咁問題就嚟喇，你講嘅需求，到底係石排灣定係香港仔或之後嘅路段？睇回覆似係講緊共有嘅路段，咁既然已有嘅路線同現時7號派車安排都無話有大問題，共有路段嘅乘客都係見車就上，咁其實都真係無太大嘅誘因要城巴去改
同埋，第二點果度，我真係睇唔明
樓上各位同你同埋我都係講緊派車（或班次）問題，無話要取消7號車，點解會變咗唔就腳、行十幾分鐘？
既然講緊嘅係維持現況，又點會無啦啦有架車喺度都會唔就腳？
以目前日間平均20分鐘一班嘅安排，加埋有ETA（當佢準而又無收車先啦），有心等嘅自然會乖乖地去站頭等車，長者亦唔會無啦啦因為要等果20分鐘而去行20分鐘落山
同埋，我又想知住大街嘅朋友，點睇90C、97A得朝日果幾班車。咁平時生活出街（講緊未有黨鐵果陣），真係要有架直達嘅巴士停正樓下先出動，唔會搭船搭小巴轉車，或者直接行上山、行去鴨脷洲邨？
我又想知鴨脷洲邨、海怡嘅朋友，佢地想去邊一度搞到要特登行入去利南工業區搭車？
amm，最後，鴨脷洲嘅舉隅明明係樓主自己覆果陣引出嚟嘅，原文都無講過任何鴨脷洲，唔知點解會變咗我係鴨脷洲嘅人
唔怕咁講，鴨脷洲嘅車我就真係唔多熟，所以真係睇到我黑人問號
btw，樓主覆果陣可唔可以真係睇清楚少少原文寫乜？
|
|
|
|
|
|
|
|
|
首先我講緊嘅需要係包括石排灣同係香港仔以及之後嘅路段
另外就係依家7號車班次疏問題搞到啲人捨棄寧願去行十幾分鐘搭車(90B、91)，如果你係住香港仔或者石排灣會繼續肯捨棄呢條線?
就腳嘅意思唔單單係搭車距離，同時亦講緊班次開出時間同街坊出入嘅時間接唔接近，尤其是香港仔或者石排灣有好多街坊去瑪麗覆診，佢哋都係根據覆診時間嚟調較出門時間，就係因為7號班次咁，搞到需要搭早兩班車，搭早兩班又太早，搭遲一班時間又太貼
如果你係住香港仔或者石排灣嘅係會要求7號加密而唔係90B、91囉
所以點解我會覺得你係鴨脷洲人
你話 "同埋，我又想知住大街嘅朋友，點睇90C、97A得朝日果幾班車。咁平時生活出街（講緊未有黨鐵果陣），真係要有架直達嘅巴士停正樓下先出動，唔會搭船搭小巴轉車，或者直接行上山、行去鴨脷洲邨？"
咁假設你住香港仔同需要去銅鑼灣嘅，你會唔會有72、76、77、38、42唔搭，而搭街渡過去鴨脷洲搭592、96呢?
另外我用利南工業區做例子係比喻要行咁遠距離去搭車嘅意思
仲有你話冇長者因為7號等得耐特登行去海傍搭90B、91，其實有唔少囉
|
|
|
|
|
|
|
|
|
呢位師兄嘅觀點真係有D難理解
如果「就腳」呢樣嘢要如你所講咁，要就埋街坊出入時間，咁睇怕7號車要加密到中巴年代咁樣，每90秒一班，都未必符合你嘅要求
以呢個理論去睇，九記大窩西、埔公路線都應該要加班換大車啦，D班次仲疏過城記7號車wo
首先你要搞清楚，巴士線有喺度，乘客要搭就應該要自己就時間，點可以要巴士加密去就返D唔知幾時先會有需要嘅人，係咪？
覆診時間係已知嘅嘢，咁係應該個人就架車，早D出門口落去等
我想講多樣嘢，約咗醫院一個時間，本身就應該要早D到，搭早一兩班車真係會有問題？
90B、91同7號車喺香港仔相遇，睇返香港仔前嘅路段，邊個本身需求大，就邊個需要加班
90B、91照顧緊嘅係成個島，仲要係全世界人口最密集嘅島，兜完出嚟去香港仔上客，又多人搭，點解唔加畀佢地？
7號車去到相遇果個站之前只係得石排灣同埋舊大街，呢幾個站係咪真係可以非繁忙時間坐到七成坐位？又做唔到，仲要係咁上落水塘道，要你日日行幾十次上落都死啦係咪
就算係照顧大大個島嘅兩條線都畀人減緊班，咁你點解覺得7號車就可以加班，仲要同其他大線爭12米車用？
另外，香港仔去銅鑼灣，當然搭返已有嘅車
同理，石排灣去中環、薄扶林，亦當然會搭返7號車
大街嘅論說係取自你關於「又或者住鴨脷洲大街就 行去海怡搭車，唔通鍾意咁?」嘅引證，話你知大街嘅人會點搭車
石排灣搭落山再行出海皮，以長者嚟講路確實係遠，咁係咪更應該教佢地點就返個時間搭車呢？
區區都有長者，同石排灣狀況相似嘅地區有好多，你所在嘅地區唔係獨有或者唯一，如果所有相類嘅地區都話要加班，四間巴士公司都應該會幾頭痛
最後，都好想知，假設畀你講通曬，巴士真係要就人開車而唔係人等巴士開嘅時間
咁，車喺邊度嚟？ |
|
|
|
|
|
|
|
|
本帖最後由 chunglau 於 2020-3-29 20:48 編輯
睇嚟你搭車經驗尚淺，如果巴士路線需求嘅多少好似你咁計就好多線都取消得!
