對於閣下提出有關轉乘的陳述, 我深表抱歉, 完全唔明.
觀塘站對大部份乘客而言係冇咁方便, 但也有少許受惠群體, 例如翠屏邨 月華街和對面的工廈.
W2對藍田站和麗港城有莫大益處, 呢點毋庸置疑, 但有沒有一個好嘅站位俾W2作為總站呢?
如果藍田站拉到位俾W2做總站, 到時連少少觀塘邊皮都掂唔到, 恐怕連「廢」嘅資格都談唔上. |
|
|
|
|
|
|
|
|
W2做到215X嘅客, 只有九展 九龍站<>觀塘站 藍田站, 曲街/山谷道 理大 尖東 尖沙咀冇影響, 如果令到W2同215X在觀塘區有更大程度的重疊, 乘客可以俾少每程$2, 去到215X覆蓋到而步程合理的地方, 九巴會唔會咁開通呢, 呢點需要深思, 有機會成為改線一大阻力.
14X與215X的站位相同和重疊程度更高, 這已分走部份215X的客源, W2再分薄的話, 215X恐怕要減班, 而這三條線都唔會密車.
我寧願215X keep得住現時班次, 好過三條互有部份重疊, 但班次不吸引的路線.
我相信觀塘市中心巴士總站啟用後, W2會搬到該處, 但屆時走線會更顯得迂迴, 吸到幾多觀塘客要睇運氣, 或許樂華 秀茂坪 四順落觀塘轉W2, 方便左吸高鐵站客, 但商貿區及市中心酒店客有幾多投向W2, 則屬未知之數, 至少要知道該酒店檔次, 主要接待哪些旅客才比較明朗化.
樓主用14X同W2交換走線, W2平價特快優勢盡失, 海濱道非繁人流低, 遠離住宅區對W2發展沒有好處.
現時14X與W2日間非繁時的客量比較, 停站少的W2客量已不過不失, 遇到有乘客搭高鐵的話, 則一定比14X好, 因為高鐵乘客通常都有親友陪同送車, 而有獨市位鯉魚門 觀塘海濱的14X, 加埋觀塘市中心 創紀之城 山谷道 彌敦道等大站, 客量也不是標青, 只要多D搭呢兩條線, 唔難見到呢個情況.
此外, 14X作為替代14C鯉魚門 油塘其中一條轉乘主力, 行經偏離觀塘的小區出入公路, 不利利用巴士轉乘計劃往返新界的乘客. |
|
|
|
|
|
|
|
|
EX-TL 發表於 2019-8-12 16:25
W2做到215X嘅客, 只有九展 九龍站觀塘站 藍田站, 曲街/山谷道 理大 尖東 尖沙咀冇影響, 如果令到W2同215X ...
//如果令到W2同215X在觀塘區有更大程度的重疊, 乘客可以俾少每程$2, 去到215X覆蓋到而步程合理的地方, 九巴會唔會咁開通呢, 呢點需要深思, 有機會成為改線一大阻力//
宜家W2喺藍田站已經遠快過215X，我嘅方案令藍田站乘客搭W2車程增加，變咗同215X打和/更慢，降低W2喺藍田站嘅吸引力；新W2雖然對觀塘快咗啲，但依然同215X打和/更慢，但因班次疏落，相信仍然唔會令215X觀塘乘客量有顯著變化
//14X與215X的站位相同和重疊程度更高//
冇錯，14X喺佐尖逆時針行，回程漆咸道南段同215X完全重疊；反而W2同215X分工更明確：W2做佐敦東、西，215X做尖咀東、西。
//樓主用14X同W2交換走線, W2平價特快優勢盡失//
