NR216 康盛花園 往 調景嶺站

為減輕將軍澳及九龍東路面交通負荷, 進一步鼓勵將軍澳居民使用港鐵上班, 建議平日星期一至六早上加開接駁巴士, 由康盛花園開往調景嶺站, 並由港鐵租用三輛雙層巴士營運(在招標文件中列明).


詳情

NR216 康盛花園 往 調景嶺站

開出時間: 7:25, 7:35, 7:45, 7:55, 8:05, 8:15

上客站: 康盛花園巴士總站, 寶琳北路近景明苑

落客站: 調景嶺站公共運輸交匯處

收費: $5.5

本線同時接受以「八達通」及「港鐵都會票」繳付車費, 當後者於巴士收費器使用時, 每拍卡一次等同扣除一個港鐵車程.

乘客於60分鐘內, 以「八達通」(包括附有任何「全月通」車票)繳付本線車費及於港鐵調景嶺站入閘乘搭港鐵, 本線車費可獲豁免.

乘客於60分鐘內, 以「港鐵都會票」繳付本線車費及於港鐵調景嶺站入閘乘搭港鐵, 本線車程可獲豁免, 惟於非「港鐵都會票」涵蓋的車站出閘除外.

麻煩喺沿途設站， 並增設分段收費: 廣明苑往調景嶺站$4.8/$3(特惠)， 分流一下將軍澳線

1. 相信康盛人寧願去藍田站/寶琳站駁鐵
2. 知唔知將軍澳鐵路兩繁幾爆？仲推山上人落去？

當然，我唔否認自己曾經諗過喺下繁開調景嶺站經靈實直剷上康盛嘅小巴線。不過都係諗下算啦。

tzuyu.taiwan 發表於 2019-6-22 23:07
1. 相信康盛人寧願去藍田站/寶琳站駁鐵
2. 知唔知將軍澳鐵路兩繁幾爆？仲推山上人落去？

觀塘綫調景嶺係總站, 爆?

將軍澳綫有人調景嶺落車轉觀塘綫, 上車機會點都大過油塘, 仲叫人去藍田搭一個站去油塘?

有免費車唔代表個個唔再去寶琳搭, 佢哋鍾意用小巴巴士車費去寶琳總站上車, 又可以揀特快一次過飛起三個站去調景嶺總站上車, 都算係分流嘅一種手法, 因為聽講寶琳總站唔似總站, 係有人坑口上車搭倒頭車.

康翠去寶琳近過去調景嶺, 以相同車數嚟講, 做寶琳好過做調景嶺, 但我唔係想同現有巴士小巴搶客, 因為仲做埋現時冇嘅服務: 康翠特快往調景嶺, 你可以當成港鐵起多一段仔連住呢兩個小區.

開車經靈實呢啲就唔好提啦, 俾唔俾都唔知, 就算俾又派到雙層巴士? 派唔到就做唔到疏導, 條路俾你過都係假.

至於港鐵做唔做, 東九龍綫最後定案或者會俾到答案我哋, 但有關進展非常緩慢.

363330hx 發表於 2019-6-22 22:54
麻煩喺沿途設站， 並增設分段收費: 廣明苑往調景嶺站$4.8/$3(特惠)， 分流一下將軍澳線 ...

特登用村巴線形式去做, 就係唔要站站停拖慢時間, 返工人人都想快, 康翠行寶達落山慢車, 要站站停搭巴士小巴落寶琳而家就有.

廣明呢啲話遠唔遠, 行兩三座樓有特惠站, 步程同114A 114B服務範圍差唔多, 呢兩線已經夠廢.

我屬意走線係唔經廣明, 而係行晒成條北路入寶順路, 再右轉翠嶺路同景嶺路, 而你講緊嘅應該係行寶康路, 之後喺尚德或寶盈向西鏟過去.

EX-TL 發表於 2019-6-23 00:56
觀塘綫調景嶺係總站, 爆?

將軍澳綫有人調景嶺落車轉觀塘綫, 上車機會點都大過油塘, 仲叫人去藍田搭一個 ...

1. 有冇諗過咁做令油塘站乘客更難上車？
2. 我提議條線係由小巴做

tzuyu.taiwan 發表於 2019-6-23 01:09
1. 有冇諗過咁做令油塘站乘客更難上車？
2. 我提議條線係由小巴做

新增六班車, 我當每班載90人(村巴好似冇企位), 假設全部係新客, 從來唔搭港鐵.

每十分鐘多90人落調景嶺站計, 又假設全部人都係轉鐵, 1/5搭觀塘綫, 剩低4/5大約72人搭將綫過海.

十分鐘有4班車計, 平均每班食多18個客, 而當中去鰂魚涌同去北角所揀嘅車門位置一定有唔同, 實際上唔會72個客都揀埋同一道門之下, 油塘上車難左可以靠個客自己揀另一道門上車, 增加上車機會.

咁如果到最後, 真係班班鐵喺調景嶺上爆晒, 油塘上唔到嘅話, 乘客改搭巴士唔係難事, 其實早繁619車鏈不再, 客量冇隨之上升, 一直保持比302A稍為多啲啲嘅級數, 未必駛企, 608同一眾新界東線落到東隧口亦有位上, 部份例如373 680系 682系座位都可以唔滿, 613油塘落左啲又上唔返咁多客, 成個油麗邨嘅居民去晒搭巴士都仲得, 未駛加班.

睇見咁樣, 更應該逼將軍澳人搭鐵過海, 迫到爆為止, 同時逼九龍東人搭巴士過海, 唔夠先加車行九龍東過海線, 加落將軍澳過海線要塞將隧唔划算, 就算學似呢度不停有人建議改行山, 落山一樣要塞, 只係可能比行將隧好少少.

最後, 講番轉頭, 如果連每十分鐘多嗰72個客都消化唔嚟, 將軍澳應該要立即停止發展, 因為我睇到將軍澳綫沿線應該唔止7200人等緊新居入伙.

係好嘅提議，私心希望全日服務

送人落調景嶺站，唔多唔少會解決將軍澳站樽頸問題，而且搭少一程將軍澳線 (出觀塘、九龍灣、旺角合共只需兩程車)，吸引力會上升唔少

至於相比於出藍田等地方轉地鐵，其實朝早秀茂坪道都塞你唔少時間，一落雨直程倒灌入嚟馬游塘村，落調景嶺站車程會更穩陣

尤其遲啲茅湖仔紀律部隊宿舍入夥後，個人覺得有得做

其實宜家去程嘅話，290X勉強做到呢個功能，係要經尚德啫

tzuyu.taiwan 發表於 2019-6-23 12:36
其實宜家去程嘅話，290X勉強做到呢個功能，係要經尚德啫

290X荃灣開出嚟, 時間難預, 班次疏落, 而且冇港鐵轉乘功能, 比小巴落山轉港鐵減幾毫, 吸引力更低, 只能做到山上山下通勤.

回番你話下繁用小巴經靈實上山呢點, 調景嶺上康盛, 正正經經用靈康 寶康上寶琳北已經好順路, 行山路崎嶇不平, 皮費都喺番度.

下繁港鐵冇樽頸問題, 班客返歸唔趕時間, 搭鐵到寶琳轉車上山, 只需要行快兩步去排隊上車, 唔夠車先諗加班, 分走一批喺調景嶺上車, 反而對巴士小巴加班有難度, 資源不能夠被善用.