本帖最後由 s_mopiko 於 2019-7-9 16:26 編輯
先謝謝樓主停站資料, 所以我試試分享一下我既睇法.
其實今次33 設計係一條超快線, 主打既客源係服務荃灣西(第五,六,七區) 客源 - 海之戀, 全•城匯, 寶石大廈, 爵悅庭, 樂悠居, 名逸居, 億京在楊屋道的商住項目, 海濱花園, 海灣花園, 環宇海灣, 客源應唔少, 一大堆BBI 相信少不了.
荃灣西站至德士古道上落客時間應不會多過15分鐘, 上左荃灣路跑道至黃大仙都不過是再加12-13分鐘, 現在紅小荃灣(海壩街) — 慈雲山/黃大仙/九龍城非繁普遍都要等客10-15 分鐘, 收費: $14.0. 如乘客睇住九巴apps, 行街較岩時間先去巴士站, 直車去沙田坳道轉車站往慈雲山, 新蒲崗, $10車費, 荃灣(海壩街) 及荃灣(街市街) 行去沙咀道只係5分鐘, 相信可以搶走一部分紅小慈雲山/黃大仙乘客, 亦係九巴今次另一目的.
過往寶石大廈, 名逸居既居民會徒步往來千色店坐紅小去東九龍, 至於其他屋苑, 多會坐一程綠小巴去市中心轉港鐵/紅小. 而海濱花園, 海灣花園, 環宇海灣既居民, 過往有些亦會步行來往荃灣西站坐西鐵, 坐巴士, 如往來東九龍, 有機會會於荃灣西站坐290系, 或坐一程綠小去千色店後轉港鐵或紅小, 繁時人要等車, 非繁時車要等客, 連綠小轉車, 普遍都要大半小時甚至一個鐘頭, 和坐33 比較, 慳時可能有10-15 分鐘. 再者如觀塘乘客坐40/42C都有可能係於觀塘道落車行入工廈區, 今次33 行走觀塘巧明街, 順業街, 就算行返出隔黎觀塘道都係好近, 應該可以替補.
至於非繁客量, 荃灣西有楊屋道海鮮街市, 附近亦有多個大型商場, 荃新天地I, II 期, 新裝修後既荃灣廣場, 灣景廣場, 如心廣 場I, II 期, 再加上將開的海之戀商場會開設全港第二間【驚安的殿堂唐吉訶德】, 一田, JUSCO, 先施圍在一起. 所以我睇非繁都可能會吸引到觀塘/慈雲山/黃大仙居民去乘搭, 上午有主婦, 下午兩三點另有學生放學後回家前快閃一下荃灣再返黃大仙, 較準時間去上車, 半小時可以走一轉, 來回都係一個多小時. 相信非繁客量又未至太擔心, 坐得滿窗囗位都叫做唔會蝕咯, 都係一句, 33 夠快 又平過紅小一大截, 應該都會有捧場客~
 |
