西貢TTC討論將軍澳至馬鞍山巴士線進展

難得有個post見到狗咬狗骨都幾好玩

leo_ku 發表於 2019-6-8 09:57
梗係你呢個離地將軍澳人啦！係你先不斷企圖劃走將軍澳山上攪"將獨", 挑起紛爭咋。 ...

搞清楚先 唔係我劃走 係當區有人聯同觀塘山外敵去搶自己區資源

再者 「將軍澳隧道」有名比你叫，係開比全將軍澳用，好似 690 E22A 咁樣預左山上份，可惜佢地係都要搞「本土」用寶琳路，仲要寶琳被代表話行山好，實情寶琳個個見到 10M 上 10M 都唔搭 98A 就知咩事啦
咁邊個先係生事者啦？

GW5878 發表於 2019-6-8 15:27
搞清楚先 唔係我劃走 係當區有人聯同觀塘山外敵去搶自己區資源

再者 「將軍澳隧道」有名比你叫，係開比 ...

實情寶琳個個見到 10M 上 10M 都唔搭 98A 就知咩事啦
咁邊個先係生事者啦？

就算大巴小巴行同一條路時，絕大多數情況都係快啲滿座同車速高啲嘅小巴會旺場啲架啦。請問10M旺過98A又如何證明到隧道好過山路呢？要證明就搵返大巴對大巴，小巴對小巴。

ViviTse 發表於 2019-6-7 14:16
其實點解傳聞之中運吉會咁反對將埔呢？咁耐以黎唔同板ge discussion都多數睇好將埔客量(甚至遠多過將馬客 ...

兩邊住宅區係難開, 又唔係無得比你轉車. 去大埔又轉唔到東鐵返大陸.

大埔去屯門都得兩班

一係去大埔前停一停石門?

Toz 發表於 2019-6-10 00:32
兩邊住宅區係難開, 又唔係無得比你轉車. 去大埔又轉唔到東鐵返大陸.

大埔去屯門都得兩班

將埔點都多客過將馬啦下話

Toz 發表於 2019-6-10 00:32
兩邊住宅區係難開, 又唔係無得比你轉車. 去大埔又轉唔到東鐵返大陸.

大埔去屯門都得兩班

兩邊住宅區係難開

其實將埔唔會係兩邊都住宅區咁簡單，仲有兩個工業邨，兩繁客量應該實有保證；而非繁聽聞現時有唔少乘客轉乘74X及296A，再加上將埔線可以停經中文大學(大埔)、教育大學(大埔)，
亦可以比乘客有個合理車程ge路線轉乘路線往科技大學(將軍澳)、教育大學分校(將軍澳)，
未到兩繁ge放學時間亦相信會有一定客量。
再加上將埔線會停大隧轉乘站、將隧轉乘站(即將啟用)，
可以吸納到一d藍田/寶達/秀茂坪/安秀道等等觀塘區未被74X服務ge客源，
將軍澳/觀塘居民亦可以利用將埔線轉乘682往馬鞍山，2條線一齊提供轉乘比現時只有798轉乘682候車時間大大縮短，吸引力亦有所提升。

又唔係無得比你轉車

車唔係冇，但不如望吓果個轉乘網絡先啦..........
大埔中心一帶來往尚德/康盛翠林叫做最好，74X轉296A/98A，平+快靚正，唯一要讚係呢2條線；不過如果上車地點喺大埔工業邨/中大/教大一帶，轉上轉簡直廢咗武功。
大埔中心一帶來往調景嶺/康城都真係趕客，74X轉290X，萬一轉車果時送車尾，再等下一班ge時間分分鐘夠轉地鐵番屋企，更莫論本來如果喺埔工轉車出黎就要轉上轉。
大埔中心一帶來往寶琳/坑口/將軍澳就仲死，74X轉290/290A，一來慢過搭鐵，二來兩繁「必定」企位咁滯都不突止，上到車先好講，更莫論轉102，比貴1倍車費不如保鐵，另外轉上轉問題亦然。

