都唔係停兩次街市啦......
坑口站翻兜街市cut 3線真係咁易咩...... 同埋有得做埋富寧何樂而不為？

其實只係借名義劃位畀 113 班司機去廁所啫……

純粹解決峻瀅隨地小便問題，大家真係諗多咗。

其實依家個ＰＴＩ係將軍澳鐵路沿線以外嘅大部分地區轉鐵之用，
無論係西貢、科大、康盛、翠林、百勝角、清水灣半島、工業邨、大埔仔、傲瀧、坑口道、坑口北、醫院、尚德等等，都要喺果度轉車，
無論係兩繁定非繁，個ＰＴＩ都爆到九彩，甚至啲車不時泊喺路中心、泊上行人路、泊喺重華路果個邊位，
當日改９１Ｍ都爆到要踢晒９８Ｃ、９８Ｓ出街，如果再加條１１３入去，塞死晒都似

其實係咪嫌113個狀況唔夠惡劣？
康城果邊日日鬧113貴，坑口果邊鬧緊113頂住晒，間接令11飛站、巴士成日要喺中線落客，
依家113仲要唔加車然後兜路拉長路線？