[研討] 18系列重組方案

而家新巴已經將18系列搞到一堆屎咁（尤其東行），為咗開條18X走去閹條18，通地鐵之後重將18P搞到一塌胡途，而家重開18非繁之後個西行所謂聯合班次又搞到不知所謂，條18P又甩到七彩搞到卑路乍灣成半個鐘無車開，18X客量亦都毫無起色。
所以我建議成條線來個大重組，我嘅大原則係18同18P齊齊復活，而且兩端總站相同，非繁忙時間兩者各自20分鐘一班（聯合10分鐘一班），而18X就要東行上環入繞道，唔好再喺中環碼頭落地。

喺呢個原則之下其實重有唔少想像空間，我諗到起碼有以下大量方案，同現狀相比改動由少至多，唔知邊個比較好，希望可以引起討論：

東行西環段方案A：直接將18拉去卑路乍灣開，停電車廠、中山公園、港澳碼頭之後返回原有路線，18P不變。
變化1：18開車後嘉安街入電車路，正街出甚至行哂成條海味街，換走18P水街出。
變化2：18P拉入西環尾聯邦新樓／爹核士街，同18X聯合班次。

東行西環段方案B：將18P改入西環尾聯邦新樓／爹核士街然後西祥街上路返回原有路線，18總站開車後經西祥街入電車路，正街後出／行哂成條海味街到港澳碼頭返回原有路線。

東行中環段方案A：保留18／18P原有路線，18P行林士街天橋出演藝學院
變化1：將其中一條改入港灣道／灣仔碼頭

東行中環段方案B：保留18原有路線，將18P改行下路，停港澳碼頭、海港政府大樓、大會堂然後上橋去香港演藝學院。
變化1：18過新政總後還原以往路線入港灣道再去灣仔碼頭

東行中環段方案C：保留18原有路線，將18P改入中環灣仔繞道灣仔北出，停博覽道東及灣仔碼頭後去炮台山
變化1：將18P拉落地，中山紀念公園後停港澳碼頭再入繞道
變化2：18P唔行中環灣仔繞道，大致保留現有路線林士街天橋後行龍和道，但之後改行龍合街、港灣道去灣仔碼頭

西行灣仔段方案A：維持不變，大家一齊行港灣道
西行灣仔段方案B：將其一改行告士打道，停舊灣仔警署及分域街

西行中環段方案A：兩者維持不變，18行干諾道中到永和街
西行中環段方案B：還原2013年以前做法，18中環開始已經入電車路
西行中環段方案C：將18改行畢打街隧道，中環頭站租庇利街

西行西環段方案A：18P維持不變，18停皇后街、高樂花園後直衝北街
西行西環段方案B：18P維持不變，18停皇后街、高樂花園、山道然後跟18P返總站
西行西環段方案C：18P維持不變，18經西港城行哂成條電車路返總站

以上各段可以「自由配搭」，究竟點搭先最好呢？

先講西行，基本上大原則就係18+18P北角到中環都係一模一樣，咁就可以夾到聯合班次，是但一架都可以上，最方便北角到灣仔、中環班客。至於告士打道，建議就唔洗點理，除非2仔、25要執，但都係建議25、619做返，始終咁多年嚟港灣道先係主菜。

西行西環段就建議用B方案（18停皇后街、高樂花園、山道然後跟18P返總站），西行停出面都可以做返電車路啲客，吸引力唔差，尤其而家18P高樂花園都落唔少，唔使特登入返去。但唔建議直飛北街，比石塘咀叫兩飛。

東行就棘手好多，建議18P改入西環尾聯邦新樓，水街出，中山紀念公園、港澳碼頭入繞道，停博覽道東及灣仔碼頭後去炮台山；18開車後嘉安街入電車路，行哂成條海味街到港澳碼頭返回原有路線，唔入灣碼（保留中環20分鐘內直飛炮台山嘅優勢）

東行18P同18近乎完全分家，唯一交集係港澳碼頭，建議夾啱時間到港澳碼頭做轉乘。

18 東行主力做西營盤、中上環嘅客，而18P就同18X做聯合班次，西環到港澳碼頭係一樣，18P就去灣仔北、炮台山、北角；18X就去北角以東。但係價錢上嘅分別，令新巴未必咁做？

但咁改，5X取消嘅難度會大咗，東行中環碼頭搵唔到嘢補位，可能要搵到43M，呢個都係要考慮嘅一點

boco1211 發表於 2020-1-7 01:57
先講西行，基本上大原則就係18+18P北角到中環都係一模一樣，咁就可以夾到聯合班次，是但一架都可以上，最方 ...

你所指5X中環碼頭係指上車定落車？落車嘅話，只要重組到18／18P停到港澳碼頭咁就已經可以轉到車去中環碼頭，連43M都唔一定要用，上車嘅話有2同25已經可以覆蓋哂5X去到嘅地方。