往澳門金巴 @ 港珠澳東人工島安檢記

三地政府早前公佈，於本月10日至22日期間，經港珠澳大橋往澳門及珠海需在東人工島接受額外安檢措施。有板友向本站提供早前於東人工島接受額外安檢的經歷，並表示額外耗時約30分鐘，全部往澳門的乘客都要落車接受珠海公安的檢查。

以下為有關板友的分享：

本人係平日夜晚唔算多人嘅時間，坐金巴 MAN A95 去澳門試坐輕軌，順便睇下未試過對外開放嘅東人工島。

巴士去到香港邊界時，路面逐步收窄，去到內地界線時，得返路肩可以行，全部車都一定要入東人工島，無一例外。

一入東人工島，就見到有大陸公安同特警車輛停泊，當然亦有持槍公安。島上面有個建築物，下面有兩條貫穿建築物嘅車路，呢兩條路分別用嚟檢查細車同大車。

檢查大車條對得一個落客位，巴士要逐部排隊落客做安檢。所以路上會有條巴士龍，係人工島上面用嘅時間主要都係車上面等。等咗20分鐘左右，終於到我部車。另外我留意到去珠海嘅巴士會行另一條線，被公安簡單檢查後就直接走得，唔需要落車檢查。

帶齊所有行李後，乘客要經過一部樣貌辨識機，辨識通過之後，就類似機場咁去前面X光機過行李，同時人就要過探測機，再接受公安用探測器檢查身體。安檢設施入面，唔覺有早幾個月檢查電話內容嘅設備。

之後，乘客就要入大樓入面嘅小型大堂，埋去櫃枱交證件俾公安檢查，同大陸通關一樣。公安無講要邊隻證件，我嘅觀察就係俾香港身分證或回鄉證都得。都係同過關一樣，佢地會將證件用閱讀機檢查，無問題就可以離開，完成成個程序。

同時間巴士亦要接受全面檢查，公安會上車逐個位去檢查，非常仔細。巴士檢查完之後，會駛前去上客位上車，金巴乘客可以上唔係同一部巴士。

之後部巴士就離開安檢範圍，入返隧道。出入人工島前後用咗約30分鐘。提返大家，返香港係無安檢。

另外大家可能奇怪，點解港珠澳大橋要咁樣交安檢，坐船去澳門就無。係一啲蛛絲馬跡上我發現，大橋本身可能有啲「慶祝活動」會舉行，所以當局特別緊張。

最後呼籲大家，除非你好似我咁好想踏足下香港人有份俾錢起嘅東人工島，而又唔介意遇上麻煩，否則呢個星期都係唔好用港珠澳大橋去澳門、珠海。

請問被大陸沒收了回鄉證嘅議員，例如長毛、李柱銘係咪唔能夠過港珠澳大橋去澳門？

相信就算冇回鄉證搭船去澳門，澳門都會拒絕佢地入境，冇分別的

TR3797 發表於 2019-12-15 11:55
請問被大陸沒收了回鄉證嘅議員，例如長毛、李柱銘係咪唔能夠過港珠澳大橋去澳門？ ...

大陸還大陸
澳門還澳門
理論上佢哋係可以入到澳門入唔到大陸
或者調轉
澳門要求只係香港身份證
所以技術上佢哋絕對有可能經港珠澳橋入澳門
不過實際上，大家都明有關機率……

入境處證實接獲港人經港珠澳大橋往澳門疑失聯求助個案
https://news.rthk.hk/rthk/ch/component/k2/1497735-20191215.htm


原來已經有人在東人工島上失蹤！

jasoncheng1096 發表於 2019-12-15 12:10
大陸還大陸
澳門還澳門
理論上佢哋係可以入到澳門入唔到大陸

澳門方面有消息說要準備回鄉證
https://www.facebook.com/story.php?story_fbid=10157706240979520&id=337799269519

jasoncheng1096 發表於 2019-12-15 12:10
大陸還大陸
澳門還澳門
理論上佢哋係可以入到澳門入唔到大陸

https://news.mingpao.com/pns/%e8%a6%81%e8%81%9e/article/20191216/s00001/1576434243618/%e5%a4%a7%e6%a9%8b%e5%8e%bb%e6%be%b3%e9%96%80-%e9%a0%88%e6%9f%a5%e5%9b%9e%e9%84%89%e8%ad%89%e6%8b%8d%e7%85%a7-%e5%85%ac%e5%ae%89%e6%9d%b1%e4%ba%ba%e5%b7%a5%e5%b3%b6%e5%ae%89%e6%aa%a2-%e6%b3%9b%e6%b0%91%e8%b3%aa%e7%96%91%e3%80%8c%e5%83%ad%e5%bb%ba%e9%82%8a%e5%a2%83%e3%80%8d%e9%81%95%e4%b8%89%e5%9c%b0%e4%b8%89%e6%aa%a2

有報導經歷說需要

qunow 發表於 2019-12-15 17:54
澳門方面有消息說要準備回鄉證
https://www.facebook.com/story.php?story_fbid=10157706240979520&id=33 ...

根據板友實測，不一定要使用回鄉證，他亦目睹多名外國人亦順利過關。但他亦提醒「希望參觀人工島的勇士」要考慮是否希望提供非內地簽發證件予內地公安。

其實我畀香港身份證畀內地公安，佢哋又係咪真係讀到我入面嘅資料呢？
讀到，就絕對係好大件事，因為正常入境處係唔可能將七百幾萬人嘅香港身份證資料交畀其他國家或地區嘅人員的；
讀唔到，咁即係我佢哋只係做吓樣，又或者真係SCAN咗張身份證，即係我哋嘅個人資料自動畀咗人哋啦！