西貢TTC討論將軍澳至馬鞍山巴士線進展

tzuyu.taiwan 發表於 2019-6-6 22:51
諗諗吓，將馬都係行山好。起碼九巴會真係搶到康翠沙市客，又有寶達、秀暉樓墊底，馬游塘又唔會再真空 ...

請解釋點解九巴搶到山上-沙市係好事另外98A轉88同將馬轉疏到爆嘅88X有咩分別？

ViviTse 發表於 2019-6-7 02:44
咁睇吓係想求求其其班班坐爆，定係真係想開條將馬線去服務兩邊居民啦.....
如果要停觀塘山，咁即係加長車 ...

如果九巴投將馬點都係為左報798個仇...搶返班沙田客...
仲點會拎條線走去行山...有觀繞唔行?
話行山做埋觀塘客...多D客係重要...
但條氣順都好重要...你睇下934/936點玩法?

當年就係因為自己死都要條將沙線行觀塘道傾唔掂數...
先俾新巴冷手執個熱煎堆...發到豬頭咁...
而家又重蹈覆轍話行觀塘山...
係人都知行得山唔係行安達安泰就要去秀茂坪四順兜兜兜.....
唔好再妄想可以秀茂坪道新清直飛....
就算開得成...將軍澳山下冇人搭...(實繼續搭行觀繞798)...
燒左一大堆油去到康翠觀塘山先有人搭...(仲要記住觀塘山都係搶緊自己88的客)
又唔見得九巴真心想做康翠人去沙田生意...
佢都識望下798A...
反之要做觀塘山...佢做好條88就夠啦...
駛乜搞咁多嘢...所以俾九巴做..佢都未必想行山....

掉轉...如果九巴投到將馬線...新巴就想佢行山喇...
佢慳返798A即刻取消佢之餘...對佢本身條798影響係最低..
放下心頭大石唔駛驚自己班沙田客俾人搶....
你鐘意開條新線做觀塘山客你慢慢做..反正本身都唔係我巿場....
惟一擔心係俾人搶左班去大隧轉大埔北區客...
但將軍澳人都唔係傻的...
搭行山將馬線兜兜兜+貪轉乘 vs 798冇轉乘...
去得北區果邊都係返大陸...搭東鐵過境都咁貴...唔差得果幾蚊轉乘換時間吧?
一向都俾人搵開笨的將軍澳人...會唔會貪果少少轉乘但花多D時間兜?
有一定有...但呢堆客新巴會蝕得幾多?

cobalt174 發表於 2019-6-7 03:21
請解釋點解九巴搶到山上-沙市係好事另外98A轉88同將馬轉疏到爆嘅88X有咩分別？
...

因為康翠會係將馬線喺將軍澳唯一會搶到沙市客嘅地方
(可以轉88/88X，唔係淨係88X)
不過，我承認呢批客好可能只係左手交右手

jasonau 發表於 2019-6-7 09:00
如果九巴投將馬點都係為左報798個仇...搶返班沙田客...
仲點會拎條線走去行山...有觀繞唔行?
話行山做埋觀 ...

搶到798咩沙田客？嚟嚟去去，咪就係得班大隧同東鐵(仲要只限大圍、粉嶺、上水)轉車客。
將馬線最多搶到798三成客，前提仲要係佢玩全日，有798咁上下嘅班次。

仲有，行山同時可以行觀繞。秀暉樓出入咪得囉。

934/936正正證明咗為啖氣而做嘅決定係幾咁魯莽。

九巴如果玩將馬全日，仲有樣嘢要同人交代，就係點解有資源搞將馬，冇資源搞油沙

tzuyu.taiwan 發表於 2019-6-7 09:41
搶到798咩沙田客？嚟嚟去去，咪就係得班大隧同東鐵(仲要只限大圍、粉嶺、上水)轉車客。
將馬線最多搶到798 ...

唔係為左搶798客...九巴投條將馬返嚟做咩?
有幾多人睇好將軍澳<=>馬鞍山客量..?
仲有...會唔會太睇少觀塘山班議員呀?
唔俾你秀茂坪道新清直飛...
你仲想寶達左轉落去行觀繞???
班觀塘山議員同你拗...你要開到條線都要多2年呀....

tzuyu.taiwan 發表於 2019-6-7 09:48
九巴如果玩將馬全日，仲有樣嘢要同人交代，就係點解有資源搞將馬，冇資源搞油沙 ...

你估新巴入會唔會全日丫?佢知你九巴入標唔入全日...
1個鐘一班都同你做全日都嬴你呀...

九巴唔入全日會中到標?佢仲一定要加埋轉乘先有得嬴呀..
至於要解釋點解開呢條唔開果條線...
佢每一個區都有人捉住佢要佢解釋啦...你有冇見佢解釋過?

jasonau 發表於 2019-6-7 09:52
唔係為左搶798客...九巴投條將馬返嚟做咩?
有幾多人睇好將軍澳馬鞍山客量..?
仲有...會唔會太睇少觀塘山 ...

我唔係話將馬搶唔到798客
我只係想問會搶到幾多

jasonau 發表於 2019-6-7 09:56
你估新巴入會唔會全日丫?佢知你九巴入標唔入全日...
1個鐘一班都同你做全日都嬴你呀...

新巴入全日係最愚蠢嘅決定

三種情況：
1. 九巴入全日。九巴有轉乘優惠。九巴投到。將馬搶798客(雖然非繁會蝕)
2. 九巴入兩繁。新巴投到。新巴蝕大錢。九巴零損失。
3. 九巴唔入標。新巴投到。新巴蝕大錢。九巴零損失。