你上面都識講九巴唔想乘客有平價快車。何況新W2對觀塘而言車程同現時相若，講到尾你都係唔想藍田站慢咗啫。
//海濱道非繁人流低, 遠離住宅區對W2發展沒有好處//
要補14X位，冇計。我都唔想新W2行觀商區/牛頭角，因為九巴唔會想呢啲地方有5.5車。我會建議新W2行半年後，九巴以觀商區/牛頭角使用量低為由飛咗佢。不過究竟觀商區/牛頭角5.5客多啲，定飛走兩地換嚟多咗嘅觀塘5.5客多啲，就要九巴計下。
//而有獨市位鯉魚門 觀塘海濱的14X, 加埋觀塘市中心 創紀之城 山谷道 彌敦道等大站, 客量也不是標青//
就係14X收視唔好先會郁佢。新14X行經未來油塘灣發展區，仲有你聲稱令W2客量振興嘅麗港城。
//此外, 14X作為替代14C鯉魚門 油塘其中一條轉乘主力, 行經偏離觀塘的小區出入公路, 不利利用巴士轉乘計劃往返新界的乘客.//
其實鯉魚門邨開始已有更密存在感更高嘅14。至於油塘工業區，無可否認14X改線令佢哋冇直車出觀塘道轉車，但目前14X喺嗰度客量唔算高；當有更多住宅落成，亦可拉14落去。 |
|
|
|
|
|
|
|
|
想回三點:
"你上面都識講九巴唔想乘客有平價快車。何況新W2對觀塘而言車程同現時相若，講到尾你都係唔想藍田站慢咗啫。"
藍田站變慢就會影響高鐵站 佐敦<>油塘 藍田 秀茂坪 安達臣乘客到藍田站轉乘意慾.
W2先觀塘後藍田的話, 俾機會乘客在觀塘做轉乘, 難得九巴藉W線用平價做特快帶你去藍田站轉車上山, 除左提高番區內線用量, 仲奉迎到政府提出不想再塞人喺觀塘做轉乘返上山, 呢兩點足以保住W2藍田站特快地位, 往佐敦停麗港公園影響輕微, 對前往佐敦及高鐵站, 於藍田站上車乘客仍然吸引.
如用你建議的14X去做, 本身已經貴$2, 再轉車上山, 係咪免費呢, 而且你係來回經麗港城, 不經藍田站, 如何吸引乘客放棄到觀塘轉乘?!
"就係14X收視唔好先會郁佢。新14X行經未來油塘灣發展區，仲有你聲稱令W2客量振興嘅麗港城。"
油塘道=做緊油塘灣?
偉樂街=做緊麗港城?
油塘灣發展時間表為何, 14X被拉落呢啲無人搭車嘅位, 係想帶起客量?
"其實鯉魚門邨開始已有更密存在感更高嘅14。至於油塘工業區，無可否認14X改線令佢哋冇直車出觀塘道轉車，但目前14X喺嗰度客量唔算高；當有更多住宅落成，亦可拉14落去。"
有14X, 又要拉14落去, 下面冇位擺, 架車到總站又要駛番上鯉魚門邨或油塘擺夠鐘, 就係左咁.
如果當初14拉落去搞掂, 就唔會有14X, 將14C車直送俾14就得.
九巴都知鯉魚門冇乜客, 但鯉魚門有訴求想要線出入尖沙咀, 引人入去消費, 九巴覺得可以一條線實現佢哋願望, 同時做得番14C轉乘, 所以先整左條14X出嚟, 破例用長途線當區內線做轉乘, 你就拆開用兩條線去做!
14X係從14抽車行, 14只係贏歷史悠久, 密唔算得上係. |
|
|
|
|
|
|
|
|
EX-TL 發表於 2019-8-12 20:02
想回三點:
"你上面都識講九巴唔想乘客有平價快車。何況新W2對觀塘而言車程同現時相若，講到尾你都係唔想藍 ...
