建議興建愉景灣北－迪欣湖海濱步道／行山徑暨河濱長廊

I. 背景

愉景灣北近年被發展成旅遊度假區，設歐陸式商場、室內遊樂場、度假酒店、海濱白教堂、心鎖長廊等設施吸引旅客。惟這些配套畢竟談不上豐沛，即使加上愉景灣碼頭區的既有商場、海濱長廊、海灘等設施，亦難言可給予旅客多元化、多感官的旅遊體驗。

另一方面，同樣位處大嶼山東部的迪士尼樂園度假區落成十多年，惟免費向公眾開放、面積倘大的迪欣湖除假日外遊客稀少，造成浪費。此外，用以分隔竹篙灣天然海岸與迪士尼填海區的灣篤河道人工與天然景觀兼備，甚具特色，且設有平坦寬闊的河濱步道，惜平日人跡罕至。

惟一旦在地圖上察看，即發現愉景灣北與迪士尼填海區相隔甚近，在陸上而言，只由三白灣及四白灣分隔。而有關這兩個海灣，三白灣正正毗鄰愉景灣北商場，在商場東北角更有行人路直抵沙灘；四白灣則偏安一隅，由三白灣需攀山或綑邊方可抵達，另有連綿石灘、沙灘接駁灣篤河道出海口，目前灘上設有「野谷戶外活動中心」，惟其設施甚少。

適逢政府銳意發展大嶼山，惜涉及南大嶼的旅遊發展項目接連受阻，削弱了大嶼山未來對遊客的吸引力，現本人提出興建愉景灣北－迪欣湖海濱步道／行山徑，以供遊客嶄新旅遊體驗的建議。


II. 詳細方案

A. 三白灣－四白灣－灣篤河口海濱步道／行山徑

三白灣與四白灣之間目前為山丘分隔，遊人只能攀上山或沿陡壁「綑邊」往返兩地，構成重大不便。四白灣至灣篤河道出海口則只有狹長的石灘、泥灘相連，沿路崎嶇不平，且在潮漲、天氣惡劣下或無法通行。故此，本人建議下列方案：

·海濱步道：沿三白灣與四白灣及四白灣與灣篤河口之間的海岸開闢一條沿海步道，讓遊人一面欣賞海灣風光，一面便捷往返兩灘和灣篤河口。

·行山徑：以平緩、寬闊的階梯步道，讓遊客翻過山丘，往返三白灣、四白灣海岸，同時在高處飽覽海灣美景。可祗在三白灣至四白灣之間的山丘興建，或一併在四白灣至灣篤河口之間的山上同步興建。

B. 跨河大橋

現灣篤河道兩岸並無橋樑連接，令遊人無法在迪士尼填海區向西前進。故本人倡議在灣篤河道近出海口處興建一座跨河大橋，供遊客便捷往返河道兩岸，再續行程。

C. 河濱走廊

由於灣篤河道東岸（即迪士尼填海區岸邊）的河旁道路目前不預期任何遊人使用，故地面鋪砌得甚簡陋，更雜草叢生。故在計劃下，建議當局大舉修葺河旁通道，重鋪地磚、欄杆，加設避雨亭、植樹等，甚或劃設單車徑、單車出租處，供遊人在這指定範圍踏單車，享受河濱風光。

D. 提升迪欣湖設施

灣篤河道河濱長廊最終通往迪欣湖活動中心。中心設出租水上單車、音樂噴泉等設施及服務，惟現時祗限假期提供。建議當局在海濱步道／行山徑建成後，視乎人流增長，每天提供上述設施及服務。同時，中心現祗設一間便利店，及後亦可基於遊人俱增，開辦餐廳以致更多零售設施。而現時的環湖徑，當局亦可考慮於日後進行擴闊工程、開放予單車使用，予遊人更精彩湖畔假期。

