（瀝源居民來信） Hello，本人住瀝源村，我和女友今晚9點30分至10點食完晚飯返沙田期間，因為沒有巴士返沙田，所以要搭火車返去，一到沙田站就見到示威者同警察對峙！剩返一個閘口出，示威者係站內維持秩序，讓老人家同有小朋友家庭出先，我同女友跟隨後面，警察大叫市民行快點，行到去接近新城市中庭附近，突然警察向示威者推進，示威者身後係沙田居民，有老有細！警察有無考慮所有人既安危？婆婆係住水泉澳架，結果比班警察嚇到面都青哂，有家長推住一架bb車不知所措。我提意他快d向偉華方向走，送走d 小朋友先。接住2秒後警察再次向示威者推進！我地沙田居民受示威者提意，沿偉華中心後梯天橋行去大圍站。我心有不甘想係地面返回瀝源村住所！但一班年青人好心講述情況比我地知，叫我地唔好行去商場方向，另有兩名年輕人行近勸阻不要單獨行地面。我地只好行去大圍避風頭。我地只係想返屋企！我地做錯左咩？警察有無理會我地沙田居民既安危！我在此譴責警方濫用暴力！無視沙田居民安危！新城市保安出現嚴重問題！我好嬲。我返唔到屋企食獅子狗！希望你比香港市民知道今晚既情況。
| 
