【還看昔日】兩鐵合併因誰而起？

東涌線車費青衣到南昌差咁遠都一個價已經唔合理，我意見認為荔景以前要減一級先算合理車費

HV9990 發表於 2020-2-19 06:35
其實跨公司轉閘費簡單講又係政府唔做嘢咋喎
點解人哋外國咁多鐵路公司又冇呢個問題呢？

所以味話，唔係話分兩間(甚至更多)公司一定唔好，但你睇返香港嗰種1983-2007既24年兩鐵分治，真係唔明有咩好處(直頭係百害無一利)。分兩間野，但又近乎零競爭(乘客層面上)零協調，仲要某些資源要雙倍，跨公司車程獨立畀兩次錢。

競爭，兩者各有長短，但24年來，兩邊都從冇取人之長補己之短。有趣的是，一些本來某家獨家優點，竟然在「壟斷」了冇「競爭」了的合併後，至伸延到前對家(講過天文數字咁多次，唔重覆)。

協調，唯一做到既係兩鐵交匯站大堂出口打通，同後知後覺既南昌共管。兩者各自維政，日本既競爭同直通運轉冇，深圳新加坡既統一收費系統冇。兩鐵交匯站大堂要整兩個，對面月台、或者只上落一次就可以跨公司轉車冇可能。就算後知後覺至有既南昌共管模式，都要劃兩個收費區，屯門方向同香港方向，明明可以對面月台轉車，都要整塊牆隔開，要人去大堂遊花園，其實點解唔可以照打通月台，將嗰D轉車專用閘機放喺月台？

仲有超高薪高層又要養兩班.......

師兄講既$2搭車，冇錯合唔合併都會有，但如果唔合併，又有冇得$2屯門去海怡、$2東涌去上水？點都要$4啦，係咪？

當然我明白，要改善以上問題，唔一定要完全合併兩者，或一定要係地鐵食九鐵。冇錯，兩鐵合併方式、以至黨鐵票價架構，係有問題係有要改善之處，但兩鐵合併既大方向，係撥亂反正既好事，係不容置疑。


大家唸下，如果繼續1983-2007既兩鐵模式，沙中線會變成點？

首先沙中線會拖咁耐，本身就係兩鐵分治、要唸畀邊個做而攪出黎。

如果九鐵營運沙中線，何文田同金鐘，要另設九鐵大堂連月台，比現在的一體化車站，是方便了還是不便了？至少金鐘東鐵月台位置，一定會相對孤立，無可能在南荃港三線之間。
會展，合併了，長遠會東鐵將線一體化交匯，並設對面月台轉乘。如果維持兩鐵，即使用南昌兩鐵共管模式，又做唔做到對面月台轉乘？

如果地鐵營運沙中線，仲好玩。常理來說，應該不可能用現有東鐵過海同打通西馬鐵模式，好可能係地鐵整條新線來往大圍同金鐘。
鑽石山、何文田、金鐘、會展既轉車安排，由於都係同一公司，可能同而家合併後差唔多，甚至係一模一樣。
而九鐵營運既東鐵、馬鐵，在可見將來都會紅磡、大圍止步。紅磡、大圍要另設地鐵大堂同連月台，變三線交匯六月台(只計本地線)，浪費土地又增加轉車麻煩。
顯徑仲頂癮，搭鐵原區穿梭，除左去大圍，其他都唔該跨公司轉乘畀兩次錢。

唯一好處，我只唸到係東鐵唔使攪換車換門位既大龍鳳，東鐵可以早D裝閘門。之但係，以九鐵既style，會唔會裝？同埋亦意味著，本身有問題既東鐵列車門位，係永遠冇機會改善。

mckhgc 發表於 2020-2-20 14:27
所以味話，唔係話分兩間(甚至更多)公司一定唔好，但你睇返香港嗰種1983-2007既24年兩鐵分治，真係唔明有 ...