E. 交通配套

在新增設施建成後，當局可考慮提升下列公共運輸服務：

·愉景灣北：加密愉巴DB03P班次及服務時間；容許更多的士進入愉景灣北商場。

·迪欣湖：加密龍城R8班次；開辦一條龍城R8之分支線，專門接載遊客往返迪欣湖及欣澳站；迪士尼樂園度假區酒店穿巴設特別班經停迪欣湖。


III. 預計效果

A. 造訪大嶼山的旅客人數可急速上升

B. 更多人到訪愉景灣度假區

C. 迪欣湖使用率得以提升，連帶吸引更多人造訪連年虧蝕的香港迪士尼樂園及入住其酒店。


IV. 建議影響

A. 海濱步道方案或涉局部填海、開山闢石，破壞環境

B. 行山徑方案或涉砍樹、開山闢石，破壞環境

C. 更多人造訪三白灣、四白灣，勢必對環境造成一定污染及破壞

D. 更多遊人出入愉景灣，或影響居民日常生活

E.「野谷戶外活動中心」或需因而搬遷


V. 總結

寄望這一方案能為旅客帶來多元精彩的旅遊體驗，以促成政府推動大嶼山旅遊業的願景。

個Idea唔錯,可以link埋東北大嶼兩個旅遊點
但要成事首先要睇香港興業同迪士尼兩家傾唔傾得掂數
我諗興業最大concern係人流,始終佢都係想走秘境路線；迪士尼就concern個氛圍配唔配合到成個度假區本身

另外個人覺得迪欣湖本身就應該搞搞佢,依家咁樣真係哂咗

大嶼山玫瑰園 夢幻國度 － 香港迪士尼樂園度假區

大嶼山玫瑰園 － 交通配套 遠足徑

AV133-GX7685 發表於 2019-6-17 21:02
個Idea唔錯,可以link埋東北大嶼兩個旅遊點
但要成事首先要睇香港興業同迪士尼兩家傾唔傾得掂數
我諗興業最 ...

提升返迪欣湖人流係呢個計劃嘅目標之一

愉景灣嗰度，我覺得興業係想將愉北打造成遊客區，所以對外係比較開放，例如俾的士入、起酒店等

當然，係要興業、迪士尼、政府三方傾

不過相信計劃對迪士尼影響唔大(遠離樂園部份)，反而可以提升成個度假區人流，應該唔會抗拒(畢竟佢宜家蝕緊錢)

tzuyu.taiwan 發表於 2019-6-17 22:28
提升返迪欣湖人流係呢個計劃嘅目標之一

愉景灣嗰度，我覺得興業係想將愉北打造成遊客區，所以對外係比較 ...

迪士尼嗰邊都係度假區範圍，佢都會捉得好緊
當然迪士尼嗰邊可以加返啲迪士尼既元素，豐富度假區體驗又好延伸度假區氛圍也好

興業嗰邊係想將愉北塑造成旅遊區，但佢唔會想係好到好旺場嗰隻，始終嗰頭都係高尚住宅區

AV133-GX7685 發表於 2019-6-18 18:08
迪士尼嗰邊都係度假區範圍，佢都會捉得好緊
當然迪士尼嗰邊可以加返啲迪士尼既元素，豐富度假區體驗又好 ...

放心，一條海濱步道，唔會搞到愉北人滿為患

AV133-GX7685 發表於 2019-6-18 18:08
迪士尼嗰邊都係度假區範圍，佢都會捉得好緊
當然迪士尼嗰邊可以加返啲迪士尼既元素，豐富度假區體驗又好 ...

兩邊都少人, 起埋人流都唔會爆發上升, 主要係迪迪尼酒店既客先有興趣慢慢行過去, 其他鴨仔團迪迪尼都唔夠時間玩啦

頂多係新起好有一排多人去

愉景灣自己都無連成一線
由愉景灣渡輸碼頭/大白灣沙灘去愉景北商場都要坐車
大白灣到二白灣都應該整海濱步道

不過呢樣都睇定位
如果大白灣果邊定位只係服務居民, 就另一回事啦

但愉景灣居民未必想有咁多街外人入去

AV133-GX7685 發表於 2019-6-17 21:02
個Idea唔錯,可以link埋東北大嶼兩個旅遊點
但要成事首先要睇香港興業同迪士尼兩家傾唔傾得掂數
我諗興業最 ...

通常D廢柴正苦都係只顧係咁谷「旅遊」範疇既野多於「郊遊」範疇既野，例如太平山上果邊亦如是https://www.hkitalk.net/HKiTalk2/thread-1125636-3-1.html，
更遠既例如深圳既大鵬半島亦如是，搞起左個國家地質公園，碧洲果邊整左大停車場其餘大片地就由得佢荒廢https://www.hkitalk.net/HKiTalk2/thread-1056584-3-1.html。

當然樓主提到既竹篙灣與愉景灣既穿越擺明又係屬於「郊遊」範疇既野。

paul2357paul 發表於 2019-6-23 15:07
通常D廢柴正苦都係只顧係咁谷「旅遊」範疇既野多於「郊遊」範疇既野，例如太平山上果邊亦如是https://www. ...

其實「旅遊」同「郊遊」又唔係互相抵觸既
做得好可以相互配合