九巴 286C 延長消息

tszhinchan3 發表於 2020-5-9 11:20
尋日交運會開左個特別會講RPP，第一城區議員又打哂開口牌要286c行大涌橋路避塞車啦！
擺明又想拉慢286c經富 ...

咁火炭路真係塞嘅，但大涌橋路都要燈燈停啊

今日黃昏由尖沙咀返馬鞍山，嘗試搭280X上青沙轉乘286C。


286C頂閘飛站
今日1805在尖沙咀登上280X，1835去到青沙轉車站，
早一班286C剛剛走咗3分鐘，其時286C北行班次約10-12分鐘。
等到第一班車：頂閘飛站。第二班車：又頂閘飛站。

第三班286C來到已經1905，即係等咗30分鐘，都係頂閘。
不過今次終於有職員安排中門上車，連埋我應該有4個人上車。
我架286C仲要塞多陣大埔公路，企到第一城已經1925，估計落咗廿幾人，
最終1940先返到馬鞍山。


青沙各線客量
在青沙的半小時，目測286C下繁客量最爆，其次係287X及286X。
有大約十個客來到青沙轉乘幾條大埔線(例如271X)，都上到車。
另外有三架980X外圍經過，尚有企位，可惜無站。


經青沙返馬鞍山：慢 + 難
平日87D車程一般需時55分鐘，其中旺角至獅隧比較慢流，通常坐滿要企。
今次由尖沙咀經青沙返馬鞍山，車程要95分鐘，足足比87D多40分鐘，
如果唔計轉車時間，全程都要65分鐘，其中西九龍站及大埔公路慢流。

睇返上年RPP建議開2班287D，跟287X+286C走線返馬鞍山，
我認為車程對比現時87D未必會快，只係9巴有賺(收貴$1)。

青沙轉乘去馬鞍山宜家全靠286C，非繁20分鐘一班太疏(當然280X更疏)，
繁時頂閘飛站，形同虛設，286C索性取消青沙轉車站算啦。

不過，如果87D學86C咁，拆條密線上青沙，留返20分鐘一班行九龍塘獅隧，
新增大角咀客源之餘，亦都增加馬鞍山青沙線上車機會，不過都係貴$1的問題。

hon_son_wilson 發表於 2020-5-19 22:57
今日黃昏由尖沙咀返馬鞍山，嘗試搭280X上青沙轉乘286C。

想問師兄在第一班286C頂閘不停到第三班車上到車期間，青沙轉車站有無職員坐陣幫過手?正路286C應該唔多人會青沙落車，頂閘車究竟有無埋站還是直接飛過?


因為下繁北行某些線如286X/287X等一樣係咁爆，但起碼會有人落車轉車，但車上乘客不行入就一樣無得上/難上車，職員幫手顯得重要。
青沙線有時誇張到連249X都爆，不過都叫上到，聽到有人想搭287X但多班都上唔到故此改搭249X…


利申：唔係經常見到職員駐站，間中平日下繁會使用/經過青沙轉車站，多數6-7pm期間。

其實不如改編號86D 改為經大老山公路丶大學站丶大埔公路上青沙。九龍終點站擺奧運，去程經長沙灣道丶南昌街丶通州街丶大角咀道。回程經大角咀道丶通州街丶南昌街丶長沙灣道。收費方面稍為調整，$8.9。86C改為頌安 - 長沙灣，沙田段改行沙田圍路沙田路入獅子山隧道，九龍方面改同86A一樣路線

hon_son_wilson 發表於 2020-5-19 22:57
今日黃昏由尖沙咀返馬鞍山，嘗試搭280X上青沙轉乘286C。

980X 仲有位企是多得新巴加開2班加班車, 分別在18:01及18:17前在金鐘開車。

2班287D 大角咀段唔是跟287X上公路, 是跟701經海暉道, 再落連翔道。

今朝試埋青沙南行，286C轉280X出尖沙咀。

0740登上286C，0757到第一城坐滿，大埔公路多車但唔慢。
0810到青沙，在第一城早2分鐘到站的240X，比我架286C遲1分鐘到青沙。
青沙南行轉乘客不多，見到249X、270B/D、287X埋站，全部都未頂閘。
等咗3分鐘就有280X埋站，算夾到，上車10分鐘就到西隧口，
柯士甸道都係多車，但未算塞。最終0830到達聖安德烈堂。

286C轉280X出尖沙咀全程50分鐘，同晨早87D特快班次當然無得比(雅景台直出40分鐘到)，
應該只係同87D正常班次車程相若，如果非繁青沙線轉乘只會更慢。

arfung 發表於 2020-5-19 23:56
想問師兄在第一班286C頂閘不停到第三班車上到車期間，青沙轉車站有無職員坐陣幫過手?正路286C應該唔多人 ...

其實尋晚一早有職員，不過第1班286C到之前，佢走咗去287X果邊無返來，
直到第3班286C到，職員先突然出現返。

第1班286C入站無停外線飛走，第2班有停站但無開門。
3班車都無人落車轉乘其他線，頂到前閘，但下層中間其實可以企多幾個。
第3班車到站時，職員叫下層客企入d，但乘客們唔郁，先唯有開中門上客。

287X都爆，但有落所以有上，不過睇唔到清晒轉乘客未。

hon_son_wilson 發表於 2020-5-20 08:43
今朝試埋青沙南行，286C轉280X出尖沙咀。

0740登上286C，0757到第一城坐滿，大埔公路多車但唔慢。

如果要多條特快，我寧願要40S掟上青沙，，耀謙樓尾站算。

hon_son_wilson 發表於 2020-5-19 22:57
今日黃昏由尖沙咀返馬鞍山，嘗試搭280X上青沙轉乘286C。

題外話，昨晚班次有點怪，8點多突然加開一班與前車相隔只有10分鐘，而前後都開25分鐘。估計回唔切車拉疏左286C 7點幾既班次

hon_son_wilson 發表於 2020-5-19 22:57
今日黃昏由尖沙咀返馬鞍山，嘗試搭280X上青沙轉乘286C。

其實286C 未全日之前長沙灣開始都頂閘飛站架啦
但偏偏唔加班做