沙田區西隧兩繁線將於月內加班（14/9 更新）

MCMoore 發表於 2019-9-11 23:48
777做發展局嘅時候就計劃緊起動九龍東，到佢做政務司梗係要顯示自己有幾英明繼續推。好，真係發展咗啦， ...

呢件事背後仲有沙中同中幹兩個最關鍵基建遲左嘅影響吧？
只能講有啲野預得太盡，無諗過中間個個要撈油水
就算再叻都會輸人心

YY487 發表於 2019-9-11 22:09
今日獅隧奶嘢，啲車去晒老隧，觀塘繞道龍尾觀塘碼頭，龍翔道又搞死埋
結果玩殘成個九龍東
上次獅隧封閉都 ...

我都認同你既諗法，不過對巴士公司黎講，既然順路，停多一個站，做多一批客，有錢唔賺咩？
睇下繁皇后街個站都知咩事啦！
頂閘飛站或有前車埋站就固然可以唔洗塞，
一旦要埋該站，係可以無5分鐘都走唔到。如果連西隧都冧埋，港島放工真係得返地鐵(搭船唔太就腳)，
但諗起金鐘站個情況就唔開胃。

再回應埋九龍東道路網既問題。
我呢個星期放工都無搭過682，亦都無搭980X，
不過以我經驗黎睇，平時唔係打風或做節，觀繞龍尾係好少會去到麗港城。以九龍東塞車既情況黎睇，好明顯道路網係應付唔到現有的發展需要，
除左九龍東CBD(包括觀塘市中心重建)外，仲有安達臣發展區和啟德呢？

講返馬鞍山，而家早繁亞公角和大老山公路都例塞，
遲下加埋十四鄉(規模有一個太古城咁大)，遲早西沙公路西貢方向都會出事。
路就得一條，但人和車卻不斷增加，
罵政府都要講，政府有關官員發展新區之餘，有無考慮過道路網等配套係咪配合到？

AVW28 發表於 2019-9-12 09:35
我都認同你既諗法，不過對巴士公司黎講，既然順路，停多一個站，做多一批客，有錢唔賺咩？
睇下繁皇后街 ...

今日同以往一樣搭正8點起福安上左89D，塞左20分鐘後先碌到去富安花園個站呢個時候打開GOOGLE MAP睇路況，條深啡色線已經排到上馬鞍山繞道
最後富安落左車，比多 $12.3 搭鐵去觀塘
加埋用左 $21.2 黎由馬鞍山去觀塘

有人馬鞍山去觀塘，寧願迫地鐵經落大圍/九龍塘
有人柴灣返馬鞍山，寧願坐東廊車788轉西隧車980X
亦都有人馬鞍山返中環，寧願搭803轉287X轉東涌線

可想而知，馬鞍山人有幾咁愛佢地既交通配套

MCMoore 發表於 2019-9-12 09:20
拋開佢處事手法，九龍東絕對係能力問題，有乜理由一個地方發展係無相應嘅交通基建？
...

不過咁，港共官員無諗過既野，其實港英年代都有人係咁。
最出名既例子係屯門。
90年代屯門公路咪經常塞車既？
今日東廊、觀繞和馬鞍山既情況，就等於8、90年代屯門人要面對既野。
(當然當年既情況係嚴峻好多)

起動九龍東(觀塘市中心重建、啟德發展區、安達臣新發展區、觀塘-九龍灣商貿區)既原意唔係唔得，
呢個正正就係地理學裡面decentralization個概念，將港島西/九龍南CDB分散到其他地方，
例如鰂魚涌、觀塘-九龍灣、啟德等等。
正如你所講無相應規模基建配合，真係會死。
明日大嶼個計劃其實同起動九龍東既原意接近，
不過投入既資源遠比九龍東多好多，
明日大嶼是由零開始，九龍東既係已經有一定的地方已經發展左，
觀塘/九龍灣以往係工廠區，而家已經透過重建轉型做商貿區；
啟德隔離就係新蒲崗，有返咁上下年紀都知啟德前身係機場；
基本上除左安達臣外，我所講那四舊野都係已有一定規模的發展區。
唔好意思，離哂題！

kwn1029 發表於 2019-9-12 09:56
今日同以往一樣搭正8點起福安上左89D，塞左20分鐘後先碌到去富安花園個站呢個時候打開GOOGLE MAP睇路況， ...

一日唔改善塞車情況，遲早馬鞍山出嚟早到要搭頭班巴士或者地鐵先唔會塞車。

近年啲人係愈嚟愈早出門口避塞車，以馬鞍山情況特別嚴重，之前向來6-7點條街都唔會太多人，巴士站多人等車但未至於大排長龍，依家未到7點望落樓，巴士已經係長長人龍，就連大圍轉東鐵，8點前轉車少人啲容易上車啲嘅神話都冇埋，今日我0745喺大圍轉東鐵，嚟咗第3班馬鐵我先至上到東鐵。

kwn1029 發表於 2019-9-12 09:56
今日同以往一樣搭正8點起福安上左89D，塞左20分鐘後先碌到去富安花園個站呢個時候打開GOOGLE MAP睇路況， ...

