本帖最後由 ctb7k-pc6795 於 2019-8-24 12:05 編輯
本文主角 443 係全隊新城富豪入面最後退役的車頭全布牌兼毛毛椅的一員,
新出先服務非專 (嘉湖置樂大西北果邊), 之後過專利服務多年,
曾經成為甩轆車, 整返好就再服務到到六年前的五月初.....
佢最後三日服務都被安排做過海線107, 之後兩日就只做兩味-上下段打仗 .
尾兩日中段在林士街休息, 車頭牌間接講左佢早上做107,
只係休息時將最左面數字轉黑牌, 等黃昏再做一單90收工....
貼交廣門位相前, 亦貼一張在2011年做90在總站梯位 Lay-off 相.....
講到終極一單, 我因為影完相去左其他站坑而坐唔到全程,
最後坐590 去 黃竹坑追, 終於見到443, 全車差唔多頂閘,
就上車企返總站, 影門位車頭, 之後打死火燈, 再熄車,
車頭相右邊同時影到轉左橙牌的大水箱 504 (首批NC豪的最後一架),
都在佢退後兩年都走埋......
等左一個鐘, 離別時刻到來, 有休班車長上車啟動車子,
並且將目的地牌轉至全黃, 最右面數字牌隨意攪左1字當私牌,
將架443 直接駛返柴廠封車退役, 就此結束佢17年多的服務.....
歡迎大家跟相同埋回憶~~~
|