//藍田站變慢就會影響高鐵站 佐敦<>油塘 藍田 秀茂坪 安達臣乘客到藍田站轉乘意慾//
唔認同。東九搭鐵去高鐵站本身太唔吸引，嫌慢嘅人唔會搭；W2本身太疏，嫌疏嘅人唔會搭。
你講嗰啲地方，起碼秀茂坪由觀塘駁車上去分分鐘更方便。另外，要留意宜家W2回程係停藍田站C出口，轉213M、216M嗰啲線要捐港鐵站去返對面搭，拎住行李好唔方便；但新W2來回都可以停藍田站總站，對回程客嚟講，站位可能比車程更重要。
//油塘道=做緊油塘灣?
偉樂街=做緊麗港城?
油塘灣發展時間表為何, 14X被拉落呢啲無人搭車嘅位, 係想帶起客量?//
油塘灣係當插定旗。更重要嘅係，新14X行油塘道，真正深入油麗邨。
個人認為對麗港城嚟講，新14X偉樂街站位唔會差過W2麗港公園站位。
//你就拆開用兩條線去做!//
隨住油塘工業區唔少新盤落成，對於交通需求會增加。個人認為係需要有對外通勤快線(i.e.新14X)同流水/接駁線(e.g.未來14)分工。唔通你認為油塘工業區永遠得宜家條14X就夠？ |
|
|
|
|
|
|
|
|
"唔認同。東九搭鐵去高鐵站本身太唔吸引，嫌慢嘅人唔會搭；W2本身太疏，嫌疏嘅人唔會搭。
你講嗰啲地方，起碼秀茂坪由觀塘駁車上去分分鐘更方便。另外，要留意宜家W2回程係停藍田站C出口，轉213M、216M嗰啲線要捐港鐵站去返對面搭，拎住行李好唔方便；但新W2來回都可以停藍田站總站，對回程客嚟講，站位可能比車程更重要。"
"分分鐘更方便"係指秀明道公園嗰邊我唔反對, 但人口密集的南邨 寶達 五期喺藍田站轉一定更方便, 而秀茂坪年輕至中年人口偏重於秀茂坪南一帶, 對外需求比較高.
有大型行李又要轉車, 觀塘站有齊13M 14B 15A 16M 93K 98A任君選擇, 當將來有可能搬去市中心室內總站, 大型行李客轉車一樣方便.
反正現時大部份W2乘客都唔係高鐵客, 尤其是繁時以佐敦 九龍站一帶<>東九上班客為主, 而藍田站轉乘概念係要靠長期實行, 培養乘客習慣, 正正係政府唔想再塞人入觀塘轉車嘅方法之一.
最後, W2藍田站總站的話, 你真係搵到位擺車?
"油塘灣係當插定旗。更重要嘅係，新14X行油塘道，真正深入油麗邨。
個人認為對麗港城嚟講，新14X偉樂街站位唔會差過W2麗港公園站位。"
深入油麗邨係好事, 不過個站好似係擺東隧口旁邊, 油麗邨西面居民現在過去商場入港鐵站, 東面直情係車站上蓋, 我都希望吸到新客.
但你"個人認為"同一向麗港城居民等車習慣有好大分別.
麗港城內有佢地搭慣搭熟嘅219X去尖沙咀 佐敦, 行出去爛地日曬雨淋唔會差過屋苑大閘旁邊嘅麗港公園? 不如落區睇睇一日有邊D時間有人用, 呢D人來自邊度先!
你話偉樂街吸到商貿區客叫兩飛出尖沙咀 佐敦仲make sense d, 但呢個位置除左將來會起職訓局之外, 就冇新增通勤需要, 俾兩條服務範圍重疊嘅巴士路線, 目的係乜嘢?
219X唔到九龍站, 以往需要轉車, 或者在尖沙咀警署落車行出去, 唔係近, 自從有W2, 西九龍站落車經車站大堂出去好得多, 而你改完14X停偉樂街, 麗港城冇車去西九龍站, 又冇車去九龍站, 要麗港城回到未有W2前, 冇可能.
