北區直梯老大 ATE25 (KZ6377) 出走大埔出西九特快線之點滴

北區直老大 ATE25 (KZ6377) 舊年入主邊境線後,
有時會係晚上遠征油尖區經獅隧返北區 (日後再貼相),
而今次就分享佢出走大埔兩大快線同埋分支的夜遊點滴,
相片就會由富亭/埔中開始到西九站起的中途站;
加士居道橋底, 同埋旺角柏景灣(旺柏)
再以下段埔中收工相作結.......

西九 -> 埔中 / 富亨 (獅隧)
坐佢替271之先, 我曾經都坐過佢替72X,
第一次坐係72A 收工柯打 (見下面).......
坐佢做72X 果陣係出旺角東等, 果陣車長腳法好,
好到令架車落獅隧斜可以Keep 住5波,
到入吐公先至上6波.......

回到271, 當晚放工過九龍公園徑等,
起初以為佢做特快板上尖隧,
之後有架直準備埋站, 即時拿機影,
好在都影到佢埋站一刻, 見到係 271 就上樓上嘆冷氣,
坐佢少少似回到過去271 用直時代,
而家271改去西九站同埋以高載車做主力,
係咪可以考慮用12.8??? 話哂客量高企同埋改左總站......

一個月後佢又來替271, 我就在九龍塘等,
今次佢打271B 牌 (無相), 即係經科學園, 就欣然上車,
入到科學園都有一兩個等, 行完科學園就落返公路返富亨.....

富亨 -> 西九
返到富亨, 見到站長指示其他車長接車,
(同時都貼張72X 完成車程車頭相做對照)....
好快 6377 就再開返出西九龍站, 就上車再坐返出九龍,
晚上係公路度聽佢引擎聲同轉波靚聲. 真係一大樂事,
之後再返西九影佢小休的相.....

下段再貼我的第二三次夜遊.....

旺柏 -> 埔中  (31 Oct 2019)
承上文, 到當晚, 我放工過九龍塘睇車, 不久見佢打旺柏牌,
就坐車去旺柏去為佢留影 (見尾二三張相), 由於旺角道大塞,
架車被指示要改道返大埔, 服務完旺角頭數站後就直上公路返大埔,

上斜時, 又一次見證車長施展腳法令架車係入隧道路段,
HOLD 住5波, 但今次就上左6波再跳上一波......
之後都順利返埔中, 再泊 Lay-off 區侯命....

Updated: 冬至前的兩次夜遊 (7 & 22 Dec 2019)
架車係今個月先後換左兩邊Banner, 並再戰呢兩條線.
第一個係70取消後11周年翌日, 佢再出走271,
在大埔等車出返九龍, 見到佢就上車,
再於The Mira 落車, 影門位為過西九站再留影....

兩星期後冬至, 同友人晚飯後, 獨自走去大埔, 又遇到6377做72A,
就上車過大圍, 過大圍後私牌, 就留影一張, 再保鐵出旺角行去車站恭侯,
行到去已見佢上客, 就行快兩步上車, 再穿過獅隧入大埔,
沿路車流唔算密, 轉眼返到廣福, 完成當晚遊河 (* 補返埔中收工相)....

多謝點閱長文, 歡迎跟相~~~

271最近已經由73X拎左部12米8過嚟上掛