民調：九條最「垃圾」的九巴線(非巴迷觀點)

shakugan2005 發表於 2019-8-22 07:21
所以未就係刻意拉長路線博收貴價, 收費就係總站去總站, 但又唔預人總站去總站
...

混吉到而家都唔肯規管分段收費咁先係大問題，外國嘅一係 flat fare ，一係 zone pricing ，一係 distance pricing，係得呢度先垃圾到同路唔同價（好似黃竹坑新圍去赤柱，6X 65 73 260 973大巴重有40 52小巴無兩條線同價）

話垃圾，但又要搭
用另一方向睇，表示條線有人識+搭

71K、296M差不多全區行晒卻無人提

AL_29 發表於 2019-8-21 11:56
106都冇人提...可以即刻上一頁

「路線過份冗長及分站過多」

kay 發表於 2019-8-22 08:27
你咪解答左我條問題?

劃一條線做兩條線功能

有無考慮過你依個諗法先唔正常？

23M 一樣夠係先兜觀塘市中心大圈再上順利，請問有幾多人會樂華上 23M 去順利？
91M 一樣由寶林兜個大圈出彩虹，請問有幾多人會搭 91M 由寶林去彩虹？8 一樣由九龍站兜紅磡先出尖沙咀，請問有幾多人會搭  8 九龍站去出尖沙咀？

一線幾用，減少拆線同搵位擺總站時有發生。
無人會阻止你照上車遊車河，但如果要為左總站去總站慢，而去鬧條線有問題，點解唔考慮下點解條線咁設計？

28B 唯一唔正常係，收緊既價錢有問題（焗人收全程里數價），而唔係走線有問題。

如果四彩想要直達觀塘市中心既線，請佢地繼續爭取 14B 上四彩，我係絕對支持。
就算真係比你打直番條線，28B 只能夠經淘大出入啟麗去啟德或 Megabox 分開行，一齊做就點都要兜路，爭在點兜。
而拉直成條線，四彩要拆三線條線（四彩 - 啟德；四彩 - Megabox；四彩 - 觀塘 - 聯合醫院），咁夠唔夠客做？

dennis28a 發表於 2019-8-22 14:39
有無考慮過你依個諗法先唔正常？

23M 一樣夠係先兜觀塘市中心大圈再上順利，請問有幾多人會樂華上 23M 去 ...

我就係等你提 23M

無人話唔可以一線幾用，但一線兩用，又有少量全程客加持，係咪好過一線兩用，但 U 形走線無人坐全程？

你講話觀塘終於有架正常車去 Megabox，問題係呢條線係咪事必要駁去三彩？
併埋四順做類似早兩年出過既 26B，分屍左條 23M 唔得既？

對比起三彩要上山落山先去到觀塘巿中心，呢點係更大問題

同樣地，三彩去到觀塘，係咪事必要屈去九龍灣啟德？併埋藍田唔得咩？
樂華條區內駁腳線，23M 做係有歷史原因，但係咪事必要併四順？唔可以 14B 拉上去取代？

玩法有好多種，但實在唔應該好似你咁，一線兩用就算，唔睇 big picture，
唔諗下一線兩用得來有無更好方法

dennis28a 發表於 2019-8-22 14:39
有無考慮過你依個諗法先唔正常？

23M 一樣夠係先兜觀塘市中心大圈再上順利，請問有幾多人會樂華上 23M 去 ...

