九巴 or 新城

如題，九巴同新城各方面相比之下，各有咩優缺點呢？歡迎大家從多方面討論。

個人認為新城同九巴最大差別係細緻度。新城願意投放好多資源落去系統研發、好細微既野度，睇個報站系統已經知。唔知大家有冇留意 A17 同 A23 既豬紙？豬紙上面既巴士公仔係細緻到有路線牌寫住路線+目的地；相反九巴新既豬紙設計就引起咁大迴響

會唔會因為投放太多資源，新城今年先蝕咁多錢？????????

真係好仔細，究竟有幾多乘客會見到?

城巴好就好在個ETA好準，等疏車線有心裡準備，亦都可以自行決定等唔等，所以新城減班我覺得無乜所謂；相反九巴個ETA中途站連參考價值都冇，因為個ETA唔準，你無從得知架車走咗定係未到，結果要焗等
好似九龍灣等38去葵芳咁，觀塘道塞到停晒九巴個ETA都照倒數，只能從Google map猜測究竟架車係咪塞住咗；相反如果係城新嗰隻eta有晒距離報告，就知道架車係咪真係來緊，例如有一次喺彌敦道等971去西環，睇eta見到3架971都喺旺角道黐埋一齊，由此可以推測嗰一帶塞緊車，而從到站距離我可以得知架車係咪郁緊，嗰次雖然三班塞埋一齊，但係見到頭兩架都以正常速度郁緊，咁我就知道呢班971等得過，而唔會好似等九巴咁倒數20分鐘然後冇車（以前乃38、213x、203c、113、904常客，中伏無數）