去大埔又轉唔到東鐵返大陸

將埔線同返大陸客係兩個唔同ge對象，將埔線係target將軍澳來往大埔中心一帶/埔工/教大/中大ge通勤客+大埔來往將軍澳/將工ge通勤客，
返大陸ge大可以798轉東鐵，或者由頭至尾都搭鐵，或者真係好鍾意轉車就藍田轉277X轉上轉。

大埔去屯門都得兩班

263C只係做到屯門轉乘站，大隧轉乘站做唔到，將隧轉乘站亦都做唔到，
而263C亦大埔中心止步，未能深入工業區，或者中大、教大等等現時欠缺交通路線ge區域。
263C要唔要加班我唔作評論，但將埔線可以做到ge服務範圍應該係更廣，所以全日行駛都唔係唔可能，
再加上可以提供比將軍澳區內有合理時間上將隧轉乘站的一條路線(現時將軍澳南及坑口唔見得有)。
如果覺得客量真係非常成疑，都可以先開兩繁，按客量再逐步推展至全日，至少叫先踏出第一步。

一係去大埔前停一停石門?

停唔停石門就首先取決於係想「開將埔線」定係「攞將埔線去replace將馬線」先.........
如果係前者，石門可以暫時唔停住，將馬線敲定咗再算，畢竟石門可以89C去觀塘轉，而且客量粗略估計唔及將埔線掛。
如果係後者，咁加停石門我都唔特別反對，但全程路線/行車時間會再加長，同埋行得石門停唔停埋第一城等等亦成問題，
甚至大圍、太和、粉嶺、上水都有可能會有人提議拉線過去(雖然咁拉差好遠)，再傾又要搞幾年，
到時觀塘區議會又分分鐘想還掂都改，不如mung呢條將埔線上山/兜埋四順/etc......
所以我唔特別反對，不過條線主打咗將軍澳來往大埔、埔工、兩大先，加站或者拆特別班可以另外考慮。

epsilon 發表於 2019-6-9 00:22
就算大巴小巴行同一條路時，絕大多數情況都係快啲滿座同車速高啲嘅小巴會旺場啲架啦。請問10M旺過98A又如 ...

行隧道一般快過行山路，我估係將軍澳(山下)普遍共識；而車程合理比車程冗長更吸引乘客都係好自然ge事。(當然，出發ge地點係邊都好重要，如果喺將軍澳村/英明苑一帶，98A個站當係吸引過10M。)
至於小巴車速係會有影響，但最重要因素其實係定線如何。
用小巴有用小巴ge好處——車速快d，滿客可以飛站(行過唔停咁解)，亦有壞處(客量非常多果時上唔晒令候車時間好長)，
巴士有用巴士ge好處——乘載量大d、可能有d乘客覺得唔會咁"chok"、安全d，亦有壞處(班次疏、載客量低、惡性循環)。

所以九巴98A不嬲都係行山，隧道班次亦係疏到唔會有人等咁滯，所以如果要做所謂果d "fair test" 想走線係 "control variable"，睇怕難d。
但generally係行隧道定線上會吸引過行山，上繁係會塞，所以差距拉近咗d d，站位重要性提高，但安達臣入伙令秀暉樓更塞，恐怕最後都係一條數。

tzuyu.taiwan 發表於 2019-6-10 00:46
將埔點都多客過將馬啦下話

好簡單, 將馬做埋石門.
大老山去大埔既班次密度亦遠比去石門高.
另外就係去大埔返工係逆通勤方向, 朝早去大埔, 黃昏從大埔去大隧, 剩餘運力都比較多.
但去石門就唔係.

PC6429_JY6516 發表於 2019-6-8 13:20
開得去上水都係畀人轉東鐵返大陸
798已經做緊

但行少好多個站。