傍晚觀塘法院巴士站龍尾特別長, 入埋油塘鯉魚門道同藍田啟田道, 當然連對面東行線都受影響, 東行線塞到入藍田站總站, 而泳池對開轉入偉發道龍尾就過晒觀塘站, 原因偉發道亦非常擠塞, 影響的不止33, 還有E22和T277.
傍晚約6:15在藍田站對開見一部33往油塘, 車上只得6名乘客, 接著一部私牌車但車頭有33路線牌往油塘方向, 題外話仲見到2部九巴601(行頭)+1部新巴601(跟尾)往金鐘, 2部九巴加埋有4個客, 新巴則坐滿7成, 估計又係出車海搶人生意技倆.
下繁觀塘站西行條車龍成日頂番上藍田站, 除左車多關係, 另一個原因就係巴士車長唔識靈活運用鯉魚門道西行中線爬頭入觀塘法院巴士站, 經常導致慢線排滿巴士, 一直排到上匯景平台下面.
好似今日咁, 我搭架606一過左入將軍澳道個壆位即刻抽出中線, 喪爬慢線十架巴士直入法院巴士站落客.
觀塘越來越多特別線, 越多生手就越容易造成擠塞, 我落左車之後因為大雨, 企左喺政府合署旁邊大約5分鐘等細啲先行, 期間只得一架唔停法院嘅W2行中線, 其他無論去九龍 新界定係對面海返嚟嘅都死跟慢線入站, 而除巴士站同慢線之外, 中快線都係冇車行.
可能因為咁, 商貿區積住好多人而要開加班車.
法院巴士站九巴真係要諗諗分拆, 一係就教精啲司機用中線入站, 塞死條慢線搞冧半邊觀塘唔係好玩. |
