天水圍北巴士服務改善建議

265B迂迴走線一直為人詬病，其中包括兜入天榮路而大幅增加全程行車時間。粗略估計，早繁時段由天恆總站至上公路所需行車時間要20-30分鐘不等。

p.s. 11月壞燈嗰陣我得出嘅數據係19、21同22分鐘。

其理由係要265B去幫廢線69X「執手尾」，過往嘅天瑞區議員為咗保住廢線69X以天瑞為總站，將天水圍西南部分客源，尤其係將天頌苑、天華村、柏慧豪園及翠湖居呢四部分客都推卸比265B，使天北地區無論係區議員同街坊都表達咗長時間嘅不滿。

當然，呢兩條線未來一定要做重組。特別係將上述天南四部分（天頌苑、天華村、柏慧豪園及翠湖居）推返比廢線69X負責。順便製造機會加密班次，幫69X減廢。當然重組嘅同時都決定埋265B要唔要全日負責埋濕地公園路。

但短期有啲咩方法可以做？
就係喺兩繁時間做分拆。
因為就265B嗰班次時間，絕對係有條件做分拆。

早繁方面：
根據官方嘅班次時間：265B市區方向最密係可以做到5-6分鐘一班（0700-0804）。換句話說，如果係早繁分拆咗之後，都係10-12分鐘一班。都係同元朗共和國嘅68X（10分鐘）為同一水平，而且密過條廢線69X唔少。

分拆方法係將北邊跟265M咁出長荔深，南邊由天頌苑做頭站，然後依照原線負責翠湖居，嘉北同天慈。另外要留意返南邊走線係唔會停天晴，實現「南北分家」之餘，亦要預留空間比嘉北同天慈上車。

北邊另外開嗰名，叫65X/65B都得。
早繁單向開往佐敦西九龍站。
收費：$15.1
班次：0700-0804@10-12

天恆總站開
（跟265M走線）
*不經湯國華中學
大欖隧道轉車站
葵涌交匯處
美孚站
（跟廢線69X走線）
佐敦西九龍站

南邊維持叫265B。
頭站為天頌苑，市區方向以旺角（柏景灣）為總站。
收費：$15.1
班次：0700-0804@10-12

天頌苑
翠湖居
天葵路美湖居
景湖居
天慈村
（跟265B原線）
旺角（柏景灣）

另外早繁新界方向維持原線：旺角（柏景灣）去天恆。

晚繁方面：
根據官方嘅班次時間：265B最密時段係可以做到7-10分鐘一班。平均數為8.5分鐘一班，即每小時約7班。

晚繁嗰「分拆」方式同早繁會唔同，先將原先喺1550-1919呢段時間路面嘅265B班次減至12分鐘一班，並依照原線返回天恆總站（即每小時7班減至5班），合計會減去7班車；然後將剩返嘅班次改做天華路特快，去到大欖之後跟265M直接去天華路，可以幫到265M去清轉車站嘅客。

北邊嗰名同早繁要一致。（即65X/65B之間要統一）
收費：$15.1
班次：1700、1715、1730、1745、1800、1815、1830
（共7班）

由佐敦西九龍站開
（跟廢線69X走線）
美孚站
葵涌交匯處
大欖隧道
（跟265M走線）
天華路美湖居
天恆總站

65X/65B喺大欖轉車站嗰排隊位跟265M一致就得。

另外條265B跟返原線走線就得。

好處：
早繁時段大幅減少天北人嘅車程出市區。（265M走線：天恆至公里所需時間為9-12分鐘）
晚繁可以「加密265M」幫手清大欖轉車站嘅客。
以及天北可以直達彌敦道。
而天南可以有位坐出市區，下游乘客（景湖及天慈）更容易上到車。

潛在「壞處」
天南人會覺得少咗車搭返去。

反駁觀點：
部分天北人，天頌人，嘉北人會專登等65X/65B返去，因為以車程時間（天北節省10分鐘以上車程；天頌同嘉北可以節省到幾分鐘）對比返班次時間（只相差3分鐘）都係有賺。

歡迎各種意見。

呢個建議幾好。天北線(我建議叫265X)定線甚至可以更進取，跟K76富恩後即上公路。不過遲啲天影路會拆，所以跟265M都冇問題嘅。

講返成個天水圍往返西九嘅巴士，如果天瑞反對69X拉上天中，咁呢個算係最好嘅折衷方案。

唯一美中不足係始終服務唔到濕地公園嗰邊。

tzuyu.taiwan 發表於 2020-1-5 22:57
呢個建議幾好。天北線(我建議叫265X)定線甚至可以更進取，跟K76富恩後即上公路。不過遲啲天影路會拆，所以 ...

對我自己嚟講，有四種方法都接受到，可以滿足自己嘅訴求。其中有一半方法都滿足到閣下嘅。

第一種睇法：
1.直接開條天北旺角特快，做旺油佐/+尖，負責埋濕地公園，透過轉乘解決濕地公園來往長荔深嘅需求。
（因為只要再爭取到69C全日之後，轉乘都足夠方便佢地來往長荔深，而且月票解決到車錢問題，到時比佢地叫兩飛去大欖轉車都就夠。）
2. 天北265B同廢線69X咩都唔使做。
因為我當初用意只係打算要旺角特快，冇諗到咁多。


第二種睇法：
1.直接開條天北旺角特快，做旺油佐/+尖，負責埋濕地公園，透過轉乘解決濕地公園來往長荔深嘅需求。
2.天北265B繼續由天恆開，但直接行天華路，無視翠湖、柏慧同天華村，要佢地逼使廢線69X讓步，服務埋佢地，順便幫天耀班客實現廢線69X加密，非繁班次預料可以由20分鐘加密至15分鐘去「減廢」。


