有邊d巴士站應該要改站名？

樂仔〞 發表於 2019-12-28 23:38
九龍站同香港站應該都係比機場快綫搞到個名奇奇怪怪

講要改名，屯門個「中電」無理由唔上榜

同埋警察宿舍都係。九巴叫「小欖澄麗路」，龍運叫叫「小欖 澄麗路」，城巴叫「懲教署已婚職員宿舍」。
我覺得應該統一叫「小欖燒烤樂園」。
呢個係唯一街外人落車會去嘅地方。

EX-TL 發表於 2019-12-29 00:03
叫尚德街市都可以, 不過傳聞就話巴士公司唔鍾意領展成日改名, 所以當領展場改名影響埋站名, 巴士公司會用 ...

當厚德街市都改埋做TKO街市既時候，尚德街市呢個名可唔可以逃過一劫都仲係好難講

s20131417 發表於 2019-12-28 17:16
其實仲有—
* 車公廟（大圍站方向）：李屋新村（同車公廟距離甚遠）
* 車公廟（秦石／乙明方向）：溱岸8 ...

提出田家炳學校 >>>> 博康邨博文樓，原因有三

1.如果有屋邨/苑同學校名選擇，盡量以屋邨/苑名優先，畢竟多數情況下，一個屋邨/苑既知名度，點都高過一間街坊學校(尤其小學)。張煌偉小學都改名新翠邨新明樓啦。

2.以「田家炳」命名既學校全港有幾間，但博康邨博文樓全港只此一家。
3.博康邨此名，已有總站使用，所以需後綴樓名。當然，現博康總站如改名沙田圍站，咁現田家炳學校可改名博康邨。

吳宗錡 發表於 2019-12-29 00:20
同埋警察宿舍都係。九巴叫「小欖澄麗路」，龍運叫叫「小欖 澄麗路」，城巴叫「懲教署已婚職員宿舍」。
我 ...

小欖燒烤樂園剩返 3 日命，係時候要再諗其他名

FY5856 發表於 2019-12-28 17:51
呢堆過有部分已經唔係矯枉過正咁簡單，而係走火入魔左。

牛頭角總站係因為牛頭角邨而得名，咁條邨又係到 ...

簡述提出有需要改名原因

沙田圍總站  >>>> 河伴花園
牛頭角總站  >>>> 安基苑
因為有同名鐵路站，提起呢個地方名，一般人都會唸起係鐵路站一帶，但以上巴士總站，與該同名鐵路站相距甚遠(我認我保鐵，雖然講起黨鐵我都想講粗口，不過鐵路為主既交通模式係不可改變事實)

當然同樣情況，仲應該有長沙灣總站 >>>> 荔枝角站，不過個鐵路站叫荔枝角，本身有極大爭議，我不作評論。

安基苑 >>>> 振華苑
因上面提出牛頭角總站 >>>> 安基苑，咁現安基苑就要再改名，以免重覆，從地圖上看，最接近是振華苑。

柯士甸道(彌敦道北行)  >>>> 佐敦站  或 新樂酒店
柯士甸道本身甚長，位於柯士甸道既巴士站，即係邊一「忽」？所以縮窄範圍，以較清晰表示地點，嫌新樂酒店知名度不高，味叫佐敦站囉，至少肯定比柯士甸道清晰。

西貢總站 >>>> 西貢市中心
「西貢」此名範圍太大，理論上甚至包括將軍澳 ，以此作為一個巴士站名，是否適合？或者叫西貢碼頭，都好過就咁西貢。同樣邏輯，如果沙田市中心、元朗站、觀塘市中心/觀塘站個巴士站，命名「沙田」、「元朗」、「觀塘」，又是否合理？

c hing提出維園問題，其實我都有唸過，最簡單，就係
維多利亞公園 >>>> 高士威道維園

講起公屋名，最亂我唸係大埔兩條邨，太和同廣福個總站，根本上同一地方同一站，都可以因為總站分站、唔同方向，而出現3個名：太和總站、太和站、太和廣場，廣福總站、廣福街市、廣福邨商場，又係咪應該執下佢？

太和總站、太和站、太和廣場 >>> 太和邨 或 太和站

廣福總站、廣福街市、廣福邨商場 >>> 廣福邨

而現時以太和邨、廣福邨命名既分站，就改太和邨亨和樓、廣福邨大埔公路 或 廣福邨天橋。

另外，美孚又會因應總站分站，而分成美孚總站、美孚站(鐵路站)，應該統一叫美孚或美孚站。

吳宗錡 發表於 2019-12-28 23:09
其實個西九龍係指西九龍填海區好無？
不過九龍站無配合西九龍站啟用而改名又真係奇怪
...

