建議在 市鎮公園北兒童遊樂場 興建 元朗市首座酒店

背景：元朗市擁有新界鄉鎮風情，新界西幾個旅遊景點，如南生圍、大棠、流浮山、濕地公園及米埔都在元朗區內。惟現時元朗市內並無任何酒店設施，最鄰近的酒店在天水圍。


建議：在使用率一般的「市鎮公園北兒童遊樂場」(及寵物公園)興建一座約20-30層高的四星級酒店。向南住客可享元朗公園蒼翠園景；向西、向北住客可享元朗平原開揚景致；向東住客可享元朗市繁華景致。
酒店設停車場及平台，接駁公園北路。酒店同時向住客及本地居民提供商業設施(約1-2層商場)。住客尊享設施方面，建議設1間自助餐廳、1間中菜廳、1間日本菜廳、1間酒吧、戶外游泳池、健身中心、室內兒童遊樂場等。


交通：酒店可開辦住客穿梭巴士服務，建議目的地包括元朗站(形點)、荃灣站、尖沙咀、香港國際機場等。


補償：配合工程，建議在元朗公園北面重置兒童遊樂場及寵物公園設施。


好處：
1. 香港酒店數目更多、更多元化。
2. 更多遊客到訪元朗市，刺激本土經濟。
3. 增添元朗市內的商業設施。

高瞻遠矚嘅李超人一年前已經計劃拆嘉湖海逸改建劏房, 可見缺乏商業活動的元朗區實在容不下星級酒店.

屯門區工廈改建寫字樓, 加上屯門-赤鱲角連接路開通在即, 洪水橋新發展區提供商業地皮, 而港深西部公路加上研究當中的屯門西繞道, 將香港機場與深圳前海商業地帶直接連繫, 屯門及洪水橋起酒店先有啲商務生意, 做旅客生意嘅就一定唔係只玩香港, 深港澳甚至係大灣區一條龍.

要做本地客, 天水圍賣點只得濕地公園, fail, 元朗市賣點更少, 整時鐘酒店仲啱feel啲, 要親近大自然, 錦田北起特色酒店就差唔多, 但都不會是幾十層的樓宇, 田園式或鄉郊式會更貼地.

EX-TL 發表於 2019-12-23 00:21
高瞻遠矚嘅李超人一年前已經計劃拆嘉湖海逸改建劏房, 可見缺乏商業活動的元朗區實在容不下星級酒店.

屯門 ...

近年好多新落成酒店嘅位置都意想不到，例如悅品系列、帝逸酒店等。而講往返深圳灣大橋，我建議嘅酒店距離同屯門站酒店相若。元朗市往返福田/皇崗口岸甚至更便捷添。

我揀嘅地皮位置好靚，唔拎嚟起酒店都遲早俾人拎去起樓。

好地地一塊綠化地
搞乜鬼酒店

就算係，都拎嚟起首置好過

tzuyu.taiwan 發表於 2019-12-23 09:36
近年好多新落成酒店嘅位置都意想不到，例如悅品系列、帝逸酒店等。而講往返深圳灣大橋，我建議嘅酒店距離 ...

香港工業區轉型, 工商貿區設酒店有商務用途, 公司冇apartment俾客人過夜, 自然要租酒店, 日間商務聚餐會議等, 酒店提供比辦公室高級的會議廳, 設備齊全便於使用, 午飯時間個別同事傾生意, 到酒店coffee shop環境優美又清靜, 氣派高過一般平民咖啡店, 給予客人好印象好重要.

唔好怪我鼓吹包裝, 有時真係唔到你揀, 所以有酒店開喺二三線地區的商貿區, 即荃灣 葵涌 觀塘 九龍灣 屯門 沙田係有其必要性, 而呢種酒店比起傳統旅遊區嘅酒店服務, 後者以服務外地旅客為主, 而前者在商務用途以外, 多以服務本區市民為重任, 搞自助餐, 或者方便屋企裝修需要地方暫住等.