第三種睇法：
1. 直接開條天北旺角特快，做旺油佐/+尖，但由天恆開跟265M走線出市區，唔負責濕地公園，咁樣定線幫到265M喺大欖清客返天水圍。
2. 天恆放走265B，改以天恩/天富做總站，跟276B走線。透過要經過濕地公園呢一點格硬扯甩頌華、翠湖居、柏慧呢堆天南客，令天北無須飽受兜入天榮路之苦，亦逼使嗰4個屋苑去搵廢線69X找數/做天北265B嘅頭站客。
當然最好梗係搵廢線69X找數，否則天北會變咗冇位坐，咁會更加趕客落地底。


第四種睇法
1. 直接開條天北旺角特快，做旺油佐/+尖，負責埋濕地公園。
2. 天恆放走265B，改以天恩/天富做總站，跟276B走線。透過要經過濕地公園呢一點格硬扯甩頌華、翠湖居、柏慧呢堆天南客，令天北無須飽受兜入天榮路之苦，亦逼使嗰4個屋苑去搵廢線69X找數/做天北265B嘅頭站客。
當然最好梗係搵廢線69X找數，否則天北會變咗冇位坐，咁會更加趕客落地底。
3. 比返一條有價值嘅路線以天恆做總站。其中要經元朗嗰幾條就肯定不了。最好就係屯天醫院路線/觀塘區路線/機場區路線裡面其中一樣。


重申多一次，我嘅訴求就係要呢四樣裡面做到其中一樣。否則就會繼續同長時間咁去爭取。

————

私心嚟講，265B跟265M全日咁行出市區對我嚟講一定係最好方案，但呢一點亦係最冇可能實現到嘅事，所以集中返喺兩繁時間就算，可以比街坊快捷咁返到工呢點係最重要。

至於日後亦可以將呢條特別線打造成旺角特快（即上述第三種睇法），呢個亦係我會建議嗰尾站係佐敦西九龍站，而唔係冷場嘅旺角柏景灣總站。可以話係打定嗰底先。

————

題外話，可以嘅話，我希望可以喺天福路加分站，當中淨係要求69X埋站就夠。咁樣可以將265B天慈客送晒比廢線69X，令265B可以直接由天城路直出圍城，仲可以減輕天福路嘅承受能力，話晒每日早繁最密可以有12班265B行過天福路，嗰負擔可想而知。

其實用天東天西去分最好

David_hk 發表於 2020-1-6 00:42
對我自己嚟講，有四種方法都接受到，可以滿足自己嘅訴求。其中有一半方法都滿足到閣下嘅。

第一種睇法： ...

方案3同4好似啦。天恆最有用嘅區內新線可能係天北<>元朗市特快。我主張呢個重組方向，覺得全日分拆而言，呢個方案最好(當然新265B上繁要加天恆起載)。

至於你今份建議，我認為以兩繁拆線嚟講係最好，完美將265B喺天水圍嘅走線一分為二。

tzuyu.taiwan 發表於 2020-1-6 23:05
方案3同4好似啦。天恆最有用嘅區內新線可能係天北元朗市特快。我主張呢個重組方向，覺得全日分拆而言，呢 ...

我唔認爲元天線係天恆總站首選，因為代替品比較多，所以競爭都比較大。如果元天線班次做得唔夠好（15-20一班），咁未必爭得過。
天恆總站有党73，隔離俊宏軒有綠小，而且去形點仲可以揀党76+党鐵。
————
btw 69X就算唔肯放走天瑞總站都得，可以要佢兜上去serve咗嗰4個屋苑先，之後先去serve天耀。

David_hk 發表於 2020-1-7 13:30
我唔認爲元天線係天恆總站首選，因為代替品比較多，所以競爭都比較大。如果元天線班次做得唔夠好（15-20 ...

作為天北人，你覺得有冇迫切有天北<>元朗市特快巴士服務？因為宜家由天北往返元朗大馬路好似好慢咁。

tzuyu.taiwan 發表於 2020-1-9 23:33
作為天北人，你覺得有冇迫切有天北元朗市特快巴士服務？因為宜家由天北往返元朗大馬路好似好慢咁。 ...

我自己排比逼切性嘅話。
屯門>觀塘>油尖旺=長荔深>=元朗
屯門線呼聲最高，69C要趕喺屯馬線二期之前成事。

元朗一日有輕鐵同K73喺度，大部分街坊就會繼續支持，都難說服佢地改搭巴士。
第一，輕鐵同K73嘅班次都穩定，唔使等好耐，除非元天線有車海。
第二係車費，西鐵/輕鐵+K巴嘅優惠有時都吸引到人去搭。例如啲街坊只係短時間內去買餸/買嘢，跟住即走。咁樣做可以「只需要比一程車錢就做到來回」。何況仲有其他手段去減少車費。

David_hk 發表於 2020-1-10 00:52
我自己排比逼切性嘅話。
屯門>觀塘>油尖旺=長荔深>=元朗
屯門線呼聲最高，69C要趕喺屯馬線二期之前成事。 ...

但你唔會覺得761P往返元朗好慢、迫，K73往返元朗好慢、唔過大坑渠唔方便嗎？

如果有巴士比761P、K73疏，但更快往返元朗大馬路，你會唔會轉搭？

我寧願分拆全新旺角特快
類似276A 走哂成條天瑞路同屏欣苑上公路

265B 縮天富
69X 改旺角 - 天水圍市中心
理順以上兩線天水圍區內定線，減車比新特快