九龍城區議員要求A20加密班次、E21A改往機場

dennis28a 發表於 2020-3-26 23:32
以油尖旺交通情況，E21 準時無塞車已經好好彩。
但 40-45 分鐘一班一樣唔夠 E21 鬥，A20 唔加到 20-30 分 ...

一直都係話班次同走線要盡量balance
A33X咁半個鐘一班咪又係兜走晒D客

再回歸返去原本問題係
單靠密既主力A線係唔係真係一定work
或者係
疏D但更深入既A線係唔係真係唔work

另一樣野我覺得一定要分返開兩個case
本身有E車既已經係另一回事
A29P vs E22A 咁一個頭站一個尾站
咁A29P做到10分鐘一班都冇用
E21 vs A20 本身E車有班次優勢市區走線又冇得郁
咁當然A車唔係咁易打個市場仲要開60分鐘一班

但例如觀塘山起碼你都會認同應該有獨立A線
而唔使下下落山轉車

S3BL100 發表於 2020-3-27 13:09
60 分鐘係極限

留意而家大方向係開插針 A 線，但早年留低既大路頻密 A 線太多既得利益者，係無可能大改 ...

唔少新科區議員做過調查，點解唔搭 A 車而轉車，
其中一個死症係 60 分鐘太疏，60 分鐘明顯同居民「極限」有落差，等得部車黎不如早少少用其他方法入機場。

如果果區需求低到根本開唔到線，又一村何文田西貢赤柱咁，開 60、90 定 120 根本無分別，
又或者果區本身有密車 E 車，或者好強競爭對手，開 A 車點做都唔夠打，
叫人轉車或者真係出路黎，佢地轉得車黎都入左機場。

插針線都試左好幾年，成效係點大家有目共睹，但家陣開左咁多條插針線，搞唔掂係唔係時候返轉頭要做大重組呢？
為左解決疏班 A 車吸引力，將一條 60 分鐘一班拆做兩條 60 分鐘一班 A 車，
最後又繼續因為唔夠客同疏車無咩搭，你不如問下城巴會唔會咁做製造問題？佢一定唔拆線。

當然，何文田而家開左個頭好難收返，
咁既然夾左深長荔，畢竟深長荔班客係衰班次唔夠打，
加密到 30 分鐘一班谷返班潛在客源返黎反而先係出路。

既得利益區份係難做，但問題係你將 A20 一拆二，單純為左增加何文田吸引力，
又製造緊新既得利益者出黎。果個問題應唔應該再製造出黎呢？
除非整到條更吸引既走線比石硤尾、又一村，否則繼續同深長荔夾 60 分鐘一班一樣浪費資源，因為半條線既人覺得疏。
所以就算拆線，無可能繼續用 60 分鐘一班依個自殺式邏輯，起碼 40/45 分鐘去玩。

唔好忘記，機場往返大角咀同奧運區，仲有 S1 轉東涌綫依個選擇。
落完機 60 分鐘一班 A 車送車尾？請問邊個會等？

Snoopy@FB8617 發表於 2020-3-27 13:20
A22客量如何我就唔多再評論

如果唔計安達臣既

根據我 3 個住曉麗苑去機場既朋友，從來唔會刻意上秀明道等 60 分鐘一班 A 車。

問題係 60 分鐘太疏，A29P 行車時間又時快時慢，有時執執下野遲左出門，已經走左班車。
佢地求其行出馬路上 1A 落觀塘道轉 A29 / E22。

如果行秀茂坪道，但 30 分鐘一班，反正都要行，佢地個個真心唔介意行上去搭。

其實，雖然城巴現時開 A 線嘅大趨勢係見縫插針，
但並不代表城巴上述嘅取向係岩，根本就係無休止咁浪費資源。

東九龍、將軍澳依家有齊 A22/A23/A26/A29/A29P 五條 A 線，
未來更會幾乎係ㄧ邨一線咁濟，但整體營運狀况好差，
有部分線甚至係近乎廿四小時載空氣嘅死款。
反觀東區，得一條 A12 行大路，除柴小外無入過其他小區，
但靠小區至大路嘅接駁都涵蓋到大部分客源，就知城巴策略失誤。

可惜，城巴似乎係會一錯再錯，連龍運都開始步其後塵了。