元朗市要開酒店, 適合地點似乎係東頭工業區南部, 呢度尚有小量更改為商貿用途的舊廈, 但為數真的很少, 因東頭業主大多數會將舊廈改為興建住宅, 而且位置吊腳, 只有東頭住宅順路, 元朗安樂路對面又品流複雜.

公園北大樹婆娑, 本身係一塊O地, 改劃為商業地起三四十層酒店與周邊的休憩 鄉村 G/IC格格不入, 移植多棵老樹需要較高技術和成本, 此處沒有大型市集, 旅客必遊景點或工商業大樓, 附近住宅也不算多, 本區居民很少會到訪, 經營會很吃力.

EX-TL 發表於 2019-12-24 19:38
香港工業區轉型, 工商貿區設酒店有商務用途, 公司冇apartment俾客人過夜, 自然要租酒店, 日間商務聚餐會 ...

呢個係你個人定業界嘅分析？

以近年有新酒店嘅小瀝源、和宜合道同屯門工業區為例，小瀝源本身得都會廣場一棟商廈，所謂商務客都係靠對面河嘅石門；和宜合道工業區唔覺有咩商廈，葵涌嘅商廈集中喺青山公路沿線，同和宜合道各被舊式工廠包圍嘅新酒店頗有一段距離；屯門工業區商廈更少－以我所知目前得兩座，而且都好舊，根本難以想像會有咩「國際商務客」。我諗，有商廈唔等同有商務客吧？

就咁睇，除咗小瀝源工業區嘅帝逸酒店會有一(小？)批嚟自石門嘅商務客外，實在睇唔出葵涌同屯門嘅幾間新酒店會有幾多商務客。

而元朗市目前冇任何酒店。除咗你講嘅東頭工業區(雖然我都唔覺得會有幾多「國際商務客」)外，我認為最理想嘅酒店選址係YOHO Town內。新鴻基當年確實申請過喺Midtown起間酒店，不過計劃已夭折，而今日嘅新鴻基一切「賣樓至上」，更唔會再有起酒店嘅計劃。元朗市核心範圍一地難求，雖然位置方便，但市容老舊、品流複雜，我完全唔認為係星級酒店嘅合適選址。反觀元朗公園一帶，算係元朗市內冇咁「黑」、「黃」、「老」嘅區域，亦有諸多休憩設施，加上樓宇密度較低，環境比較理想。

呢度要講明，我建議間酒店係20-30層而非30-40層高，高度同朗庭園相若，唔會同周邊環境格格不入。
雖然佢唔近西鐵站，但座落喺元朗大馬路西端，假設大坑渠係元朗市中心點，其實由嗰度信步往返酒店嘅步程唔遠，唔信閣下可以搵日試行一次。如果旅客唔想行，亦可以去毗鄰酒店嘅水邊圍輕鐵站，搭輕鐵便捷往返元朗市其他地方同YOHO Town。(個人認為元朗大馬路一段輕鐵好似外國嘅Streetcar咁，好方便 )另外，我亦建議酒店提供往返荃灣、尖沙咀、機場等地嘅穿巴，彌補酒店唔近西鐵站嘅不足。

作為元朗市第一間酒店，要吸納閣下提及嘅本地「自助餐客」、「裝修客」絕無難度。我更建議酒店有1-2層商場，更加吸引本地客到訪。

JX9097 發表於 2019-12-24 14:57
好地地一塊綠化地
搞乜鬼酒店

目前市鎮公園北兒童遊樂場(連寵物公園)使用率一般。更重要係，元朗公園一帶綠化空間敞大，拎一塊嚟起酒店唔算過份吧？我亦建議喺返元朗公園北面重置遊樂場、寵物公園設施做補償。

我亦諗過城市通風問題，發現即使拎咗市鎮公園北兒童遊樂場塊地嚟起樓，隔離嘅油站同極限運動場仍然做到大馬路同元朗公園之間嘅通風廊，所以水邊圍同欖口圍之間嘅南北通風廊唔會受影響。

