鞍泰區將來可能有小巴直去大埔，289K還有冇得留？

noname617 發表於 2019-6-19 07:19
遲d未有條小巴經錦泰去運頭塘囉

應該係我講嗰條

289K轉火車有優惠有冇得諗，但機會好微

289K大學站方向入左欣安邨先講啦！

289K一定唔會取消，九巴沙田廠林X里表示：馬鞍山區居民年輕有活力，就算冇客架巴士個廣告都夠巴士公司翻本，所以各位放心，289K會繼續存在

去科學園要289K轉272K

搭火車一定北上?

你講那條小巴的招標建議原本是廣源邨開經石門、馬鞍山(鞍泰區和欣安邨)和科學園去大埔運頭塘，上限係收接近過海巴士既價錢。

但呢個建議出左之後，就比區議員嘈收得太貴和要兜馬鞍山。最終運輸署係分拆左兩條線出黎招標，一條廣源開石門走入大埔，另一條係石門開經亞公角街、寧泰路和欣安邨去大埔；而大埔區既路線亦都經埋大埔墟(唔記得經唔經大埔中心)，價錢係同269D差唔多。

對我呢位住恆安既人黎講，如果呢條線開左，大埔墟返黎係可以叫兩飛，但前提係有個接近26價錢既分段。不過去大埔都係搭返26多(唔知新線班次係點，兼新線要入科學園；相反26班次較密)，去科學園就會搭新線(因為274P只開兩繁單向，26唔經科學園)。

289K個客源基礎其實比較窄，唔似得87K個服務範圍大，所以289K不論在班次和客量上均不及87K。

當然，如果開左條大埔小巴線，289K係咪地位不保，唔一定！住大埔既版友都知，你們搭開既K巴，K12假日係無轉乘優惠、K17和K18更加假日停開，呢個時候小巴就會多返人搭。26就係咁。而除左大埔外，仲有人係去北區和羅湖福田。

Cut 289K 班新香港人丶麻甩佬仲唔暴動?

289K可以載人上CUHK， 同埋又有小童半價， 可方便曬證人士