98D脫班問題+4點幾尖東開山谷道已頂閘+九展上三幾個/留後

        最近幾個禮拜下晝(唔早過下晝3點，亦唔遲過日落)，小弟都不定期留意吓98D(both in person & via ETA)，唔知係因為塞車塞到過鐘踢車、車長缺勤、收車、脫班、定係咁啱我日日都唔好彩、抑或咩ge原因，時間表上面 (Mon-Sat) 6-10 / (Sun) 7-10 分鐘一班，我留意ge日子裹面眼見一半/以上都係冇咁密ge班次：去睇見得比較多ge係總站都開緊12-18分鐘一班(in person)；有一次試過ETA寫下一班15分鐘、30分鐘，但我一直企足咁耐(in person)都完全唔見有「15分鐘後」果班、最後黎ge係半個鐘後果架；仲有一次就淨係睇ETA寫住「59分鐘後」有一班，咁果次我就廢事落去食塵啦；而呢幾日印象中尖沙咀、漆咸道一帶交通狀況尚算正常(只係番工放工果種塞)，而唔係因為公眾活動/事故等等ge原因而可能大幅delay。其實98D官方時間表喺2015到2019年間已經屢次減班，甚至部分時段比舊班次疏一倍有多，上繁塞車趕客唔怪佢，但非繁減班仲要開唔足班次，某程度上會有少少趕客....... 補充多樣，意想唔到有時下繁見98D將軍澳開ge班次塞到拖卡，兩班都keep到坐滿7成窗口位wo (c.f. for your reference 眼見隔黎㗎296D大概一半窗口位、219X上層9成坐爆、14X上層8成坐爆左右)。再補充多樣，唔知係因為想乘客預早扺達巴士站以免miss咗班車、定係咩原因，感覺個ETA好似越黎越唔準，寫住「6分鐘」、「8分鐘」可以眼前成架車得埋黎，寫住「1分鐘」、「--」可以再等多5,6分鐘都無車。

        言歸正轉，其實我呢個post目的唔係話要鬧佢脫班(畢竟路面情況有時我都應該體諒ge)，而係因為琴日難得見佢開足10分鐘一班想開個po讚吓佢，但上面d參考資料都必須要講吓咁解。Back to我上果班98D(around四點幾尖東開)，尖東、尖沙咀 as usual 坐滿，漆咸道各站企位，山谷道差唔多頂閘(企到車門)，九展再上得果「小貓三幾隻」跟住ge客就留後啦。而九展個站去寶林就得98D(P)一架，難得(咁都可能係我運氣差到咁，次次見親佢都咁啱有d虢礫緙嘞ge原因令佢脫班)見佢開足10分鐘一班，d客都要留後，咁當再有d阻滯果時咪無得上？(補充：仲有一次勞資審裁處已經頂閘，之後衛理道、山谷道全飛、九展有人落所以上到三幾個，但果次大概開緊15 ge range所以無得好講) 仲有遲少少將轉站開咗，藍田/秀茂坪/寶達一帶ge乘客會多咗用98D，唔係日日開得足班次但又一再減班，咁到時咁ge班次仲點應付呢....? 希望唔洗等到到時問題完全浮現先至諗點算。

        歡迎討論一下。

有時平日下晝4點 係勞資審裁處有機會上唔到 下繁勞資審裁處打後上到車已經偷笑

Billy199898 發表於 2019-10-23 03:26
有時平日下晝4點 係勞資審裁處有機會上唔到 下繁勞資審裁處打後上到車已經偷笑 ...

無錯，本來都已經唔夠載，所以我就更加唔明點解呢幾年都仲可以減班，然後繼續頻頻脫班。

ViviTse 發表於 2019-10-23 03:30
無錯，本來都已經唔夠載，所以我就更加唔明點解呢幾年都仲可以減班，然後繼續頻頻脫班。
...

唔私底下減班cut車安達臣三寶邊有車呀

wilson6496 發表於 2019-10-23 06:13
唔私底下減班cut車安達臣三寶邊有車呀

you mean DMX? 定88/214/613/290X
我淨係知214時間表同埋實際班次完全係兩個世界

98D本身都抽咗部分車俾91P

買張月票, 搭296D番到尚德去再轉啦, 290/290A/290X/296M夾埋咁密車, 假日又可以坐巴士出入, 抵制某交通工具。遲下將隧轉乘站開埋, 大把線任你轉啦

ViviTse 發表於 2019-10-23 03:30
無錯，本來都已經唔夠載，所以我就更加唔明點解呢幾年都仲可以減班，然後繼續頻頻脫班。
...

98D 有幾次唔係減班，係加時。

13X、213X、98D、601、601P 係同一 Pool，與其話 98D 抽車去做安達臣，
不如反問點解九巴仲沿用上面果堆組合既安排？咁安排唔脫班就假。

dennis28a 發表於 2019-10-23 23:11
98D 有幾次唔係減班，係加時。

13X、213X、98D、601、601P 係同一 Pool，與其話 98D 抽車去做安達臣，

我諗98D自己喺坑口北都有自己檔攤…

但又要咁講，呢堆98D同pool線好似只係得98D有問題

ViviTse 發表於 2019-10-23 18:39
you mean DMX? 定88/214/613/290X
我淨係知214時間表同埋實際班次完全係兩個世界
...

214實際有幾密？