至於話起樓問題，我主要覺得元朗市當下一間酒店都冇，所以建議揀呢塊四面環境、景觀優良嘅地仔嚟起。而酒店亦可以提供元朗公園一帶匱乏嘅商業設施(包括商場)，對附近居民有好處。反而起樓犧牲附近居民嘅休憩空間之餘，更俾唔到好處佢哋，可以預見計劃會受強烈反對，難以推行。

喺度亦回答埋EX-TL關於酒店塊地嘅問題。首先香港嘅老樹移植推行多年、技術已經成熟，而且毗鄰有敞大嘅元朗公園作為移植地點，相信冇咩問題。其次，元朗公園外圈有御豪山莊、御景園等優閒式中、低密度住宅，喺隔離起間以休閒旅居作招徠嘅酒店，唔會格格不入。最後，元朗市係新界最熱鬧嘅墟市之一，有車水馬龍嘅街道、馳名四方嘅美食，而附近亦有濕地公園、大棠、米埔等生態旅遊景點，唔明點解講到元朗市一無是處。

旅客來港目的大多數睇香港繁華一面, 日本人會行山, 內地人係爆買兼且唔會睇郊野景點, 去郊外都係破壞居多.

你數到元朗有咁多好嘢, 又入過元朗, 仲叫我搵日入去行一次條馬路, 但你有冇見到好多貌似旅客嘅人喺元朗市出現呢, 唔計即日落嚟爆買嗰班大媽, 十年前, 五年前, 三年前, 一年前, 半年前我都唔覺有喎, 可能我少去元朗.

酒店客戶目標係咩客人? 個人旅遊, 商務, 團, 本地人/家庭..., 元朗道路網夠方便, 做大陸團最好, 但大陸人來港都唔會去元朗, 市區三線地區, 或者係你所講啲意想不到嘅位置做呢種生意就啱.

要推廣元朗旅遊, 單憑一間酒店或者辦一個團, 唔容易維持, 你間酒店仲要20-30層, 當一梯10伙有250間房(中位數).

元朗最值得遊覽嘅地方, 並唔係你所講嘅咩濕地 大棠爛鬼紅色樹葉 紅樹林, 根本係香港人先覺得稀奇, 大花紫薇轉季就有紫色花 一串串圓形果實 紅色葉輪流出現, 通街都見到, 黃花風鈴木花期鮮艷奪目, 近年經常成為打卡活動, 比起你要睇天做人仲要撞彩先睇到嘅大棠紅葉容易接觸好多, 濕地 紅樹林內地沿海城市只要有河涌出海唔難見, 睇鱷魚好白痴, 觀鳥好專門, 彈塗魚佢哋當食材, 唔係人人啱.

元朗最值得遊覽就係認識香港本土歷史, 屬於深度行, 香港人自己都冇興趣, 旅客成團就更加難, 偏偏最多最廣嘅歷史資源就喺晒元朗, 作為一個諗住喺元朗開酒店嘅人提都唔提, 噏完一輪廢話就話人講到元朗市一無是處.

仲有, 我唔明你強調「國際商務客」用意, 你不如去酒店流連下, 觀摩下咩為之傾生意先再講.

JX9097 發表於 2019-12-24 14:57
好地地一塊綠化地
搞乜鬼酒店

就算係，都拎嚟起首置好過

擠牙膏供應係潛規則
有心整根本唔需要削郊野
公園或填海,棕地亦涉重置,
政府除賣地係主要收入外仲有
HKMC本身又擔保緊安老按揭
點會俾個市下滑(多咗人可置業,
整體嘅租客少咗亦有同樣效果)

近日24、25、26號
有本地三星級酒店連稅
僅百幾蚊一晚房租,劏房都唔止,
甚至有市區嘅整幢酒店易手

旅遊係無煙工業每個城市都想
擴大嚟做,問題係傾斜都咩嘢地步。

回樓主正題,香港唔係大,
要去就近地道景點唔算用
好多時間,但最多做到大澳
文物酒店或銀礦灣酒店嘅規模,
上面已提嘉湖海逸根本無著數。

元朗其實早在60年代已經開咗間叫做新港酒店，至今仍然營業。