(暴大)大學站冇配合香港大學站啟用而改名，又夠晒奇怪啦！


講起西九龍站，而家又西九龍站總站，又西九龍站(近柯士甸站D出口)，又係極奇怪，而且去西九高鐵站的話，後者較近，但後者更近柯士甸站。


改名方案有兩個可考慮
西九龍站總站  >>>> 西九龍站
西九龍站(近柯士甸站D出口)  >>>> 西九龍站(柯士甸站)，報站時同時提示「前往西九龍高鐵站，請於此站下車」

西九龍站總站  >>>>  渡船角，但可能模糊了W線去西九高鐵站既定位)
西九龍站(近柯士甸站D出口)  >>>> 西九龍站，報站時同時提示「前往柯士甸站，請於此站下車」

mckhgc 發表於 2019-12-29 01:29
簡述提出有需要改名原因

沙田圍總站  >>>> 河伴花園

牛頭角站係以牛頭角道命名,荔枝角站同理
個巴總喺普遍理解嘅牛頭角範圍入面

吳宗錡 發表於 2019-12-28 21:03
但係商德商場下一站係尚智樓喎！
無理由兩個連續車站，一個淨係叫邨名，一個叫埋樓宇名嘛！
但係又無一棟 ...

2 / 2A / 117: 麗閣邨，下個站麗閣邨麗蘿樓
咁原本尚德廣場個站又近條邨中間位既

新威園應改做太古坊, 日日搭606, 十次起碼六七次東隧口同健康村就有人上車問太古坊有冇站, 啲師傅答到熟晒「新威園落車」 , 但有時好好笑, 個客上車係問太古城有冇站, 師傅潛意識當個客係問太古坊, 把口收唔切叫人新威園落車, 噏完先話太古城中心有站.

上面有板友提到阿仔唔應該幫阿媽賣廣告, 形點都要變元朗站, 情願幫對手賣廣告, 我唔知佢咩邏輯, 但太子道東旺角方向譽•港灣巴士站, 可以改用工業貿易大樓就更好, 反正唔會一條路線連續停晒太子道東同協調道兩個站.

觀塘遊樂場重建前, 泳池起喺佳廉道 翠屏道一邊, 所以以前鯉魚門道個站稱為觀塘遊樂場, 如今遊樂場已經移入佳廉道一邊, 鯉魚門道的巴士站得改名為觀塘游泳池, 故希望重用觀塘遊樂場這名字, 用以取代觀塘警署.

同樣在觀塘區, 成業街休憩花園已關閉及拆卸多時, 九巴仍未就此為巴士站重新命名, 建議暫時取名茶果嶺道中電, 待站旁有建築物落成才考慮是否需要再改名.

宏照道上的常悅道應改為零碳天地, 常悅道上的常悅道應改名為企業廣場.

上秀茂坪總站保留, 曉光街上的巴士站更名為秀茂坪南邨.

清水灣道上的安達臣道應改為安秀道.

龍翔道西行75X 80 89巴士站應脫離沙田坳道, 改稱黃大仙站.

界限街12A 42嗰個荔枝角道巴士站夠晒吊詭, 啱啱先行完荔枝角道, 轉左入界限街個站仲係荔枝角道, 但是應改甚麼名呢, 用公廁或垃圾站做站名唔係咁好, 咁用下一個街口大南街, 總好過荔枝角道.

東京街李鄭屋方向麗閣邨應改名麗翠苑.

渣華道上的琴行街應改為北角匯, 下一站電照街應改為海璇.

太和總站應與分站同名叫太和站, 以免與大埔太和路的太和邨撞名, 亦應避免大窩與太和的英文名Tai Wo於同區不同路線出現.

洪天路洪福邨改名洪水橋洪天路, 個人認為洪水橋各總站名都由洪水橋開頭, 應予以保留, 要分辨兩個洪福邨總站, 叫洪水橋洪天路較合理, 不然, 其實叫番洪天路個站做洪水橋洪福邨都冇問題, 減少累贅感.

天葵路的美湖居可改名為龍園, 因站旁就是龍園, 而天華路美湖居265M巴士站更接近美湖居, 後者可刪去天華路, 直接稱為美湖居.

有樣嘢好唔明 點解厹咁鍾意喺站名加道路前綴

葵興路葵興邨
小西灣道富怡道
天華路美湖居告士打道維園

點解唔加喺站名後面 再加括弧