本帖最後由 ctb7k-pc6795 於 2019-9-7 00:16 編輯
城巴最後神獸2800 轉眼退左一個月, 在退前一兩星期,
呢架最後捷達色歐三城巴不停出走其他路線,
更在尾數日罕有地做南區流水線 37B (日後分享),
同埋尾二日的71, 再奉獻俾過海線, 直到到期日朝早.....
當日朝早佢被安排服務早繁限定的東區過海線606A,
網上有人報左開車時間, 我就過左藍田開著 ETA 靜侯,
最終架車就過左兩個字到, 就為佢做最後留影, 見到樓上頭排都係行家,
等左陣架車入站, 就上車過海安坐, 到北角官立就落車影門位,
咁岩紅燈, 就再影到數張來做最後告別, 架車返耀東再做尾單開返彩雲後回廠退役.
(*尾兩張就用退前一兩個月影落的下繁606 相當有貨, 都係同一方向, 亦都有坐佢出九龍,
再加兩張舊年10月頭影的夜相 - 收工單來作結).....
#2800 新出俾老牌流水線試車, 到尾就在雨中走遠少少去完結佢載客的生涯,
亦代表城巴的專利歐三同埋好搶眼的捷達色完全成為歷史......
在此要多謝各個有份報料的行家, 多謝點閱, 歡迎跟相~~~~
|
