職員名牌有港鐵logo之外, 最似應該係車站大堂幾似馬鐵站, 月台又有啲似南港島綫或欣澳站.
路軌就... 搭開港鐵過到梳打埠記住記住記住, 一定要緊握扶手, 就我搭嘅第一個站, 由氹仔東上車去科大, 連續兩個90度彎位, 行車速度頗快, 已經諗到西得幾勁, 車門玻璃去到好低, 遲早整單杰嘅都幾麻煩.
之後再由科大過對面月台往海洋方向, 沿途望到好多遠景, 冇隔音屏障阻擋視線, 蓮花口岸附近真係第一次經過, 呢啲喺港鐵好難見到, 如果唔計東涌綫, 近似嘅係荔景-葵芳, 或者落馬洲-塱原.
最後賽馬會落車, 在賽馬會 氹仔碼頭 氹仔東 科大附近行過, 馬路邊唔似得香港咁會有指示牌指你行邊度有車站, 只係會喺上落車站的樓梯同電梯口有指示, 唔係經常來往車站, 除非跟住路軌下面行, 都幾難知道就近車站位置.
不過最過癮係我本來唔係為左輕軌通車走去過大海, 搭發財車去到氹仔碼頭一大堆人排隊等入閘先挑起條引, 去完永利皇宮臨走搭佢架吊車, 又係第一次搭, 一落地唔駛十秒已經入左升降機上氹仔東站大堂, 因利乘便試埋輕軌, 又唔駛好似總站咁排長龍, 好好多.
p.s. 話說近日過大橋, 無論去珠/澳都要喺人工島做多次安檢, 尋日係我第一次入東人工島, 車上好多人都聲稱自己第一次, 可能同澳門回歸20年有關. |
