問機場往來香港站的直通班次

呢幾個星期機鐵喺平日晚上10點後同星期六日下午開始就提供直通班車，只停香港站同機場站，與此同時機管局會有同事喺香港站check機票

我知機場個禁制令已經持續一段時間，但要到指定時間開始就有直通班次，係咪代表嗰段時間後出入機場個管制會再收緊啲？如果係機場員工或者富豪酒店住客，又可唔可以用嗰班直通車出入市區？

其實佢咁做嘅原因可能只係因為方便人手調配。
因為同一時間港鐵站已經關閉，只維持最少嘅服務，
人手就可以更加容易調配…

基本上可以上到車嘅乘客同入到客運大樓嘅規則一模一樣，
機場員工當然可以SHOW工作證乘搭機場進出機場；
至於富豪酒店嘅住客，就可能要問一問酒店方面，
始終住房證未必為機管局接受的有效證件之一。

GD1570 發表於 2019-10-22 09:31
其實佢咁做嘅原因可能只係因為方便人手調配。
因為同一時間港鐵站已經關閉，只維持最少嘅服務，
人手就可以 ...

不過星期六日其實下午開始就只係往來香港站同機場，幾點就唔一定，但同公眾活動個時間有少少關係，12同13號就3點，上星期六就5點，星期日就下午1點

如果只維持最少嘅服務，咁點解一定係香港站直去機場，而唔係九龍站或青衣站直去機場？會唔會係因為港島去機場其他替代交通比較少？

gsrc0525 發表於 2019-10-22 11:20
不過星期六日其實下午開始就只係往來香港站同機場，幾點就唔一定，但同公眾活動個時間有少少關係，12同13 ...

我諗係用香港站的外地遊客較多，此站車費亦是最貴。

咁搞到住青衣及九龍站上蓋的居民好唔方便，既然同一時間該兩站東涌線部分仍然開放，機快唔停唔知慳到幾多。

DIH 發表於 2019-10-22 13:08
我諗係用香港站的外地遊客較多，此站車費亦是最貴。

咁搞到住青衣及九龍站上蓋的居民好唔方便，既然同一 ...

如果係直通班次，去程車程應該慳返3-4分鐘左右，反而返香港站嗰程就慳唔到時間，去到九龍站點都要停一陣等信號，直至香港站1號月台抽車差唔多開出為止，以免影響到東涌線運作。

港鐵聲稱「因配合機場進出管制措施」，機鐵只停香港同機場站，博覽館站都會關閉。又到星期六日，今日黃昏6點同聽日下午2點開始機鐵就有直通班次，又係公眾活動開始嘅時間，好難令人唔諗起機場進出管制進一步收緊先有咁嘅安排。