大家對兩鐵合併有咩睇法？

我覺得當年九鐵服務好好，但係俾地鐵食咗之後就無哂啦。

不過其實我覺得兩鐵係唔應該合併，地鐵係都市地鐵，九鐵係近郊鐵路，兩者根本係應該用唔同嘅營運方式，而當初機鐵俾地鐵做已經係錯啦，應該由九鐵起，喺而家嘅南昌站駁返西鐵（即係西鐵列車同機鐵列車可以喺南昌站換線），同時做埋貨運，連埋港口鐵路線一齊起，將空運貨運返大陸。

其實香港真正嘅都市地鐵應該係得觀荃島將南呢5條線，其餘應該全部當係客貨混跑嘅近郊鐵路，因為嗰啲全部都係 suburb 甚至 exurb 來嘅。而沙中線連馬鞍山線就應該俾地鐵做用地鐵規格，由馬鞍山一車出中環，因為佢喺九龍入面嘅性質同地鐵一樣，喺沙田新市鎮入面亦都係沙田嘅地鐵，而且唔會有貨運需要。

當年覺得幾正，望返轉頭真係寧願冇合併過

壟斷香港鐵路唔使多講

而家原先兩鐵各站嘅設計俾佢搞亂晒，如啟德站整到似地鐵站，閘機設計又溝亂晒

希望當年就算合併都只係新加坡模式

timewater 發表於 2019-12-12 10:55
但係舊地鐵轉車極有效率喎, 又可以做同層轉乘, 如太子至油麻地、北角鰂魚涌、中環金鐘、油塘調景嶺
返觀 ...

好似話就係因為當年地鐵投唔到沙中綫
初時仲要逼人有咁遠得咁遠先轉到車

而家合併咗

鑽石山又做唔到同台轉

哈哈

其實港鐵都唔係以前既地鐵

正所謂合併有著數既咪Friend，無著數既就話做唔到

好似而家旺角同旺角東收費都係唔同

新城合併咗但收費都係各有各

九公仲勁，E34大欖無轉乘

E33屯轉先施捨你4蚊