905巴士車長於旺角吸入催淚彈感不適，無法繼續駕駛

10598C 發表於 2019-10-28 01:08
從來都係冇警察就冇暴亂

噢. 原來 721 警察唔出現係正確的
你班友諗法唔通係, 我報警時警察要即時到, 人地報警時警察唔好黎拉我?
果然"爭取民主"真係好高尚wor. 政權都未有就開始分等級.


警察再唔掂, 但係你取代唔到佢既作用, 又阻住佢做野, 咪乞人憎law. 幾條友係呢度圍爐有鬼用咩.

其實宜家真係爭取五大訴求咩? 如果下個月只有和平集會同遊行, 過兩個月監警出報告, 然後九成會再搞個委員會.

出黎暴動班人, 不過係要政府特赦暴動, 或者想推翻政府, 佢地知道政府唔可能放過佢地. 唔好講香港, 任何一個政府都唔會放過呢D 暴行.
未經批准集會, 非法集會都勉強可以係司法層面放人, 緃火, 打人, 刑毀呢D 都想特赦? 妄想啦.
你咪日日放火拆鋪law. 警察始終有一日拉晒. 六七暴動時, 工聯會號稱幾十萬會員, 又點呢?

Toz 發表於 2019-10-31 07:59
噢. 原來 721 警察唔出現係正確的
你班友諗法唔通係, 我報警時警察要即時到, 人地報警時警察唔好黎拉我 ...

你唔好咁膚淺、咁無知，仲要係度偷換概念啦大哥，咩「我報警時警察要即時到, 人地報警時警察唔好黎拉我」。

而家係講緊警察執法不公，動用過份武力對付反政府示威運動既同時，對支持政府人士既違法行為視若無睹呀

仲有一隻手指指住人地既時候麻煩你三隻手指指住自己，你話反對陣營係圍爐，咁係撐警陣營又做過啲咩嘢支持警察「止暴制亂」呀？上italk自己打飛機呀？
當反對陣營每個禮拜示威、用各種唔同既手法對政府施加壓力（罷食罷買罷搭、整連儂牆）
你地呢班人係連爐都唔會圍，咩都唔會做，只係諗住坐係冷氣房等政府收捨殘局，係政府眼中你地係no stake in this society，一啲作用都冇呀

Toz 發表於 2019-10-31 07:59
噢. 原來 721 警察唔出現係正確的
你班友諗法唔通係, 我報警時警察要即時到, 人地報警時警察唔好黎拉我 ...

可能係架
721警察嚟埋打人隨時係721+831兩樣加埋咁恐怖
又或者咁講，班白衫人咪又係班警察嘅合作夥伴，係班白衫人代替警察出手啫，如果真係警察出手咪係831事件
或者再退一步，721唔係暴亂，係無差別攻擊，啫係恐襲

當你都識講721事件時
你都應該知，警察做得有幾錯
自從721後邊個仲支持警察，根本已經可以定義為喪失良心
另外，請你搞清楚一樣嘢，冇人反對警察執法，問題係而家警察執法手段好有問題，根本就係選擇性執法，而且係過份使用武力、越權

正正大家都知警察係有不可取代嘅地位，而大家覺得警察做法好有問題時，就要出聲聲討，去改變、改善警察現有做法
而當現有機制無法處理民意時，就唔好怪示威者以公民抗命形式升級武力，係政府警察令示威者知道，和平示威係冇用
呢個世界只有官逼民反
係制度暴力、暴政所帶嚟嘅惡果
如果政府警察係六月時能安撫人民，仲會唔會有打後咁多個月所發生嘅嘢？

Toz 發表於 2019-10-31 07:59
噢. 原來 721 警察唔出現係正確的
你班友諗法唔通係, 我報警時警察要即時到, 人地報警時警察唔好黎拉我 ...

係串串貢之前
如先了解清楚成件事既前因後果

721核心問題已經唔係見唔見人
而係執法人員同鄉黑勾結
成班白衫人攞住鐵通班執法人員做緊咩?

望尋日屯門又發生咩事?
撐警集會呢就明明都係非法集結
執法人員就人身保護咁制
另一邊呢就闖入私人地方拉人
你同我講lee D叫法治?

你覺得我地幾條友圍爐
不如望下出面關於警隊既民意調查評分
6月頭港大民調61/100

9月中大民調2.89/10
10月明報委託中大民調2.6/10
唔知邊個圍緊爐呢?

Toz 發表於 2019-10-31 08:15
其實宜家真係爭取五大訴求咩? 如果下個月只有和平集會同遊行, 過兩個月監警出報告, 然後九成會再搞個委員會 ...

如咩果
而家極大部分集會同遊行都唔批
監警大部分自己人
獨委會林鄭堅持唔搞
咁點如果落去?

關於暴動一事
我認同要求特赦難度極高
但另一個角度睇係而家係唔係都charge暴動
暴動本身既定義就十分之簡單
非法集結+破壞社會安寧就叫暴動
以舊有法律含糊既意思去作打壓
實為法治上既暴力

明白五大訴求  但一睇到要特赦所有因為咁而被拉既人(仲話缺一不可喎) 就完全唔可能  俾著我都覺得荒謬 唔聽好過   見到呢句  等同有板友講咩屯門線都要行屯興路停屯官    要人聽你講 唔洗200萬人 只要有point 60個議員都夠  我唔在乎我游唔游說到大家跟我嗰套 大家都係表達意見   如果影響到人就梗係要諗多幾重喇

中國人的性情是總喜歡調和，折中的。譬如你說，這屋子太暗，須在這裏開一個窗，大家一定不允許的。但如果你主張拆掉屋頂，他們就會來調和，願意開窗了。沒有更激烈的主張，他們總連平和的改革也不肯行。

咁啱，呢番話係魯迅喺香港講嘅

lsc04d11 發表於 2019-10-31 11:45
明白五大訴求  但一睇到要特赦所有因為咁而被拉既人(仲話缺一不可喎) 就完全唔可能  俾著我都覺得荒謬 唔聽 ...

香港警察曾經都被特赦過架