絕對正常
23M 1979年開辦,1984年去樂華,取代28A牛頭角道
91M 1979年開辦,2004年去寶林
8 1974年開辦,1983年同20合併

28B 2013年開辦,一開已經係U型走線
但上面個3條都唔係

我又無話U型線係萬惡
不過U型走線要重組難過登天

好似8仔,非繁無客,點斬

話就話以何文田做中心方便居民兩邊走
但有人由紅磡穿過何文田往返油麻地,呢度已經無得斬

28B就話全世界都要去聯合同觀塘
就以聯合同觀塘做中心
但又有人牛頭角往返三彩
今時今日要斬好難

如果有得揀,8/28B應該行37A/B模式,起碼兩邊總站都有直接途徑往來

話42C垃圾既人係九東>荃葵客？
W2垃圾？唔係有人當佢九東<>佐敦特平特快咁坐咩？

948系列都幾垃圾，948唔全日都算，整條948A同948B唔知為乜，明明兩條線可以合埋一齊

kay 發表於 2019-8-22 15:21
絕對正常
23M 1979年開辦,1984年去樂華,取代28A牛頭角道
91M 1979年開辦,2004年去寶林

何謂兩邊總站？四彩 - 啟德／啟業？

除非你生條彩霞道或彩石里直出線，然後係觀塘道設站，
否則的話點行都兜，爭在兜落彩虹、新蒲崗入啟新道，定跟 2X 兜牛頭角。
如果大家唔鐘意行出大馬路搭 2X 或 9 號（上山），與其搞到咁複雜，點解唔索性將 5M 拉去四彩做雙邊總站 Close File？

另一個更大問題係九龍灣商貿區，就算 28B 真係跟 37A / 37B 做 Circular Shuttle，
四彩去睛朗區先落 Megabox，就注定要兜晒彩虹、睛朗、啟麗咁多區兜到暈，我唔覺得同而家有咩差別。

姐係咁，28B 本身係三彩 - 啟業，當彩德邨對面就係啟業邨，
但連正常行人路可以都無條既情況下，會唔會更荒謬？

8 號係衍生左另一個解決方法，綠小 77M。
如果證明 28B 總站對總站有咁大需求，而再唔應該用 2X 同 28B 解決問題，
而應該索性開新線，更加唔係將 28B 改到 Circular Shuttle 去解決問題，亦即係而家招緊標既綠小線。

S3BL100 發表於 2019-8-22 15:15
我就係等你提 23M

無人話唔可以一線幾用，但一線兩用，又有少量全程客加持，係咪好過一線兩用，但 U 形走 ...

我想請問你口中「少量全程客加持」係指邊區？
自從 2X 開線後，9 號拉四彩後，睛朗、啟業 - 四彩已經轉投 2X（雙向）同 9 號（上山）。
我 #59 都講過，有直達需求就開線，開左線係唔係代表緊 28B 定線有問題？

搞清楚一回事，就算樂華 - 四順一樣有全程客加持，同有幾多人會搭 23M 兜路全程係兩回事。
要解決全程客直達問題，另外新線唔得？搵其他線去搞又唔得？唔代表 28B U 形走線有問題。

而家係部分人單純唔鐘意 28B 走線（包括你），覺得 28B 做唔到你依個普通市民心目中 Big Picture，但運吉既 Big Picture Work 就得。
家陣 28B 兩繁交到數，又幫九巴解決左兩條蝕錢線，又做到唔少潛在客源，仲要中 28B 開線 Agenda，咁請問 28B 走線有咩問題？

如果你係指非全程客既四彩 - Megabox，正如我係 #54 #59 講過，做得睛朗、啟麗，就要兜到暈先去到商貿區、Megabox，
一直就完全放棄睛朗、啟麗，直落淘大出入商貿區、Megabox，咁之後條線又走去邊？
更差情況係學 101X 淘大上橋，下繁商貿區自轉一圈，結果一樣浪費時間。

至於四彩 - 觀塘市中心拉直走線，有人反對過咩？
咁有需求就去做，我一直認為 14B 同 28B 係可以共存，再唔係將綠小 35 拉上山，或開放紅小禁區。
咁如果真係共存，請問 28B 一線兩用仲係唔係問題？

BTW，我已經透露左點解運吉無搞四彩 - 牛頭角道 - 觀塘市中心直達線理由，14B 最終點解無拉上彩福其中一個原因。