"隨住油塘工業區唔少新盤落成，對於交通需求會增加。個人認為係需要有對外通勤快線(i.e.新14X)同流水/接駁線(e.g.未來14)分工。唔通你認為油塘工業區永遠得宜家條14X就夠？"
未來新盤都係私樓級數, 而且係市區臨海, 唔係一般上車盤, 地段比啟德私樓更優質, 一般平民百姓都好難負擔, 之前起落嘅嘉賢居 鯉灣天下都出唔到客, 盲目插旗後果只得一個, 之後唔對路你想郁走條線唔容易.
14X一線做到區內流水+特快(不是尖沙咀特快), 稍遠的九龍城 黃大仙 過海 尖沙咀可以靠屋苑接駁巴+港鐵, 至多俾你整幾班特班做中區 尖沙咀, 全日唔會有運行. |
|
|
|
|
|
|
|
|
EX-TL 發表於 2019-8-13 11:15
"唔認同。東九搭鐵去高鐵站本身太唔吸引，嫌慢嘅人唔會搭；W2本身太疏，嫌疏嘅人唔會搭。
你講嗰啲地方 ...
大把地方冇車去高鐵站/九龍站，本身麗港城就唔係W2服務範圍，只係見冇客順便停埋。講真，麗港城有219X邨巴級直達佐尖仲想點，個人反對任何帝化麗港城嘅做法。14X甚至比W2更吸引－同219X喺佐尖循相反走向，令麗港城有特快選擇往/返佐/尖。麗港公園近部份座數，但偉樂街更近另外一啲座數，整體嚟講就冇差咗。 |
|
|
|
|
|
|
|
|
你唔接受冇你辦法, 做建議就係要顧及好多方面, 唔係你講「分分鐘」/「個人認為」就乜都得.
你話「本身麗港城就唔係W2服務範圍」, 咁而家係咪仲可以叫做「本身」先, 唔得嘅話就要諗辦法改到人地接受到為止.
就好似B2板講33嗰篇嘢, 我都建議過往油塘下晝最好停番偉樂街俾麗港城居民返屋企, 但唔等於33可以改行茶果嶺道停偉樂街俾人去荃灣.
你可以將2019年全港巴士版圖回復到1933年甚至更早嘅, 重新洗牌咋嘛, 只要你執得掂晒所有大位細位, 你想點都得, 最好幫巴士公司慳埋車. |
|
|
|
|
|
|
|
|
我有補償措施：14X/219X<>W2轉乘(@九展)
|
|
|
洗手、洗手、洗手！
|
|
|
|
|
|
其實唔想回, 但唔回有人會覺得我被KO, 但回又唔知回你咩好, 講你唔明又怕你嬲.
如果轉乘優惠解決到嘅當然好, 40就係個好好例子, 麗港城-大坑東至長沙灣就係用轉乘解決, 但40改快左美孚-荃灣段, 對麗港城係有明顯好處.
而你建議14X改停偉樂街做補償, 14X同219X南九龍服務範圍完全一樣, 差別只在先後, 有咩好強烈嘅理由要接受?
即使你用轉乘計劃補左麗港城, 14X本身作為區內線角色轉乘新界路線的轉乘又如何補償呢?
再重申一次, 拉14落去鯉魚門解決到嘅話, 當年14C取消時早就拉左.
當年北區區域性重組, 277X要由平田縮落藍田站, 藍田上面嘈到翻檯咁滯, 原先已有的15A 16M補兩三毫轉乘優惠都唔接受.
九巴最終要開新線88X, 兼且整277X免費原站轉乘各藍田路線先收到科.
唔好話我雞蛋裏挑骨頭, 呢個年頭認真做一個路線建議唔係就咁響地圖畫條順住去嘅線就得, 一定要顧及埋現時所有乘客嘅出行同乘車習慣.
即使少客到要以行政指令取消的70同692, 取消前都要整轉乘優惠填晒每一個窿, 而且唔係做樣-$4.2, 係要收番同現時同價, 最後先取消到.
除非你只係停留FF階段, 我就真係冇野好講. |
|
|
|
|
|
|
|
|
|
Advertisement
Advertisement
Advertisement
Advertisement
Advertisement
|
樓主