馬鞍山人唔係鍾情286C，只係討厭86C

本版對於286C全日一直都有唔少爭拗。支持者話條線客量高企，走線又比86C快捷，絕對應該全日；反對者就話其實佢唔快，由深水埗返馬鞍山嘅車程同86C一樣，而且用「非全日位」長商區做尾站，所以非繁唔會好客。

觀乎本版幾個討論，發現爭拗點往往係86C VS 286C嘅車程。但係似乎冇人明點解286C咁受馬鞍山人歡迎。

講真，286C唔算好快。去程入長商區要塞燈陣，本身就有倒客成份；而回程又要塞長沙灣道。如果86C真係同286C喺深水埗打和，點解貴一蚊嘅286C喺深水埗一樣有捧場客？睇嚟，單純用車程係解釋唔到286C多人搭嘅原因。

其實286C多人，一大原因係佢同86C之間嘅比較。86C走線實在太倒胃，竟然用歌和老街、窩打老道出入獅隧，比86/86A更慢。另外，條線明明服務馬鞍山為主，但喺沙田頭就落公路，之後一路慢碌大涌橋路入馬鞍山。

換言之，馬鞍山人唔係鍾情286C，只係討厭86C。佢哋寧願俾貴一蚊，都唔要搭架車左兜又兜，特別係碌沙田。碌沙田，大忌也。

亦即係話，如果今日86X冇執到，九巴搞大佢，都會同樣大受馬鞍山人捧場。86X甚至可能食埋86C班深水埗客。

以後就知道，86C/286C之爭唔係獅隧同青沙之間嘅白癡對壘，只係馬鞍山人想自己嘅線飛起沙田嘅掙扎。

行完D2 place 或者去完4小龍探朋友, 大大條青沙公路公路o係隔離, 就覺得86C走線更加可惡.
元朗天水圍線(除269D外)都各有各做,馬鞍山沙田線分家不無道理.  

講沙田區定線，286C都係要掃到去大涌橋路先上公路，沙田區只係比86C少幾個站
要快應該恆耀上公路

但因為行青沙，去長沙灣就真係快，所以多人搭佢去長沙灣商貿區返工，但亦只限繁時，係標準通勤線

個人覺得，86C係要重組，但唔係求其縮短減班咁簡單
86C 南昌街後直落大角咀，去奧運站做總站，一城上落獅隧
全日20~30分鐘一班
286C 十時起跟286X循環，來回恆耀上公路
全日15~20分鐘一班
286E 馬鞍山海皮至深水埗循環，全日20一班

當然要等沙中線減咗車出嚟先做到

10598C 發表於 2019-6-18 21:25
講沙田區定線，286C都係要掃到去大涌橋路先上公路，沙田區只係比86C少幾個站
要快應該恆耀上公路

所以其實馬鞍山唔係真係咁鍾意286C

只係如果286C值6分，咁86C只係值3-4分，有比較，就有傷害

286C唔係唔兜(沙田第一城、長沙灣)，去深水埗嘅亦都唔快，但86C就係以前兜大圍，嚇走哂MOS人，搞到有新線時個個都走去新線，宜家的確係快左，下繁、假日都唔錯，但見到歌和老街成日塞車，又冇客先係重點，加上獅隧不時塞車，咪搞成咁囉

其實搞咁多拆線做乜？依家巴士公司好多資源？分兩條線都唔夠資源，河況分三條？286c最唔受歡迎就係深水埗冇快到甚至慢咗，又要逼客畀貴一蚊，實在好有問題。86c雖然慢但係有好多獨市位，例如富豪、哥和老街城大宿舍等等

Handsome 發表於 2019-6-18 21:55
其實搞咁多拆線做乜？依家巴士公司好多資源？分兩條線都唔夠資源，河況分三條？286c最唔受歡迎就係深水埗冇 ...

對付呢啲又兜路又攬住啲「獨市位」嘅線，最好就係陰乾！

同區嘅86A、87B一早開緊20，86C可以跟進，第一步由15變20

反正呢招係9A引以為傲嘅「九巴模式」

tzuyu.taiwan 發表於 2019-6-18 21:42
所以其實馬鞍山唔係真係咁鍾意286C

只係如果286C值6分，咁86C只係值3-4分，有比較，就有傷害 ...

睇你去邊啦，我唔認為就咁比個分就可以評斷一條線
去長沙灣286C完勝，但去全日位深水埗其實兩者對等，甚至86C平一蚊

10598C 發表於 2019-6-18 21:25
講沙田區定線，286C都係要掃到去大涌橋路先上公路，沙田區只係比86C少幾個站
要快應該恆耀上公路

其實有冇諗過復辟86X，取代286C玩全日？

非繁獅隧唔塞，86X可以進取到恆耀上公路，出獅隧後經大埔道直插深水埗

不過286C全日都有唔少好處，例如長商區有全日尾站車、馬鞍山有青沙車

一係就玩大循環，來回分別行獅隧/青沙，跟88X搞A/B走線


以上方案都係包括一條原封不動但被陰嘅86C

86C黃金+福華街係大客倉, 兩個站足以坐滿
多人起上來, 企都無得企, 286C想少人坐都難。
而家連南昌街客都走去長沙灣道/黃金坐