荃灣西夜晚11點幾290/290A同時一齊開，大家會上邊架？

GW5878 發表於 2020-3-21 02:32
而家係講緊全山下客量加埋都係慘淡，真係難為同 98D 798 果堆線比，甚至 796C 98S 都好過佢，可見爬山根 ...

而家梗係唔同啦, 而家有肺炎吖嘛, 未有肺炎之前, 行山嘅線客量不知幾好，98c未落秀茂坪已經全車滿曬，290/A/X都唔差得去邊啦至少都全車滿曬呀， 一個典型嘅例子， 點解98a行將軍澳隧道嘅班次會咁少人坐？咁係因為個個都認為行山我係好過行隧道，更加快速去到觀塘。

點解98D呀798佢哋啲客量會咁好，因為佢哋只係服務將軍澳，所以正常喺將軍澳前應該要全車爆滿，咁先叫客量好咁啦， 宜家服務生下嘅路線唔單止服務將軍澳㗎嘛，290糸服務緊山下各屋邨㗎嘛， 但亦都唔代表係將軍澳冇人坐呀，係你成日將290貶得一文不值，死都要拗餐死

你真係搞笑， 攞啲直接行隧道嘅路線嚟同行山路嘅比， 講到D線好似完全係將軍澳冇需求，齋靠山下先養得起條線， 咁不如將軍澳全部行山路嘅路線取消算啦， 橫掂你覺得佢哋都冇需求啦係將軍澳，290 改喺寶達開囉，290A 喺四順開囉，290x 喺安達開羅， 使唔使連98c都縮短秀茂坪開呀？

WongKinYat_WKY 發表於 2020-3-21 13:30
而家梗係唔同啦, 而家有肺炎吖嘛, 未有肺炎之前, 行山嘅線客量不知幾好，98c未落秀茂坪已經全車滿曬，290 ...

其實你地啲行山派唔好成日將山下當仇人先得架，冇山下人你地會有咁好班次。每次有版友提建議話行隧道，行山派就走出嚟驚死割你忽肉。好老實，98AC縮去康翠寶達開係no one care，可惜九巴唔會彩你，無啦啦要收少幾蚊。至於你話山下人覺得行山線快，呢個簡直係笑話，你問十個有九個都覺得行山慢，98A隧道班次之所以少人係因為得個幾班，好多人都唔知有呢幾班車，再加上係開係隧道最塞車既時間，但唔代表覺得行山快，好多山下人上98A都係for上山用，如果出觀塘老早搭左小巴。唔該行山派唔好再自欺欺人。至於290系，有太多額外因素影響，加幾班隧道特班未嘗不可，反正290系都咁多分支，試完客量好再轉全日。

MyTiF 發表於 2020-3-21 14:00
其實你地啲行山派唔好成日將山下當仇人先得架，冇山下人你地會有咁好班次。每次有版友提建議話行隧道，行 ...

如果290開咗條支線行隧道我亦都唔會覺得好似冇咗忽肉咁囉

我冇針對任何一個人提議290行隧道， 我只係以事論事，290糸行隧道我覺得唔會快過行山好多lol, 甚至乎唔會快過, 然後服務範圍就細咗, 你都識講啦唔係靠我哋山下290糸邊有咁好嘅班次。

我亦都唔會針對有啲人行隧道同行山路嘅問題， 我亦都冇話過行山路一定快過行隧道， 只不過我認為290行山路係一個好嘅選, 所以我亦都冇自欺欺人,你亦都唔好咁敏感, 我嘅發言亦都唔會針對任何一個人，我只係針對嗰件事嚟講

支持GW5878網友唔好再搭91M,93A/K,95/M,98A/C/,290/A/B/X,A29P,以支持將軍澳隧道巴士線。隧道巴士線嘅未來靠曬你