朝早起身趕時間返工、放工想快d返屋企，人之常情而已。
都係果句，路就得一條，但人、車、樓又不停增加，
除左十四鄉外，遲下加埋欣安二期、錦俊苑，仲有迎海仲未入哂伙，
真係不敢想像。

馬鞍山人唔愛自己既基建，唔係無原因，
除左道路網飽和引致塞車既問題外，就係同巴士定線甚至班次有關。

馬鞍山既巴士定線，80%以上黎黎去去都係同一種模式(亞公角街-->恆耀安-->馬市-->錦英利安烏鐵)。

恆、耀安做總站：除左99入西貢方向，其他都要途經錦泰苑一帶入亞公角街；
43X和89C更要繞經石門和第一城先出市區，81C更加要行埋大圍。

馬市、錦英、利安、烏鐵做總站：除左87K、87S、274P、680X、681、980X外，其他都要經亞公角街，
286M、682A和A41P仲要經埋錦泰苑先落亞公角街，A41P更加係做哂成個馬鞍山。
要入亞公角街既，得85M、89D、89P和286M叫做沙田醫院後直出九龍；
其他就最少要落埋第一城，40X和40S碌埋源和路、86C要乙明後先入獅隧。

呢幾晚自己係長沙灣返學，如果86C走左車，唔想等多4個字，(想趕返屋企訓覺)
我係會286X(+287X/249X)+馬鐵(當然要夾到時間，青沙等車要唔超過5分鐘先做到特快既效果)。

803+287X+TCL係drbean板友既做法，在馬鞍山西隧線未開辦前人地已經咁做。
因為人地屋企唔近鐵。

我就係用788+980X既方法，未有980X前我係用：
-694+681/680X
-地鐵+85M/286M
-全程地鐵(我住恆安站上蓋)
就係因為而家東廊觀繞老隧既塞車情況比10年前嚴重左，地鐵又太迫又轉幾次線，
所以980X第一日開辦我即去試搭，結果所用既時間係同搭地鐵差唔多，所以先咁做。
682我由1X年前開始搭，下繁由小西灣返馬鞍山，由最快75分鐘，到而家90分鐘起跳。
搭682只係純粹當日太攰、唔想轉黎轉去先搭。
我估980X都吸引到部分灣仔和銅鑼灣既乘客去搭；港島東唔係無，應該無咁多。
如果港島東d人走哂去金鐘搭980X，680和682仲會唔會班班北角尾站頂閘過海？

至於有89D唔搭寧願迫地鐵轉幾次線，無法啦！除非壞地鐵，否則地鐵係最穩定唔受路面塞車影響。
even經過721和831事件。
呢一兩年馬鞍山路和亞公角街塞車既情況開始嚴重，想搭巴士既，一係早多一個鐘起身出門口避塞車，
一係搭鐵或搵個快捷既途徑。

RyanPun 發表於 2019-9-12 10:27
一日唔改善塞車情況，遲早馬鞍山出嚟早到要搭頭班巴士或者地鐵先唔會塞車。

近年啲人係愈嚟愈早出門口避 ...

馬鞍山既情況基本上短期內係無得搞。西沙公路遲下實會冧埋，而家泥涌至大洞一段西沙公路擴闊緊，
但一樣有樽頸位，就係企嶺下個急彎打後，因為地勢問題無擴闊呢段。
用西沙公路兜西貢甚至將軍澳出市區唔係唔得，基本上人地出市區條路都一樣塞車，
塞車基本上係無得避。
除非馬鞍山另外起條新路出市區，但唔係短期內做到，係無10年都做唔到。



再咁搞落去，唔好話搭頭班車，人人3點幾起身、4點幾出門先搞得掂。
90年代既屯門就係咁(睇紀錄片)。

AVW28 發表於 2019-9-12 10:54
馬鞍山既情況基本上短期內係無得搞。西沙公路遲下實會冧埋，而家泥涌至大洞一段西沙公路擴闊緊，
但一樣 ...

可能是倒客落地鐵的手段呢

S3bl430 發表於 2019-9-12 10:58
可能是倒客落地鐵的手段呢

都係既！不過咁，鐵就唔會飽和咩？(首相金句召換)繁時荃灣線、觀塘線、火車、港島線等各大轉線站咩環境唔係唔知。
將來馬鐵出左市區，鑽石山和大圍轉線站既情況係會比而家嚴峻好多。

AVW28 發表於 2019-9-12 10:54
馬鞍山既情況基本上短期內係無得搞。西沙公路遲下實會冧埋，而家泥涌至大洞一段西沙公路擴闊緊，
但一樣 ...

所以我真係好佩服你同drbean幾位版友，收咗工都仲有精神左轉右轉趕返屋企。我一早就放棄放工趕返屋企嘅念頭，有精神就行陣街食少少嘢醫肚，等到8點後冇咁塞車先搭車返屋企，冇精神就搭巴士慢慢塞入大老山瞓陣教好過。

至於返工就真係好難搞，唯有每日出門口見步行步，我已經日日6點半起身7點3出門口返9點何文田，再早啲好怕我個人會癡線。