蔡文堅同伍晃榮o既相同之處 ......

原帖由 limited 於 2006-7-7 23:49 發表
不過蔡文堅講波又真係唔錯喎
我覺得至少好過 Keyman

其實蔡文堅廿年前巳經響商台做講波佬, 同林尚義(阿叔)一齊
講本地波. 直到1990年商台停止直播本地波為止,
所以我一直都覺得佢係阿叔既徒弟. 佢果陣時係商台有兩個身份,
平時就係新聞部做記者, 講野斯文正經; 但做足球直播時就變得比較
市井, 同阿叔一齊罵球員(但冇用粗口), 令我覺得有 '雙面人' 既感覺.
仲記得佢講波有句口頭禪, 每有球員越位, 佢就會講: 越得個越. 唔知
依家仲有冇講呢? (我無裝有線)

蔡文堅講波好？
佢把聲係幾好聽，但作為球迷的角岋，成日覺得佢唔夠中立．．．．

原帖由 Kachun 於 2006-7-8 23:25 發表


其實蔡文堅廿年前巳經響商台做講波佬, 同林尚義(阿叔)一齊
講本地波. 直到1990年商台停止直播本地波為止,
所以我一直都覺得佢係阿叔既徒弟. 佢果陣時係商台有兩個身份,
平時就係新聞部做記者, 講野斯文正 ...

個時商台仲有何文光，林、蔡、何三個一齊直播本地波，同港台的何氏兄弟（何鑑江及何靜江）同賴汝
正三人係平分春色，各有擁躉。
林、蔡、何三人中，蔡文堅應該算係最斯文，反應何文光（好似有講馬）就比較激，我曾經聽過粗口，
不過因為在球場內收聽電台，環境嘈雜可能係我聽錯啦。當年睇本地波，學生票係要去足總申請一張學
生証至可以買，好鬼麻煩，有張証可以買十蚊學生飛。