兩鐵合併但如果冇取消重新計算站數嘅車費定價
又得只加不減機制
其實真係唔合併好過合併
好過依家冇競爭
接連出事仲有獎金收
https://www.thestandnews.com/politics/%E6%B8%AF%E9%90%B512%E9%AB%98%E5%B1%A4%E5%8E%BB%E5%B9%B4%E7%8D%B2%E7%99%BC%E7%8D%8E%E9%87%912300%E8%90%AC-%E8%BC%832017%E5%B9%B4%E5%A2%9E%E5%8A%A0%E8%BF%91%E5%85%A9%E6%88%90-%E8%96%AA%E9%85%AC%E9%80%A3%E7%8D%8E%E9%87%91%E9%80%BE9000%E8%90%AC/

//根據港鐵年報，去年 12 名港鐵高層，除了黃唯銘和今年 3 月提早退休的行政總裁梁國權獎金大幅減少外，另外 10 個高層獎金都增加近倍，總計 12 名港鐵高層，去年薪金津貼超過 6000 萬，獎金超過 2300 萬，單計獎金較 2017 年增加近兩成。連同退休金供款，12 名高層薪金獎金合共 9210 萬元。//


講起薪酬就好笑啦
06年地鐵行政總監及執行總監共8人
合共收取三千零六十萬元基本薪金、津貼及實物收益
二百四十萬元退休金計劃供款
一千零九十萬元與表現掛鈎的薪酬
總計四千三百九十萬元

06年九鐵行政總監及執行總監共8人
合共收取二千一百零八萬元固定薪金及實物利益
九十八萬元退休福利計劃供款
五百一十三萬元浮動薪金
合計二千七百一十九萬元

18 年港鐵行政總監及執行總監共12人
合共收取六千一百萬元基本薪金、津貼及實物收益
一千一百七十萬元退休金計劃供款
一千九百十五十萬元與表現掛鈎的薪酬
總計九千二百二十萬元

未合併之前就已經係地鐵高層薪酬比九鐵高
相反九鐵基層員工福利比地鐵佳

依家兩鐵合併咗咁多年
高層薪酬除咗多過兩鐵未合併前嘅總和再多三成

06年九鐵CEO 詹伯樂收取
三百萬元固定薪金及實物利益
一百一十九萬元浮動薪金
總收入四百一十九萬元

06年地鐵CEO 錢果豐收取
五百九十萬元基本薪金、津貼及實物收益
四百二十萬元與表現掛鈎的薪酬
總收入一千一百一十萬元

18年地鐵CEO 梁國權收取九百三十萬元基本薪金、津貼及實物收益
一百四十萬元退休金計劃供款
四百五十萬元與表現掛鈎的薪酬
總收入一千五百二十萬元

你同我講養一班超高薪高層好過養兩班？
依家係養龜鐵一班垃圾高層仲要貴過以前養兩班囉
基層員工仲要福利差搞外判
車費年年加
故障時時有
有幾大嘅事故花紅照袋、人工唔使減
我淨係睇到兩鐵合併促使基層被剝削去養班超高高薪高層囉
你係咪其實幫港鐵高層做文宣？


金鐘沙中綫大大個夏慤花園直落月台
B4層係轉乘大堂
中間加閘機亦可
根本金鐘站唔合併都可以做到轉乘
係地鐵唔合作先講「18層地獄」

何文田、鑽石山同樣有轉乘大堂
整閘機都唔係問題
兩鐵合併根本唔影響轉乘方法
問題係地鐵唔想少咗九鐵批轉乘客先搞咁多嘢

如果港鐵有心服務乘客
就唔好講多嘢
取消九鐵綫轉市區綫重新計費問題先

有心回報社會嘅
取消外判服務
減高層人工增加基層員工待遇
同埋重整車費結構再次減價

否則你講$2優惠、轉乘方法呢啲根本就唔係重點

所以從來個問題都係政府是否有效監管鐵路公司？
不過當然當而家政府高層都自肥埋一份
一個特區首長人工高過唔少發達國家既首長既時候
有咩政府咪有咩鐵路公司囉