夜攝沙角爛玩小貓

上星期六晚同D friend去0左沙角大排檔睇兩場波，晌頭場中段休息時無意
中發現佢0既存在。


佢見到我，唔單止冇走開，仲對住我係咁叫。

見佢咁趣緻，梗係拎部手機影低佢，不過佢似乎唔太鐘意，成日擰轉頭，
捕0左好耐先影到幾張正面0既，佢一擰過0黎就係咁叫。


"喵.....影夠未呀？！"

影到咁上下，夠鐘開波lu，睇埋先再影。

到第二場開波前，又走去搵佢。

"喵.....又係你？"

影完呢張，佢就走去附近0既紙箱度匿埋，等極都唔肯出0黎。眼見冇得
影，我唯有離開。

第二場中段休息時，又忍唔住走去影佢，只見佢訓晌一間便利店門外，
有途人見到都走去摸0下佢，難得佢又完全唔驚陌生人，搖晒尾兼碌晒
地咁撩人。



討歡心必殺技：碌地沙。




今次收穫豐富，影到部手機幾乎冇電至肯收手。


~多謝觀賞~

唔知呢隻貓有冇人養呢?
不過佢真係好得意.

以前見過有隻狗碌地，行近看見隻狗原來生癬。

d色好似我朋友屋企隻MIMI