有邊d巴士站應該要改站名？

Tummy 發表於 2019-12-29 02:21
有樣嘢好唔明 點解厹咁鍾意喺站名加道路前綴

葵興路葵興邨

美湖居方面，
鐵巴都有「天葵路美湖居」站，
反而九公就叫「美湖居」就算⋯

mckhgc 發表於 2019-12-29 01:29
簡述提出有需要改名原因

沙田圍總站  >>>> 河伴花園

無啦啦點解要因為黨鐵改站名既問題要遷就黨鐵？

沙田圍係沙田圍，沙田圍站係沙田圍站
牛頭角係牛頭角，牛頭角站係牛頭角站
根本冇抵觸打後既推論全部都係廢話

你提出既西貢市中心甚至其他站好多都只係為改而改、畫蛇添足、多此一舉
西貢有幾多巴士總站、元朗觀塘沙田有幾多巴士總站呀又？
廣福街市同廣福總站 (K18) 係對面喎，咁可以拉埋一齊？咁邏輯上安基苑商場出面既安基苑都唔駛特登轉左遠啲既振華苑啦吓化

EX-TL 發表於 2019-12-29 02:16
新威園應改做太古坊, 日日搭606, 十次起碼六七次東隧口同健康村就有人上車問太古坊有冇站, 啲師傅答到熟晒 ...

24咪會停哂譽港灣同工業貿易大樓囉

Tummy 發表於 2019-12-29 02:21
有樣嘢好唔明 點解厹咁鍾意喺站名加道路前綴

葵興路葵興邨

其實舊版乳豬紙會寫街道（所以嗰陣站名冠街道名係多餘），
唔明白點解新版無寫。
另外，新版都有寫地區啦！
唔明白點解重唔將站名上面嘅冠地區刪除。

s20131417 發表於 2019-12-29 07:36
美湖居方面，
鐵巴都有「天葵路美湖居」站，
反而九公就叫「美湖居」就算⋯

但係我覺得呢種分幾期而每期都有獨立命名嘅私人屋苑，
都係叫「發展項目名稱+該期名稱」最好。
即係跟城巴叫「嘉湖山莊美湖居」。

吳宗錡 發表於 2019-12-28 21:10
連九巴都避開「大角嘴」。
奧運站同埋維港灣嘅並無分別冠「大角嘴」同埋「大角嘴西」，
而循環線都叫「旺 ...

10號循環線出大角咀

tofu 發表於 2019-12-28 23:02
黨鐵車站啲東南西北prefix/suffix 個準則不嬲唔係常人所明白...
不過佢個西九龍所指既九龍應該係九廣鐵路 ...

其實77K係唔係應該要改返叫元朗東總站

樂仔〞 發表於 2019-12-29 01:26
小欖燒烤樂園剩返 3 日命，係時候要再諗其他名

噉我prefer跟城巴，
因為政府宿舍嘅辨識度都叫比嗰條街高

mckhgc 發表於 2019-12-29 01:51
(暴大)大學站冇配合香港大學站啟用而改名，又夠晒奇怪啦！

西九龍站巴士總站離西九龍站都有一段距離，並無出口直達，所以可以叫「渡船角」。
其實無論巴士公司定係乘客眼中，W線都只不過係一條普通巴士線，所以我覺得唔需要凸顯效果。
而匯民道嘅西九龍站上落客區就可以改名做「柯士甸站」，報站機報「乘搭廣深港高速鐵路嘅乘客，請喺呢個站落車，步行前往匯民道對面嘅西九龍站」。（其實齋報站機報唔夠，乳豬紙同埋網站資料都要寫明先得）
反而係「佐敦道」應該改名做「西九龍站」。

FY5856 發表於 2019-12-29 12:41
無啦啦點解要因為黨鐵改站名既問題要遷就黨鐵？

沙田圍係沙田圍，沙田圍站係沙田圍站

西貢市中心有兩個專利巴士總站－－西貢巴士總站同埋西貢警署－－喎！
容我再發表自己建議一次，
我覺得喺乳豬紙上面，西貢巴士總站應該寫「西貢碼頭」，畀乘客知道總站實際位置。
電牌方面，從九龍或者將軍澳出發嘅淨係寫「西貢」就得，
而從西貢半島或者西貢北出發嘅輪流顯示「西貢市中心」同埋「西貢碼頭」。
至於西貢警署嗰個，就直情應該就噉叫「西貢警署巴士總站」，唔寫「西貢北」，因為「西貢北」根本就係誤導。