巴士數量多的是，無論有冇疫情，巴士公司都有大量巴士係車廠待命(未計維修緊嘅)
另外 邊個話你知7號係細線/偏門線呢? 7號係大線嚟㗎!
仲有7號服務時間由0545-0100中環碼頭開，0515-0030石排灣開，幾乎日夜都有，仲要部分時間經華富同置富，係凌晨有3個幾4個鐘真空㗎啫
繞經華富同置富唔係因為冇生意要搵嚟爭取喎
請問90B、91未過鴨島就頂閘嗎?但係7號就試過可以未落香港仔就頂閘喎
另外90B、91 起碼有一半車係運櫈多過運人，咪仲應該20分鐘一班
仲有，按你嘅邏輯好似暗示緊石排灣係唔屬於香港仔一部分，石排灣同香港仔係已經融為一體㗎! 你好似有意分化喎!
|
|
|
|
|
|
|
|
|
|
樓主睇下咁多年黎,巴士公司點對待石排灣,不過議員都唔爭氣,有76x唔要,石排灣今時唔同往日,老人家多,非繁需求唔係好大,就算好似91,未有mtr,非繁剩做利東都唔夠客,71剩做黃竹坑都唔夠客,巴士公司咪條條開20,一視同仁,係90B好少少,華富數碼港都係條條20 |
|
|
|
|
|
|
|
|
前任議員建制㗎嘛，乜都怕政府嘅，緊係唔爭氣㗎
37A/B、970/X咪唔係20-30囉
|
|
|
|
|
|
|
|
|
|
37AB本身運作唔同,我係大道中西上車,返唔到香港仔,香港仔搭37B去唔到瑪麗,而且好靠隧道班客維持,不過你舉埋口970系,其實咪講左7或其他薄扶林線班次趨勢減少原因,因為多左車過海,少左人去中環轉地鐵 |
|
|
|
|
|
|
|
|
巴士公司派車，唔係單單以幾點開工幾點收工去計，路面情況、客量先係巴士公司最實際去睇嘅嘢
黃廠海廠管理（實際好似都係柴廠嚟）幾十條巴士線，點解7號車主力係11米車而唔係12米，樓主發問前有無認真諗過原因？
當你諗完個原因，有無諗過點樣先可以令巴士公司加入12米，再就住呢樣嘢去提供建議？
我唔知你講嘅搭車經驗係咩嚟，亦都問得真係好奇怪，老實講呢個數字都幾唔實際，對個建議有咩幫助？
我諗就算有個由單層年代已經搭7號車嘅人出嚟講，都唔會改變得到客觀嘅現實
仲有，請睇清楚我嘅用字，再一次要求樓主真係望多幾次消化下，無一個字去定義7號車係大線定細線
但我好肯定單單南區已經有更多比7號車更高需求嘅線，明明要用12米車但最後成日派11米或者用緊行李架嘅車
eg. 70、72、96、592
仲有，繁忙時間滿住咁喺石排灣開未必係出奇嘅事，好多屋邨出發嘅線都有呢個情況
咁係咪真係日日都發生？又，車喺邊度嚟？
最後，請問邊段、邊句會引伸到你認為我會將香港仔同石排灣分割？
PS. 樓主嘅想法真係好有趣
真係最後最後，有少少忠告
其實呢，我都知我推文係唔啱架喇，都沉咗兩日都仲推仲回
不過樓主，好認真，有幾點想提提你
1. 唔止我，好多版友都講過7號車嘅問題，呢個問題唔止發生嘢某單一路線上，而係整個薄扶林區嘅路線都有呢個共通嘅問題（當然有師兄講37A、37B係唔同，我同意嘅）
2. 7號車已經唔可能單一去睇佢未來嘅發展，同上面講，需要整個薄扶林區域整體去搞，但勸樓主都係唔搞好過搞喇，我想講巴士公司真係要開刀嘅話，7、71幾可肯定係企得最前
3. 問多次，車喺邊嚟？你應該知而家D路線唔係話加車就加車，已經無咗呢支歌係廿年，間廠放多一百架車都係唔出得去玩嘅，所以最後，樓主要成就7號車加班，咁請問要邊區邊條線遭殃？
4. 好真心嘅睇法，樓主好鍾意捉好少嘅用語（其實可能真係無講過）去估人地諗乜（其實唔洗估，暫時無樣正確），與其係咁樣估，不如著眼返人地講嘅嘢，其實我地都只係講返D事實你聽姐，當然真話不嬲都唔係好聽嘅
5. 真係最後喇我打得太多次呢個詞語，望多幾次大家寫嘅嘢，真係真係消化咗人地寫乜先，先去回覆人。睇返大家講嘅內容，無人話要cut 7號車、無人話要7號車減班，絕大部份意見都同意7號車維持現狀，唔好諗住加密就代表可以多咗人搭
|
|
|
|
|
|
|
|
|
其實我2月份已將7號加密班次同加入12米巴士嘅建議及當中原因再加上呢條線嘅問題交比現任區議員，區議員回覆話將於5月嘅交通會議討論同審議，安排點樣唯有睇佢哋
|
|
|
|
|
|
|
|
|
唔係換左區議員一定有改善的
南區都係好例,好多訴求不得要領
但車就成日CUT
|
|
|
世界很簡單 人類很複雜
|
|
|
|
|
|
|
Advertisement
Advertisement
Advertisement
Advertisement
Advertisement
|
樓主