一則分享:
話說今朝九龍大塞車, 本人帶輪椅長者由觀塘去九龍灣覆診, 去排啲6蚊樓下嘅11B 11C俾隊頭眼超超啤到實, 爭在未爆粗, 繼而轉戰大路上7蚊樓下嘅巴士, 14 671相繼埋站, 見到個車頭堆滿人已經唔駛諗, 以為9蚊樓下嘅車好好多啦, 38埋站我一樣唔敢行過去, 因為人太多, 上左車落車有困難, 乖乖地排15蚊樓下嘅89D 277X, 下一架嚟嘅就係277X, 而且客唔多, 臨到啓泰苑落車前我叫輪椅客望下對面馬路, 由東隧塞番出嚟都未見車龍, 啲巴士返唔到觀塘開出, 焗住搭呢架車, 車上乘客唔覺得奇怪, 反而啓泰苑排隊等上車嘅用奇異眼光望住我哋, 最後我唔理得咁多, 衝住入啓仁街, 最後遲左15分鐘, 都好在趕得切冇俾人拒諸門外.
今次係本人陪同輪椅人士搭過最貴嘅短途, 對上一次係三年前全年最高溫37-39度當日搭671由鑽石山去觀塘.
排277X原因不外乎收得夠貴, 班次夠密, 就算條路點死, 都一定死到架車出嚟行, 呢$16.8($14.8+$2)豪俾你啦, 狗巴! 回程我啓晴邨飲完茶索性行番觀塘. |
