這樣會否縮短A29P的行車時間?

poondriver 發表於 2019-6-21 13:56
又唔係未壞過 不如問下點解住將軍澳既要等到條鐵壞左先識去搵點坐巴士

同埋你開口埋口咪又係行山慢坑口冇 ...

坑口全個98系都兜到蚊瞓，係存在已久ge問題，九記/運吉無去正視係佢地ge問題。

首先，想澄清我上面個reply個重點唔係想鬧98系兜到九彩，如果你睇果10隻字就當睇晒成段，而去斷章取義，咁唔該你下次可以㩒左上角quit。

第二，我想講係urban planning果邊有問題，公路又唔夠，人又多到超負荷，起條將藍，都只係分流咗半個將隧ge客量，
而人口越黎越多，安泰果邊入埋伙，彩虹仲塞，所以依家出區有新清/舊清/將隧，但三條一到早繁都唔多掂咁解。
而如果搞得到彩虹果邊唔好倒塞，之後就會係出區ge路，例如寶琳南路大可以擴建去駁尚德/調景嶺，
或者影業路可以test吓過唔過到巴士等等，影業路迴旋處增加一條行車線等等。
(P.S. 可能我講得唔清楚，我上面果句"吉車就見過唔少，但如果載滿客ge就唔知o唔ok啦"，
其實係講緊私牌ge九巴行影業路吉車見過唔少，但無載人ge巴士會咁行，所以唔知O唔OK，而唔係講緊98系趕客載空)


第三，我唔清楚其他users點comment咩「漢奸」，但至少我希望我係用一個fair少少ge角度去講。
如果我淨係想鬧98系兜，咁我直接開個po叫98A、98C、98R、290、290A、290B、290X、N290、N293、293S全部飛晒康翠、直入將隧咪得lor，咁我洗乜理康翠有無車搭？
而我覺得應該用一個fair少少ge角度，喺人口角度睇，坑口以北至到觀塘山，人口多到唔應該只share同一組線，
所以如果拆線果時，係應該山下要有，康翠都唔可以被忽略，否則就姐係「得個噏字」根本唔可行。
而下一個問題就係車從何來，一來就因為本身allocate咗ge資源不足，所以要加，二來都要透過重組去騰空資源，例如296M我認為可cut至番放學時段、93K可以取消、98A同93A互換將軍澳段等等。
但緊接住就係每條線都「搭單」做埋第二區，例如一有人講想93K取消，就會引伸出上路去旺角獨市位無咗車ge問題，
換言之每條線都做緊將軍澳以外ge某d獨市位，亦係用將軍澳資源做緊區外咁解，所以就更加要改變，例如土瓜灣區抽路線改道去應付93K取消，而唔應該由將軍澳找數。
用番將軍澳資源做將軍澳，將軍澳區路線先有得重組，康翠尖咀線、將埔線先有曙光........

最後，好老實，其實行山路唔係最大問題，問題係要停足觀塘山咁多個站(康翠打後要停馬游塘、茅湖仔、寶達、秀暉/彩雲)，
而兜得越多路，食ge燈位&塞車位就越多，所以係黃昏搭同晚繁後搭都差好遠啦(係可以差0.5/1倍時間，晚繁後暢通好多)，e.g. 290/290A。
而行山路唔停寶達係好難，因為真係客倉，一來巴士公司係要賺錢，二來行山路果時山下至到康翠都未必真係出到咁多客。
而停得觀塘山就遇咗想郁條綫會有阻力，係好合理，因為每區都唔想郁自己"特快"ge線，
例如寶達係可以「棄13系而保93/95/98系」，秀順安係可以「棄213系而保2_系」，所以就更加應該揾翻將軍澳資源做將軍澳車。
如果當日唔搞290X，想搞條真特快，可以諗吓兩繁特快班次康翠下站葵芳邨(雖然將南未必肯)，但問題依家已經無可能.........
而今時今日，行得觀塘山就「老奉」停寶達/秀茂坪，過門不入好難妥協，所以唯一出路就係揾d特別班98P/98D特/798A/798B式拆線至少去做兩繁。
至於坑口去隧道轉乘站，我真係完全唔覺得有必要全日改任何一條98系去做so-called直出，因為咁樣對寶琳/康翠unfair，
而做得起呢個角色ge，我淨係諗到呢期好hit ge將埔線，不過呢個唔係成個comment ge重點。

而講番樓主個A29P，真係無必要都唔好改行坑口道，否則只會削弱康翠/將南交通，而客量增長亦唔見得高。