[跟風] 建議試辦中西區往將軍澳南路線

背景:

將軍澳南人口持續增加，當中新增人口集中於寶邑路以南，部分新落成樓宇與將軍澳線的距離較遠。建議於部分時段試辦中西區往將軍澳南路線，並且由新巴獨營以拓展路線的多元性。

696: 中環(交易廣場)>調景嶺

中環 > 金鐘 > 灣仔 > 銅鑼灣 > 尚德 > 將南 > 調景嶺

服務時間:
平日: 1940-2200

星期六、日及公眾假期: 1800-2100

班次為每20分鐘一班

票價:     全程: $14.3

    東區海底隧道收費廣場起: $6.1

如客量理想，建議擴展服務時間至平日下午繁忙，去程則建議留待於將南隧道開通後再作評估。

歡迎討論

不如學290B飛走調景嶺，尚德後直插將南。不過我對呢條線絕對唔睇好。

tzuyu.taiwan 發表於 2019-9-11 14:33
不如學290B飛走調景嶺，尚德後直插將南。不過我對呢條線絕對唔睇好。

上面走線已經係尚德後經單車館到Savannah

平日19：40先開係咩玩法？特登避開最多人搭時段，開17：30-20：30比較合理

先唔講個走線如何，淨係個班次唔該可唔可以貼地d........ 當690都要開緊25/30 ge時段，將南線點樣支持到開20？唔好唔記得690服務緊ge康翠區係無鐵路覆蓋、寶琳區係全條將軍澳綫(康城支綫外)最耐+最疏ge地區，搭鐵去調景嶺係快過去寶琳大概10~15分鐘。
仲要調景嶺攞回程尾站......... 擺位比692P仲衰得緊要，點吸客ahhhh.........

當年巴士公司都留住上繁睇吓谷唔谷到客，依家竟然寧願開下繁都唔開上繁？仲要咁ge定線....... 真係會有一大班客企定定喺度等回程？
港島區上東廊時間上，乜真係快過停北角好多咩？但隨時無咗半車客。
將軍澳區內淨係得個尚德叫做「客量保證」........ 但將南？天晉/寶盈大可以搭鐵，亦更快更密更方便。
海天晉、Moneterey等等(至善街以南)，搭巴士咪又係要行........ 行少幾步但都係要行，仲要兜要等要塞，真係唔係咩吸引力.......
難聽d講句，住果邊一係私家車出入，一係地下鐵轉114AB，一係行吓當散步；除非兜入唐俊街迴旋處，否則都唔係咩吸引力........
而放調景嶺都唔放清半/坑北/日出康城就更風趣....... 銅鑼灣番調景嶺地鐵只係$12.7，巴士$14.3，慢d疏d塞d。
清半都尚可以話直車+有位坐、坑北都尚可以話直車+有位坐+實上到、康城都尚可以話多個option........

我明樓主點解唔開上、下繁喎。

一、資源問題
-> 有車都拎去最緊要、唔唔夠車既路線上面先啦，擺落一條都唔知有無客既線到為乜？相反，1940-2200已經過左peak hours，車隊資源相對無咁緊張，自然有空間去試下新野。

二、塞車問題
-> 一條同地鐵差唔多平排既線，巴士站位又唔算係極大優勢（將軍澳果邊少少咁囉），只要你塞車，就即刻玩L完趕哂客。
上下繁條東隧塞到咁，一定唔會有客。
相反，而家樓主係試下吸一堆係CWB食完飯既街客，或者係OT收工客。呢堆客可能想坐，而且最重要係過左peak hours，興發街同東隧都唔塞，車程上無咁蝕底。
至於將軍澳隧道塞唔塞 / 有幾塞（尋晚10點半見到入TKO方向都有塞，但明明無意外），就後話啦。

三、觀感問題
-> 係架，其實行興發街上東廊，同行埋北角去到民康街先上，時間上未必差太遠，特別係下繁，北角甚至會快過興發街。
但點架603、307、681都要繼續行興發街？
一來非繁真係可以快到5-10分鐘，二來係觀感問題。
黨鐵將軍澳線咁有競爭力，你仲碌埋英皇道先走？
觀感都已經好差。
如果當696銅鑼灣客係佔一半，咁至少有一半客係一上車，唔駛5分鐘就上公路，個感覺即刻唔同哂。

Commy 發表於 2019-9-12 22:33
平日19：40先開係咩玩法？特登避開最多人搭時段，開17：30-20：30比較合理

主要考慮係新巴可以用少量額外資源就開到線
而非打仗時間要抽車
再者下繁東隧行車時間唔吸引

ViviTse 發表於 2019-9-13 02:45
先唔講個走線如何，淨係個班次唔該可唔可以貼地d........ 當690都要開緊25/30 ge時段，將南線點樣支持到開2 ...

上面720P講既都有七七八八
補充多少少:

其實將軍澳南既新增人口係畀你想像中多

東隧加將隧繁忙時間根本唔通
夾硬塞架車落去黑洞當然無人想開亦無人想搭

696服務既時段主要需求已經shift到去灣仔銅鑼灣
北角先上公路要停多N枝燈咁又可必呢?
使唔使落到太古先上東隧?

除非兜入唐俊街迴旋處<-唔該FC下條建議路線先?

調景嶺好明顯只係為左放車用啦...

