九巴將開辦上學路線 288C

區內出大圍同出九龍觀塘/佐敦只係相差7毫子

幾時開288開到288Z？ 起碼有十幾條贏962系丫

kiwai 發表於 2019-8-15 11:20
6.4真係太貴,
82K只係5.60
287X大圍往水泉澳都只係5.80

7.1+5.8 再除2
係6.45
唔收你6.5已經要感謝九巴

288C開線係好事，不過有以下問題：

1. 現時開得一班應該唔夠，開0710就方便到東華三院水泉澳小學既學生(臨時校舍在美林邨，美林小學舊址)，但在美林和大圍返學既中學生又點呢？可能又會早得滯。
按：沿線仲有幾間中學(黃允畋中學、樂道中學、劉伯樂中學、鄭榮之中學等等)。
建議：開多班0725或0730。

2. 請問會唔會停文化博物館或銅鑼灣村站？
建議：如果無站，加返，因為呢兩個站方便到在沙田官立中學返學的學生。

3. 乙明邨係停乙明邨街定大涌橋路乙明邨？如果係後者既話，應該可以同88和72A兩線的大圍方向產生協同效應，做乙明至美林之間的學生客。當然，停邊個站都有好有唔好，停乙明邨街，都執到唔想死等812/812A既學生(聖母無玷聖心書院和胡素貞學校)；停大涌橋路就對呢兩間學校既學生無咁就腳。

4. 雖然路線主要對象是水泉澳去美林和大圍返學的學生，收費先收到$6.4，但建議落山後加$5.4的分段(88分段)，以配合我在上一點前部分所講既野。
OT.82K做乙明至大圍唔係唔得，但此線定線較迂迴，乙明邨後仍然要途經新田圍，去美林更加要入埋田心一帶，不及72A、88和288C直接。

定價有啲狗。最好其實跟288再伸延美林去大圍站，咁樣可以兩食新城市，不過收唔到宜家個價

感覺有點像213A水泉澳版

水泉澳去美林遠D, 定係去禾輋遠D!?

呢個走線上 google map 度過，岩岩好 8 公里

如果沿車公廟路先去大圍站，再去美城、美林做總站，只需 6.8 公里

新屋邨返學線，應該小學生比例唔細？半價多就好睇唔好食

睇完停站有啲唔明為什麼會這樣行＋停站
288C應該行文化博物館過橋，但為什麼不在文化博物館設站，做埋沙官客呢？

其次，如果要做水泉澳小學客，應該停美林邨比較方便，之後入去美林小學客就不應該只停美松苑，應該停埋美城

第三，為什麼要特登入去停美林總站？如果真係要兜里數我會寧願停美輝街