觀塘市中心重建後期道路及交通安排

觀塘市中心重建後期道路及交通安排

https://www.districtcouncils.gov.hk/kt/doc/2016_2019/tc/working_groups_doc/KTDRTF/16982/KTDRTF_13_2019.pdf

簡單重點：
- 公共運輸交匯處預計 2021 年第二季遷入

- 裕民坊一帶道路預計 2021 年第四季封閉

- 觀塘道東行會增加一條行車線，合共 5 條東行行車線
附設 120 米巴士站，以及專用左轉車道轉入協和街（不經迴旋處）

- 康寧道改為 2 條北行行車線，3 條南行行車線，近觀塘道位置將有 5 條南行行車線

- 物華街最終會變成 3 條西行線落山，
牛頭角道東行、康寧道南行最終將不能取道物華街上山，所有東行車流要先經觀塘道東行，然後再經協和街上山

- 因應觀塘市中心道路網改為逆時針設計，最終所有進入觀塘市中心新巴總路線必須由協和街 > 物華街進入總站

- 協和街南行只允許公共交通工具進入觀塘道迴旋處，其他車輛不准由協和街直入迴旋處去 APM 或開源道，只能左轉直去觀塘泳池，
其他車輛必須改行物華街 > 康寧道南行進入觀塘道西行線，或先左轉經東行線再經迴旋處入開源道

＝＝＝＝＝＝＝＝＝＝＝＝＝＝＝＝＝＝＝＝

雖然言之過早，但肯定 2021 年觀塘巴士路線要大改道。

更重要係，成組觀塘市中心道路網無左內街由牛頭角道直去協和街，以及大量進入新巴總車流都要經觀塘道轉入協和街。
觀塘市中心交通災難即將爆發。

最少迴旋處一定玩完

不知所謂。

不堪入目。

順時針變逆時針... 咁嘅行車方向，設計嗰條友大陸落嚟？

估計將來觀塘道東行觀塘市中心巴士站一帶會極高負荷，即使多一條行車線及專用通道轉上協和街，唔知頂唔頂得順
其實現時物華街、裕民坊減輕左唔少觀塘道迴旋處嘅負荷，未來觀塘道東行去協和街要焗經迴旋處隔離條通道，其實物華街可唔可以最起碼留一條東行巴士專線比巴士轉入去？

而未來協和街南行非公共交通工具只准左轉，變相去開源道或去APM一係經物華街、康寧道、觀塘道東行，或者前者要兜路去偉發道

另外，想問未來觀塘道西行可唔可以右轉上康寧道？
同埋，新小巴總站距離地鐵站遠左好多._.

apm 出面條觀塘道塞到媽媽聲

落山冇問題，因為行晒康寧道，唔使經迴旋處
但上山就塞死迴旋處
即係將個問題左手交右手

條條路加闊，迴旋處無，死梗

觀塘市中心既巴士站位其實一早都好應該再執執佢

諗方法引導去藍田方向行翠屏道仲好啦

觀塘道東行巴士站專線似係由現時舊麥記樓下條小巴站專線偷換概念而成, 如果落實, 上協和街的巴士如1A 3D 17 23M 89 89B 95M 101等線停站後有擠塞, 就係佢地嘅事, 而地鐵站C3出口樓梯就要拆掉, 盡頭只到美沙酮中心, 有治安隱患.

牛頭角道東行現時有13D 14B 28B 89 101X N293經物華街, 當中13D 28B N293之後係上山, 呢三線改道比較濕滯, 14B還可以選擇唔入市中心總站, 如果一定要入, 會非常繞路, 61R往藍田站恐怕亦需改行觀塘道, 取消同仁街巴士站.

市中心總站應該會預留一定站位俾現時裕民坊路線停站, 但在未入總站前一段協和街(觀月·樺峯對面)會多左巴士如3D 14B 16M 17 23M 89 89B 606 619 641等行經, 加上本身的1A 11X 23 93A 95M 601等, 會有非常多巴士等候直去或轉入物華街, 需好好調校協和街南行和北行轉入物華街及直行的燈號通行時間, 希望新行人天橋真可解決地面過路處的需要, 在可見未來都不用重開過路處.

行車時間已經偏長的過海路線606 619 641, 改道後會進一步加長.

協和街南行右轉物華街會非常多車, 不止巴士, 到時物華街最右行車線要預左有車泊低上落貨, 除非全段畫雙黃線, 引導車輛由雲漢街或輔仁街入瑞和街上落貨, 否則物華街三線變兩線, 會加劇擠塞.