Snoopy@FB8617 發表於 2019-9-13 11:47
上面720P講既都有七七八八
補充多少少:

將南ge新增人口當然唔少，我諗只要係住將軍澳ge都應該好清楚見到近年將軍澳站ge客量變化啦........
但新增人口還新增人口、巴VS鐵ge吸引力還吸引力...... 兩樣野係有關，但唔係directly proportional wo.......

如果你覺得696單純做灣仔、銅鑼灣，仲要連清半/坑北/日出康城都唔入，仲畏非繁開20，都可以夠客ge，咁我真係無咩好補充.......
不如你望望「死」咗未夠一年果條692P先啦，咪又係做調景嶺/尚德........
就當兜埋將南+20、原有客倉慢咗-5，咁客量overall +15，算好定算差？

其實住將軍澳ge人都應該知「除非兜入唐俊街迴旋處」呢句係applicable to小巴/私家車，而唔係巴士，
換言之呢句係證明咗巴士無可能做得到「吸引力取勝」，所以吸客能力不足，
亦都係直接prove咗我上面講果句「但將南？天晉/寶盈大可以搭鐵，亦更快更密更方便。」，
亦即係畫公仔畫出腸，將南過海線要喺至善街以南吸客絕非易事...... 又或者就算吸到，客量都唔輕易足以撐起條線.......
所以根本無人叫你兜入唐俊街個迴旋處，不過用巴VS鐵，唔該都要噏得出有咩優點先.....
例如車程、班次、定線、舒適度等等........ 但都係果句，淨靠將南新樓，好難養得起一條過海線，
就算拖埋調景嶺落水都並不容易，唯一係可以諗拖埋清半/坑北/日出康城落水先有可能做到田忌賽馬果種打法.......

至於行埋北角會食多幾枝燈，其實將南燈陣只要肯搞一搞佢，時間上都喺番度啦..........
而你想停埋太古，我真係無野好講..... 你係當將南過海線係307P？
定係純粹一係想點對點、一係就想流水晒全個港島？做多咗啦ching........ 過猶不及啦.......
至於揾調景嶺放車，點解唔揾一d更具競爭力ge地方？(e.g. 清半)

neoplan720p 發表於 2019-9-13 10:49
我明樓主點解唔開上、下繁喎。

一、資源問題

想回應吓幾點：

一、試新野係好，但巴士公司究竟會唔會將「將~港島西線」treat as 新ge野呢？
喺佢地眼中，好可能仍剩下ge印象係692兩區非繁客量唔好、692P將南客量奇差、etc.....

尚德叫做比較穩定，兩繁班班出到40個客，坑口692年代尚可，兩繁出到30個都不足以為奇.......
但調景嶺.......? 將南.......? 走線上明顯鐵路吸引唔少.......
至於「潛力股」方面ge清半/日出康城，又點會放調景嶺都唔拉入去呢.......
至於港島西段停咩站，上年取消692P之前，我諗普遍人都有共識就係停站太少未必係好處，而619系回程停晒亦知咩事啦......

二、開車時段我唔太comment on，但同地鐵站位一樣先係「致命因」........
(田忌賽馬果個比喻我呢排講咗好多次，所以廢事長氣又tsum氣再重覆)
同鐵一樣行法、停法，結果會係鐵路勝出，especially係回程無上唔到ge問題+夠密+夠快+夠平

三、「如果當696銅鑼灣客係佔一半」嗱，我唔清楚你係咪refer緊我個比喻，
但如果我個比喻，意思係整塊餅裏面，一半係CB/Central果頭，一半係NP/FH果頭ge客，並唔係代表架車坐滿50%.......
至於觀感問題，前提係塊餅要夠大，換言之將軍澳區本身要夠客......
如果本身將軍澳區會停ge站塊餅夠大，幾個站直上公路都可以爆到架車(e.g. 619系特快果d班次)；
但如果本身塊餅唔夠大，就變咗每一個站去吸客都好重要(e.g. 690 CB打後每個站平均上5~10個人)
所以治標ge方法就係回程加北角，治本ge方法就係改善將軍澳區內走線(*)，或者雙管齊下

(*) P.S. 嗱，咁我又唔係得個鬧字ge，如果問我咩方法比較行得通，扯遠少少都講埋，改法有幾種，
但我自己覺得principle係繼續停經「客量保證」ge區(舊時692兩繁出到30~40人ge區有保留價值)，而田忌賽馬下勝出ge區都應被納入範圍內：
改法一：港島段 -----> 將軍澳隧道 ~ 景林 ~ 厚德 ~ 坑口 ~ 富康 ~ 尚德 ~ 將站 ~ 將南 ~ 清水灣半島 ~ 環保大道 ~ 日出康城 (近似798B)
改法二：港島段 -----> 將軍澳隧道 ~ 尚德 ~ 景林 ~ 厚德 ~ 坑口 ~ 清水灣半島 ~ 環保大道 ~ 日出康城 (近似692+98S)

改法一優點係可以保住兩個客倉，但尚德唔會快咗。
改法二優點係可以保住兩個客倉，尚德亦會快咗，但做唔到將南。
如果有第三個改法係行咗將南，然後再上尚德，再入坑口，最後反兜入康城，條線就會兜到2048咁解而可行性唔高。