建議 九巴 81 延長為 火炭駿洋邨 - 九龍站

現時火炭欠缺巴士線前往旺角，配合火炭駿洋邨、彩禾苑發展，建議延長九巴 81 延長至火炭及九龍站，並修改部分行車路線


往九龍站方向：
經桂地街、山尾街、山尾街總站、山尾街、火炭路、源禾路後返回原線
抵達佐敦道後，經雅翔道、車站環迴路，前往九龍站總站

新增車站：
駿洋邨總站、火炭山尾街、火炭路、禾輋邨
... 過炮台街後，停佐敦道、九龍站總站
取消車站：
禾輋總站、豐順街、西九龍站總站


往火炭方向：
經車站環迴路、雅翔道、柯士甸道西、廣東道、匯翔道、匯民道、佐敦道後返回原線
過大埔公路沙田嶺段、青沙公路後，加經美輝街，再返回原有路線
過豐順街後，經德厚街、源禾路、火炭路、山尾街、穗禾路、黃竹洋街、桂地街，前往駿洋邨總站

新增車站：
九龍站總站、西九龍站上落客區
... 過大圍新村後，加停美輝街
... 抵達豐和邨後，停禾輋邨、火炭村、山尾街、黃竹洋街、駿洋邨總站
取消車站：
西九龍站總站、禾輋總站


收費：
全程：$7.8
禾輋邨起往九龍站：$6.8
西九龍站往火炭：$6.8

派車增加三部（由沙中線重組後抽調資源）
班次不變

正路搵280X加經就算
81加價到280X水平都
難用山路線嚟延長,行車
時間總是長過特快線,道理
如同E線加到A線水平但係
營運商都係唔心足。

kitarolo 發表於 2019-8-9 12:03
正路搵280X加經就算
81加價到280X水平都
難用山路線嚟延長,行車

280X兜入去係一件事
但81延長入火炭，主要係想比火炭有車去旺角油麻地
280X唔經旺角，改經桂地街同延長81關係不大
（唔好話要人280X轉287X，班次唔吸引，繁時又難上車）

我覺得擺多三部車，起碼好過開過一條新線

唔通E線難回本，就連E31、E32A都唔應該拆線？
非也
E31都全日分拆咗

反建議，可以考慮下開火炭版287X.
(去程直出佐敦,回程用青沙/大埔路無所謂)

係會用多幾部車(20分鐘計用6班車),
但出佐敦速度接近無敵,而且唔需要在美林轉一個圈
始終81去程經美輝街有點兜.

10598C 發表於 2019-8-9 12:22
280X兜入去係一件事
但81延長入火炭，主要係想比火炭有車去旺角油麻地
280X唔經旺角，改經桂地街同延長81 ...

81出市區方向要兜銅鑼灣，對火炭太慢啦。咁樣拉線之後可以一開二嗎，81拉入火炭之後學72咁飛走埋銅鑼灣，然後就拆條81B，由美林開經銅鑼灣上大埔道出佐敦甚至尖沙咀嗎？

根據九巴ETA，81比72兜多成9分鐘咁多。

唔使搞咁大陣仗嘅，搵80M廢物利用就得啦（此帖有相關討論）
而且81目前客量相當穩定，不宜大幅改動。

S3bl430 發表於 2019-8-9 15:24
反建議，可以考慮下開火炭版287X.
(去程直出佐敦,回程用青沙/大埔路無所謂)

我承認81對火炭而言觀感係有啲差
但81不嬲都唔係主打好快，而係一程過得嚟車程又唔慢
（駿洋邨出旺角 搭81預計車程約42分鐘；駁腳15分鐘加地鐵22分鐘約37分鐘）

我有諗過火炭開新線，但如果用多一倍車，班次又少一倍，仲未必夠客（尤其非繁）
又係唔係大家想要嘅嘢嚟呢？

hellomato 發表於 2019-8-9 17:19
唔使搞咁大陣仗嘅，搵80M廢物利用就得啦（此帖有相關討論）
而且81目前客量相當穩定，不宜大幅改動。 ...

對於火炭至旺角巴士線，我心目中有幾個方案
我的而且確有考慮過80M，priority僅次於延長81

但個人對於延長80M嘅詳細定線稍有不同，我會建議跟72X延長/去程經太子道西、彌敦道、西洋菜南街

我最主要考慮點在於，同樣擺三部車落去，80M未必做到81級數嘅班次，行獅隧要塞車觀感又唔好得過81，80M站位都不及81

另外，我真係好想知延長81有幾 “大陣仗”
客量高就唔可以改動？
咩理論 =_=

miklcct 發表於 2019-8-9 15:56
81出市區方向要兜銅鑼灣，對火炭太慢啦。咁樣拉線之後可以一開二嗎，81拉入火炭之後學72咁飛走埋銅鑼灣， ...

81仲做緊少量沙田區內流水
而且，亦都係最重點：有車、夠客先算啦
81咁密，拆咗之後班次做唔返10-15，到時候你又呱呱叫

10598C 發表於 2019-8-9 20:17
我承認81對火炭而言觀感係有啲差
但81不嬲都唔係主打好快，而係一程過得嚟車程又唔慢
（駿洋邨出旺角 搭8 ...

首先你個估計已經係錯。

駁腳嗰度應該唔使15分鐘，架60K小巴6-8分鐘一班，即係平均等3-4分鐘，搭到出火炭村3分鐘，隔籬就係B出口，行到上月台俾多4分鐘你，都係11分鐘。

然後搭火車嘅話，起碼有半個旺角（彌敦道以東）都係直接搭到旺角東有着數，火車車程13分鐘，加多等車2分鐘（當火車4分鐘一班），即係用多15分鐘，夾埋26分鐘。我當你用多8分鐘行返落彌敦道，呢度夾埋34分鐘。

至於條81，九巴估280X穗禾路去瀝源邨7分鐘，而81瀝源邨去旺角35分鐘，加埋42分鐘，81 10-15分鐘一班，咁平均等車我當6分鐘，即係要48分鐘，已經比小巴轉火車慢成14分鐘咁多，由此可見條81幾乎無着數。我已經係俾到盡彌敦道做比較，如果目的地喺彌敦道以東嘅話火車優勢更明顯。咁如果81拆到線嘅話令到飛到銅鑼灣，車程變成33分鐘，當班次變成16分鐘一班，即係等車8分鐘，咁全程變成41分鐘，同小巴轉火車只係相差7分鐘嘅話就可能吸引到少量客貪唔使轉車回流。