這樣會否縮短A29P的行車時間?

Phoenix 發表於 2019-6-21 12:02
第日影業路一帶有公屋，莫講話機場車，就算叫91開落去出觀塘都諗得過。

唔係呀嘛⋯⋯個度起公屋

ky927 發表於 2019-6-21 13:29
唔係呀嘛⋯⋯個度起公屋

係呀，仲入過坑口村...
唔知影業路行唔行得巴士

BTW 遲啲百勝角 FASA 隔離同茅湖仔都會起紀律部隊宿舍
都幾隔涉...

EE9255 發表於 2019-6-21 11:39
引唔引戰我就唔知喇
見有人係隔離post討論類近走線既290/A，相信A29P都好值得討論一番，又費事係隔離290/A ...

人哋認真開將軍澳post就一口咬定人引戰
自己開明玩膠嘅將軍澳post就話「我就唔知喇」

真係龍門任搬，嚴人寬己

10598C 發表於 2019-6-21 13:39
係呀，仲入過坑口村...
唔知影業路行唔行得巴士

吉車就見過唔少，但如果載滿客ge就唔知o唔ok啦~
Btw 其實將軍澳咁無限起樓，一時就鏟咗d山/樹黎起公屋，一時又話將南起私樓，再過一排又咩政府大樓，之後又宿舍，
全部住宅/商住用地，而對外交通仲係嚴重不足，公路又唔夠(起完條將藍之後都唔會好得好多)，行兩條山路又彩虹倒塞(就算影業路行得車都一樣攪唔掂)，
萬一條鐵壞咗真係GG，仲未計依家條鐵又咩技術層面無得再加班，康城又越黎越多人入伙，寶琳班次減少致將南上唔到車，
跟住遲d康城車都爆埋，咁將中又要開特班起載，之後就全個調景嶺以東都玩完.............
仲未計將軍澳客喺鐵以外真係選擇唔多，山上93/95系咁兜，坑口98系「慢到唔係人搭」，將南以東796幾兜，將南少搭798等等.......所以其實城市規劃某程度上比交通路線更重要，可惜依一分鐘official都仲plan緊起樓、起宿舍........... 真係幾無耐

ViviTse 發表於 2019-6-21 13:49
吉車就見過唔少，但如果載滿客ge就唔知o唔ok啦~
Btw 其實將軍澳咁無限起樓，一時就鏟咗d山/樹黎起公屋，一 ...

又唔係未壞過 不如問下點解住將軍澳既要等到條鐵壞左先識去搵點坐巴士

同埋你開口埋口咪又係行山慢坑口冇直車 不如直接少少學隻GW狗咁話人漢奸算啦 次次打咁大段長文唔累嫁咩？

ViviTse 發表於 2019-6-21 13:49
吉車就見過唔少，但如果載滿客ge就唔知o唔ok啦~
Btw 其實將軍澳咁無限起樓，一時就鏟咗d山/樹黎起公屋，一 ...

“寶林班次減少令將南上唔到車”？
冇記錯唔係最終寶林加康城 1+1？
將軍澳站而家可以靠康城車打救掛

唔係特別熟將軍澳線，但呢排偶爾落寶林/坑口搭地鐵，朝早如果一疏車 (好似四分鐘一班)，坑口有機會上唔曬

將軍澳本身明顯鐵路主導，呢個並唔係問題
只係將軍澳有40幾萬人口，作為鐵路滲透率咁高嘅地方，係咪一條重鐵就搞得掂，我有啲懷疑

最好將軍澳線全日2+1

10598C 發表於 2019-6-21 14:11
“寶林班次減少令將南上唔到車”？
冇記錯唔係最終寶林加康城 1+1？
將軍澳站而家可以靠康城車打救掛

將軍澳站而家可以靠康城車打救掛

係ar，呢樣就係我正正講緊ge嘢，寶琳車越拉越疏，咁梗係將北已經上滿啦，咪變相係要迫將軍澳站(將南)ge人等到有康城車先上得到.........
但康城車唔係永遠都可以「救」得到將軍澳站㗎......
康城陸續入伙，137區又會起，人口繼續增加(都未計將北將南都劃咗堆地起公屋/私樓)，咁到時康城車去到將軍澳站仲可以上到幾多人？
所以其實邊面加班/減班都只係左手交右手，入伙之後實際受ge係全區ge人，所以咩「訊號系統提升」去做真正加班先係真正幫到手ge，
而咩「東九龍綫」、「觀塘綫調景嶺站直扯入康城」呢d方案我自己一直都覺得官方應該再研究吓........
工程方面係非常困難，因為周圍起晒嘢，但如果完全唔研究，就只會維持現狀，但人口不斷增加，
康城繼續不滿班次疏，將軍澳站繼續不滿兩繁上唔到，寶坑繼續不滿不斷減班，而各個站只會更難上車。

363330hx 發表於 2019-6-21 15:54
最好將軍澳線全日2+1

我估問題唔係幾+幾，人口不斷增加，班次左手交右手只會不斷挑起「南北戰爭」，而無助疏導乘客，
最重要係幾多分鐘一班車，「訊號系統應該點提升」，又或者點樣研究吓北港島綫(但依家交匯已經係"衰"咗)、東九龍綫、觀塘綫拉長、將軍澳/寶琳站多個月台ge可能性等等。